Վլադիմիր Ալիխանյան (զինվոր)
| Վլադիմիր Վարուժանի Ալիխանյան | |
|---|---|
.jpg) | |
| հունվարի 29, 1996 - ապրիլի 3, 2016 (20 տարեկան) | |
| Ծննդավայր | Դիլիջան, Տավուշի մարզ, Հայաստան |
| Մահվան վայր | Ջրական, Ադրբեջան |
| Ծառայության տարիներ | 2014 հունիսի 6 - 2016 ապրիլի 3 |
| Պարգևներ | ՀՀ «Մարտական խաչ» 1-ին աստիճանի շքանշանով, Արցախի «Մարտական ծառայություն» մեդալով։ |
Վլադիմիր Վարուժանի Ալիխանյան, (հունվարի 29, 1996, Դիլիջան, Տավուշի մարզ, Հայաստան - ապրիլի 3, 2016, Ջրական, Ադրբեջան), զինվորական, շարքային, քառօրյա պատերազմի մասնակից։
Կենսագրություն[խմբագրել | խմբագրել կոդը]
Վլադիմիրը ծնվել է Տավուշի մարզի Դիլիջան քաղաքում։ 2003-2011 թվականներին սովորել է Դիլիջանի թիվ 1 դպրոցում։ Այն ավարտելուց հետո՝ 2011-2014 թվականներին, սովորել է Դիլիջանի պետական քոլեջի տնտեսագիտության բաժնում։ 2014 թվականի հունիսի 6-ին զորակոչվել է բանակ[1]։ Ծառայել է ՊՆ N զորամասում, այնուհետև ՊԲ N զորամասում՝ որպես տանկային դասակի նշանառու օպերատոր[2][3]։ Վլադիմիրը 2015 թվականի աշնանը ճանաչվել է զորամասի լավագույն նշանառու օպերատոր և պարգևատրվել ՀՀ պաշտպանության նախարար Սերյան Օհանյանի կողմից։ Եղել է շարքային։
Զոհվել է 2016 թվականի ապրիլի 3-ին 9-րդ ՊՇ 117-րդ մարտական դիրքի վերագրավման փորձի ժամանակ։ Նրա հետ էին նաև տանկի հրամանատար ավագ լեյտենանտ Բենիամին Եղոյանը և շարքային Տիգրան Աբգարյանը, որոնք նույպես զոհվել են։
Հետմահու պարգևատրվել է ՀՀ «Մարտական խաչ» 1-ին աստիճանի շքանշանով, Արցախի «Մարտական ծառայություն» մեդալով։
Ծանոթագրություններ[խմբագրել | խմբագրել կոդը]
- ↑ studio, 5165m. «Anunner.com - ՎԼԱԴԻՄԻՐ ԱԼԻԽԱՆՅԱՆ ՎԱՐՈՒԺԱՆԻ». www.anunner.com (ամհարերեն). Վերցված է 2019 թ․ փետրվարի 6-ին.
{{cite web}}: CS1 սպաս․ թվային անուններ: authors list (link) - ↑ «Շարքային Վլադիմիր Ալիխանյան. թիրախը խոցում էր առաջին իսկ փորձից». Armtimes.com. Վերցված է 2019 թ․ փետրվարի 6-ին.
- ↑ «Ապրիլյան պատերազմում հաղթանակած 321-րդ տանկի անմահ հերոս Վլադիմիր Ալիխանյանի ծննդյան օրն է». artsakhpress.am. Վերցված է 2019 թ․ փետրվարի 11-ին.