Վիքիպեդիա:Տերմինների քննարկում/Վիքիփեդիայի անվանում/Եզրափակիչ փուլ

Ստեղծել հղումը
Վիքիպեդիայից՝ ազատ հանրագիտարանից

Առաջին քվեարկության ընթացքում (տես՝ Վիքիպեդիա:Տերմինների քննարկում/Վիքիփեդիայի անվանում), որը տեղի է ունեցել 2012 փետրվարի 3-ից մինչև 2012 փետրվարի 29-ը, Հայերեն Վիքիպեդիայի մասնակիցների մեծամասնությունը ցանկություն է հայտնել ընտրել հանրագիտարանի համար նոր անվանատարբերակ։ Ձայները բաշխվել են հետևյալ կերպ.

Երկրորդ՝ եզրափակիչ փուլով ընտրություն կկատարվի առաջարկվող անվանատարբերակների միջև։

Եզրափակիչ փուլ[խմբագրել կոդը]

Քվեարկության կարգը[խմբագրել կոդը]

Քվեարկությանը կարող է մասնակցել յուրաքանչյուր ոք, ով

  1. գրանցված է նախագծում
  2. կատարել է առնվազն 100 խմբագրում

Տեսակետ արտահայտել կարող են նաև չգրանցված մասնակիցները

Քվեարկության ժամկետը[խմբագրել կոդը]

Քվեարկությունն ընթանում է 2012 մարտի 5-ից մինչև 2012 ապրիլի 5-ը։

Անվանատարբերակներ[խմբագրել կոդը]

Խնդրում ենք օգտագործելով {{կողմ}} և {{դեմ}} կաղապարները տալ ձեր նախապատվությունը որևէ տարբերակին։ Յուրաքանչյուր ձայն պետք է հիմնավորված լինի։ Անհիմն ձայները հաշվի չեն առնվելու։

Այստեղ գտնվում են ավարտված քննարկումներ։ Խնդրում ենք, փոփոխություններ չմտցնել։ Արդյունքը՝

Վիքիփեդիա[խմբագրել կոդը]

  1. Կողմ Եթե մենք թարգմանում ենք անգլերենից, իսկ մենք պետք է թարգմանենք անգլերենից, ապա այն պետք է հնչի որպես ՈՒիքիփիդիա, սակայն կարող են որոշակի խնդիրներ առաջանալ հնչողության և արտասանության հետ որոշ մարդկանց մոտ։ Ներկա պահին Վիքիփեդիա հնչում է բավականին նորմալ։ Վիքիպեդիա անվանակոչելը սխալ է այն պատճառով, որ մարդիկ սովոր են կարդալ ռուսական արտասանութամբ և չեն մտածում, որ ժամանակին ռուսներն էլ են թարգմանել Վիքիփեդիան անգլերենից։ --jossian (talk) 17։26, 18 Մարտի 2012 (UTC)
Տես WIK-i-PEE-dee-ə, կամ լսիր
Հարգելի Jossian, ի՞նչ նկատի ունեք թարգմանել ասելով։ Թարգմանել նշանակում է գտնել այս կամ այն բառի համարժեքը մեկ այլ լեզվում։ Առայժմ միայն երկու առաջարկ է եղել WIKIPEDIA անունը թարգմանելու. առաջինը Ճեպագիտարան տարբերակն է, երկրորդը Վիքիգիտարանը (որը, կարելի է ասել, մասնակի թարգմանություն է)։
Նախընթաց քննարկումները ցույց են տվել, որ գրեթե բոլոր մասնակիցները կողմնակից են WIKIPEDIA-ի ոչ թե թարգմանության, այլ տառադարձության, որ հավանաբար նկատի ունեք նաև դուք։ Սակայն, այն փաստարկը, որ տառադարձվող անվանումը պետք է պահպանի և նույնությամբ վերարտադրի օրիգինալ, այս դեպքում՝ անգլերեն լեզվում, փոխառվող եզրի արտասանությունը, միշտ չէ որ կարելի է ճիշտ համարել։ Տառադարձման կանոնները, ընդհակառակը, ստեղծված են որպեսզի տառադարձվող եզրը հարմարվի երկրորդ լեզվի, այս դեպքում՝ հայերենի հնչունական համակարգին։ Դուք ինքներդ նշում եք, որ անգլերեն արտասանությունը պահպանելու դեպքում պետք է գրեինք Ուիքիփիդիա, և ինքներդ էլ տեսնում եք, որ այդ տարբերակը չէր հարմարվի հայերեն հնչունական համակարգին։
Եթե ուսումնասիրենք WIKIPEDIA-ի անվանմանը այլ լեզուներում, ապա կտեսնենք, որ դրանցից ոչ մեկում նույնությամբ չի պահպանված անգլերեն տարբերակի արտասանությունը և դա տրամաբանական է, քանի որ մեկ լեզվի հնչունային համակարգին հարմարված արտասանությունը սովորաբար խորթ է հնչում մեկ այլ լեզվում, որն ա՛յլ հնչունային համակարգ ունի։ Բերեմ մի քանի օրինակ.
Հետաքրքիր է ռումիներեն լեզվի օրինակը, որտեղ WIKIPEDIA-ի արտասանության 6 տարբերակ ((Բացել ֆայլի մասին տվյալները արտասանություն)) էր հնարավոր, ուստի Ռումիներեն Վիքիփեդիայի մասնակիցներն ստիպված էին քվեարկությամբ ընտրություն կատարել։
Ուզում եմ նաև անդրադառնել նաև ձեր հնչեցրած այն տեսակետին, որ ռուսներն էլ են թարգմանել Վիքիփեդիան անգլերենից։ Ճիշտ եք, բայց ոչ ամբողջությամբ։ Թե՛ ռուսերենը, թե՛ մյուս լեզուները, այո, WIKIPEDIA անունը փոխառել են անգլերենից, սակայն նրանք նախքան այդ արդեն դարեր առաջ ունեցել են -պեդիա արմատը (որը փոխառել են հունարենից)։ Այլ կերպ ասած, նրանք փոխառել են նախագծի անունը, սակայն դրա երկրորդ մասի արտասանությունը արդեն ունեցել են՝ հարմարեցված իրենց լեզվական առանձնահատկություններին։ Դրանով է պայմանավորված այն, որ վերևը թվարկված գրեթե բոլոր լեզուներում -PEDIA-ն չի հնչում անգլերենի նման (-փեդիա կամ -փեդիը)։ Հայերենը նույնպես ունի -պեդիա արմատը և այդ արմատի արտասանությունը։ Նախորդ տարիներին Հայերեն Վիքիփեդիայում ծավալված բանավեճի հիմանական առարկան հենց այդ հարցն էր. օգտագործե՞լ հայերենում առկա և շատերի կարծիքով հայերենում ավելի հարազատ հնչող -պեդիա արմատը (ինչպես դա անում են գրեթե բոլոր մյուս լեզուները), թե՞ վերցնել անգլերեն հնչունային համակարգին հարմարեցված փեդիան։ Կարծում եմ նախագծի մասնակիցների մեծ մասը այս հարցի պատասխանը իր համար արդեն գտել է։--vacio 12:58, 20 Մարտի 2012 (UTC)[reply]

Հասկանում եմ ինչես ուզում ասել Vacio, բայց ինձ թվում է Վիքիփեդիա ավելի լավ է հնչում, բայց վերջնական անունը ցույց կտա քվեարկությունը և թող լինի այնպես ոնց կցանկանա մեծամասնությունը --jossian (talk) 13։37, 20 Մարտի 2012 (UTC)

Վիքիպեդիա[խմբագրել կոդը]

  1. Կողմ, Այստեղ կարծում եմ ամեն ինչ ասված է, և կարելի է միայն քվեարկել։--Bekoքննարկում 16։06, 7 Մարտի 2012 (UTC)
  2. Կողմ, քանի որ մասնագետների կարծիքը սա է։ Ինձ համար ընդունելի է նաև Վիքիպեդիա տարբերակը։ Ի դեպ կարո՞ղ եմ քվեարկել երկու տարբերակին՝ կողմ։SusikMkr (talk) 16։22, 7 Մարտի 2012 (UTC)
  3. Կողմ, ամենանպատակահարմար տարբերակն է։--Արամ-Վան 13։25, 8 Մարտի 2012 (UTC)
  4. Կողմ Գտնում եմ, որ ՎԻՔԻՊԵԴԻԱ ձևն ամենառացիոնալն է հանրագիտարանի համար։-- Vahe 13։49, 8 Մարտի 2012 (UTC)
  5. Կողմ Քանի որ բոլոր փաստարկները արդեն բերված են նախորդ էջում, ձայնս այս տարբերակին կտամ։--Պանդուխտ (talk) 05։57, 13 Մարտի 2012 (UTC)
  6. Կողմ Միանշանակ Վիքիպեդիա--Samo04 (talk) 06։44, 13 Մարտի 2012 (UTC)
  7. Կողմ Երբ 5 տարի առաջ միացա նախագծին, կողմնակից էի Վիկիպեդիա տարբերակին, այս պահին սակայն ամենանպատակահարմարը Վիքիփեդիան է ինձ թվում, քանի որ այդ փոփոխությունը արմատական չի լինի և կվերաբերի միայն ա՛յս նախագծին (հակառակ դեպքում, եթե ընտրենք Վիկիպեդիա, ապա դրանից հետո, ըստ երևույթին, պետք է նաև քվեարկություն անցկացնել Վիքիդարանում, Վիքիաղբյուրում, Վիքիքաղվածքում, Վիքիլսարանում.... դրանք՝ Վիկիդարան, Վիկիաղբյուր, Վիկիքաղվածք, Վիկիլսարան դարձնելու համար)։ Ժամանակի ընթացքում ինքս էլ սկսել եմ արտասանել Վիքիպեդիա և ոչ թե Վիկիպեդիա (իսկ Վիքիփեդիային այս 5 տարվա ընթացքում չի հաջողվել ընտելանալ)։ --vacio 10։27, 13 Մարտի 2012 (UTC)
  8. Կողմ սկզբում գրել էի, որ նախապես քվեարկում եմ Վիկիպեդիա օգտին, բայց լսելով Vacio-ի հիմնավորված վերոնշյալ կարծիքը համաձայնվում եմ Վիքիպեդիա տարբերակին։ ERJANIK 10։40, 13 Մարտի 2012 (UTC)
  9. Կողմ Միանշանակ կողմ եմ այս տարբերակին։ --Narek75 (talk) 15։41, 18 Մարտի 2012 (UTC)
  10. Կողմ Միանշանակ կողմ եմ։ Ես միշտ կարդացել եմ Վիքիպեդիա։ Եվ ըստ իս անգլերեն Wikipedia-ից թարգմանած այն լինում է հենց Վիքիպեդիա։ HovhannesKarapetyan (talk) 16։54, 18 Մարտի 2012 (UTC)
  11. Կողմ StarBoyGarik 21։12, 18 Մարտի 2012 (UTC)
  12. Կողմ ճիշտն ասած ինձ բոլորովին միևնույն է, բայց կքվեարկեմ։ Իմ կարծիքով վիքիպեդիա գեղեցիկ է հնչում։ Hovhannes (talk) 17։39, 18 Մարտի 2012 (UTC)
  13. Կողմ Ինձ համար էլ, պարզապես սա ավելի բարեհունչ էIni-initiaty 15։20, 19 Մարտի 2012 (UTC)
  14. Կողմ Կողմ եմ Վիքիպեդիա տարբերակին։--A.M. (talk) 11։51, 19 Մարտի 2012 (UTC)
  15. Կողմ Իմ կարծիքով Վիքիպեդիա տարբերակը շատ ավելի գեղեցիկ և նուրբ է հնչում։--Hrantos (talk) 22։04, 23 Մարտի 2012 (UTC)
  16. Կողմ Իմ կարծիքով Վիքիպեդիա տարբերակը ամենահարմարն է, ի տարբերություն Վիկիպեդիա, ինչ որ հայկական հատիկ ունի։--Աննա74 21։49, 26 Մարտի 2012 (UTC)
  17. Կողմ «Վիքիպեդիա» տարբերակը նախընտրելի է, քանզի հայ օգտվողների մեջ հիմնականում տարածված է հենց այս տարբերակը։ --Lilitik22 (talk) 14։15, 28 Մարտի 2012 (UTC)
  18. Կողմ Մի շարք պատճառներով։ Այդ թվում՝ արդեն վերևը նշված պատճառներով։ Wolf (talk) 03։38, 31 Մարտի 2012 (UTC)
  19. Կողմ Կարծում եմ՝ հենց այս տարբերակն է հայոց լեզվի տեսանկյունից ամենաբարեհունչը և հնչյունադարձության կանոններին համապատասխանողը։ Velvet Bride (talk) 08։19, 31 Մարտի 2012 (UTC)
  20. Կողմ Սա ամենահարմար տարբերակն է, համենայն դեպս ինձ համար։ Ընդունում եմ սա, որովհետև մնացած տարբերակները այդքան էլ «հաճելի» չեն։ Բացատրեմ՝ ինչու։ Նախ՝ ասյպես ասած հայկական տարբերակները(Վիքիգիտարանն ու Ճեպագիտարանը) հաստատ չեն օգտագործվելու(գոնե ես միանշանակ չեմ օգտագործելու), հետո՝ Վիկիպեդիան չեմ ընդունում, քանի որ մի քիչ ռուսերեն է այն առումով, որ անգլերեն ք-ն դառձել է կ (ասես մենք ռուսների պես ք տառ չունենք), իսկ Վիքիփեդիան շատ կոպիտ է հնչում ու չգիտեմ ինչ լեզվով է(հաստատ անգլերեն չէ), համ էլ եկեք պահպանենք հին հունական պեդիան։ Ճիշտն ասած Վիքիպեդիան էլ կատարյալ չէ, բայց համենայն դեպս բոլոր նշված տարբերակներից ինձ համար ամենահաճախ օգտագործվողն է ու ընդունելին՝ այսպես ասած «ոսկե միջինը»։--Avagyan (talk) 16։49, 2 Ապրիլի 2012 (UTC)
  21. Կողմ Միանշանակ Վիքիպեդիա տարբերակը լավագույնն է, չնայած Վիքիփեդիա տարբերակն էլ վատը չէր։ Hayk S 19։17, 2 Ապրիլի 2012 (UTC)
  22. Կողմ Ես միշտ և՛ գրել, և՛ արտասանել եմ «Վիքիպեդիա»։ Ինձ համար այս տարբերակն ավելի բարեհունչ է։ -- 23artashes (talk) 10։02, 3 Ապրիլի 2012 (UTC)


  • Կողմ Տարբերակներից ամենա լավ հնչողն է. Rs4815 (talk) 10:29, 30 Մարտի 2012 (UTC) Անվավեր քվե. Հարյուրից պակաս ներդրում (ստուգող մասնակից. Vacio)[reply]

Վիկիպեդիա[խմբագրել կոդը]

  1. Կողմ
Քվեարկում եմ "Վիկիպեդիա" տարբերակի օգտին որպես արևելահայ, ոչ լեզվաբան:
C-ն որպես Ք, ու P-ն որպես Փ-ն տրանսլիտերացնելու կողմնակիցները հիմնվում են այդ տառերի անգլերեն հնչողության վրա՝ մոռանալով, սակայն, որ W-ն էլ այդ դեպքում պետք է Ուը դառնա, pedia"-ն էլ՝ "փԻդիա", ու այսպիսով կունենանք Ուիքիփիդիա, որը մաքսիմալ հասկանալի կհնչի եվրոպացի ունկնդրի ականջին, սակայն դժվար թե առանձնապես շոյի (արևելա- կամ արևմտա-)հայ ընթերցողի աչքը: Բառի միայն որոշ տառերի նկատմամբ տրանսլիտերացիայի սելեկտիվ կիրառումն անիմաստ է: Պարզաբանեմ՝ Victoria անունը կարելի է տրանսլիտերացնել ինչպես Վիկտորիա, այնպես էլ՝ Վիքթորիա, սակայն մասնակի տրանսլիտերացիան (Վիկթորիա կամ Վիքտորիա) ակնհայտորեն սխալ է բոլոր տեսակետերից: W-ն շատ գեղեցիկ կերպով արտաբերվում ու գործածվում է ժամանակակից հայերենում՝ Wimbledone - Ուիմբլդոն, William Saroyan - Ուիլյամ Սարոյան, Oscar Wild - Օսկար Ուայլդ, - մաքսիմալ օրիգինալին մոտ, աչք չխազող տառադարձումներ են: W-ն Վ տառադարձնել իմաստ ունի երևի միայն այն դեպքում, երբ հաջորդվում է "ու" հնչյունով, որպեսզի double-ու չունենանք՝ Վուդրո Ուիլսոն: Տվյալ դեպքում ունենք ընդամենը մի W, որը հաջորդվում է ձայնավորով, ու վերոհիշյալ տրամաբանությամբ wiki արմատը պետք է տառադարձվի որպես "Ուիքի": Այսպիսով, եթե թողնում ենք օրիգինալ հնչողությունը, ապա պետք է լինի Ուիքիփ(ե/ի)դիա, եթե նրանից հրաժարվում ենք, ապա արդար կլինի, որ տառադարձվեն բոլոր տառերը՝ Վիկիպեդիա, մնացած տարբերակները անհասկանալի ընտրողականությամբ տառադարձում են միայն որոշ տառեր և անփոփոխ թողում մյուս տառերը: : Քվեարկության ներկայիս լիդեր "Վիքիպեդիա" տարբերակն իրենից ներկայացնում է տարբեր "մետությունների" անհասկանալի կոնգլոմերատ՝ Վ-ն ու պ-ն ակնհայտորեն կրում են ռուսերենի ազդեցության հետքը, ք-ն էլ՝ Արևմուտքինը, ու այն հարցին թե ինչու՞ բորշը պատրաստել հենց այս անհամատեղելի բաղադրիչները միախառնելով, որևէ մեկը հստակ պատասխան չի տալիս՝ դուր է գալիս և վերջ:
Ինչ վերաբերվում է տերմինների ամբողջական հայաֆիկացմանը (խոսքն առաջարկված "Ճեպագիտարան"-ի մասին է)՝ այստեղ պետք է լինի որոշակի ռացիոնալություն. պետք չէ այդքան ծայրահեղական ու սինթետիկ լինել, լայն միջազգային տարածում գտած միջազգային տերմինների ՝100% հայաֆիկացման իմաստը ո՞րն է՝ կոմմունիկացիայի արհեստական դժվարացու՞մը, լեզվի տեսչության աշխատակիցների օրգա՞զմը: Ո՞վ է օգտագործում, ասենք, "հրասայլ" տերմինը, երբ կա աշխարհի բնակչության 99.9%-ին հասկանալի, կարճ "տանկ" տերմինը: Ճիշտ է, wiki- արմատը ծագում է հավայական "արագ" բառից, սակայն ներկայումս այն բնութագրում է ավելի շուտ ինտերնետ-պրոյեկտի ստանդարտը, քան մատնացույց անում նրա "ճեպա" լինելը: Այնպես որ, բրենդային արմատներին եկենք հանգիստ թողնենք: "Վիկիգիտարանը" փոքր ինչ ավելի տրամաբանական ու կոմպրոմիսային տերմին է, քանի որ պահպանում է օրիգինալ wiki- արմատը՝ լրացնելով այն pedia-ի նորմալ հայերեն թարգմանությամբ ("հանրագիտարան"-ի անալոգիայով), սակայն էլի չեմ կարծում, որ երբևէ կդադարի "արհեստական" հնչողություն ունենալ, ինքս միշտ էլ մտածելու եմ "անգլերեն Wikipedia", "ռուսերեն Wikipedia", "հայերեն Wikipedia", ու հետո միայն, պոլիտկորրեկտությանը զոհ գնալով, ստիպված գործածելու "Վիկիգիտարան" տերմինը հայերենի համար՝ ամեն անգամ ողջ մարմնով զգալով վերջինիս արհեստականությունը ու "մի անգամ չեղավ էս հայերը ողջ աշխարհից արհեստականորեն տարբերվելու համար մի էքսցենտրիկ բան չմոգոնեն" մտքի ակտուալությունը...
Ինչ վերաբերվում է արևելահայերեն-արևմտահայերեն զանազանություններին, ավտոմատ տրանսլիտերացիայի օնլայն ծառայություներն էլ տալիս են Վիկիպեդիա տարբերակը արևելահայերենի համար: translit.am, translit.cc, translitteration.com և Վիգիբետիա տարբերակը արևմտահայերենի համար՝ translit.cc , translitteration.com: Արևելահայերենի ու արևմտահայերենի միջև կոնցենսուսային տարբերակ գտնելն անհնար է, քանի որ հնչյունները նրանցում գրվում ու արտասանվում են համարյա տրամագծորեն հակառակ կերպով: Պրոյեկտը ներկայիս վիճակում արևելահայերեն է՝ ինտերֆեյսն էլ, հոդվածներն էլ, ուստի ամենանվազ հակասական տարբերակը մնում է "Վիկիպեդիա"-ն:Armatura (talk) 15:14, 29 Մարտի 2012 (UTC)[reply]
  • Կողմ Կարծում եմ պետք է դիտել փաստերով: Ward Cunningham-ը անվանումը կազմել է երկու մասից "wiki" հավայերենից, կարդացվում է վիկի (վիտի), և նշանակում է արագ և "pedia" paideia (παιδεία) հունարենից՝ կարդացվում է պեդիա որը նշանակում է կրթություն: Այսպիսով, ճիշտ տարբերակ եմ համարում Վիկիպեդիա-ն, չնայած ռուսական հնչողություն ունի::Yesayi (talk) Անվավեր քվե. Հարյուրից պակաս ներդրում (ստուգող մասնակից. Vacio)

Վիքիգիտարան կամ Վիկիգիտարան[խմբագրել կոդը]

  1. Կողմ - Իմ համար, այս տարբերակն ամենաօպտիմալն է հետևյալ հիմնական նկատառումներով.
Վերանում է արևմտահայերենի հետ կապված անհամատեղելիության խնդիրը, որն ըստ chaojoker-ի առկա է Վիքիպեդիա կամ Վիկիպեդիա տարբերակների պարագայում
Պահպանվում է անգլերենի անվան ռիթմիկ կառուցվածքը (Վիքիգիտարան, Ազատ հանրագիտարան= Wikipedia, the Free encyclopedia)
Հայացվում է անունը, դրանով այն առավել հասկանալի ու ընդունելի է դառնում հայոց լեզվի տեսանկյունից: --Rob (talk) 14:35, 8 Մարտի 2012 (UTC)[reply]
  1. Կողմ Ըստ իս արդեն լավագույնս հիմնավորված է նախորդ քվեարկողի կողմից։ Այս տարբերակը առավել հայկական տարբերակն է։ --KaroAramazd 23։38, 26 մարտի 2012 (UTC)
  1. Կողմ Ես միշտ հայացման հետ եմ ուր որ կարելի է։ Վիկիգիտարան հրաշալի և զմայլելի է։ և դիւրին հեզասահ կը հնչուի հայերէնով։ Լաւագոյնն Է։ Werldwayd (talk) 02։15, 31 Մարտի 2012 (UTC)
Պարզապես ընտելանալու հարց է... Շատ շիտակ: Ինչու կոմունիստ և ոչ համայնավար, օբերացիա և ոչ գործողություն, կուլտուրա և ոչ մշակույթ, ինչու բյուրո, կինո, պարտիա, թեմա, սոցիալ, մինիստր, էկոնոմիկա, ֆինանս, բիզնես, սուբյեկտ, օբյեկտ, բենեֆիցիար, ինչու Վիքիփեդիա և ոչ Վիկիգիտարան: Լավ առիթ է ընտրելու հայաշունչ Վիկիգիտարանը: Werldwayd (talk) 04:27, 2 Ապրիլի 2012 (UTC)[reply]
  1. Կողմ - Վիքիգիտարան -Սահակ (talk) 21։25, 5 Ապրիլի 2012 (UTC)
  • Կողմ Ես էլ եմ հայացման կողմնակից: Ժամանակին էլ օտարամոլները պարտադրում էին «ռեսպուբլիկա», «տելեֆոն», «մաշինա» (հիմիկվա ռաբիզ «մաշնա») և այլ անվանումները: Հիմա որքան բնական են հնչում «հանրապետություն», «հեռախոս» և «մեքենա» բառերը: Աստիճանաբար մեր առօրյան մտան նաև «համացանց», «կայք», «հղում», «ներբեռնել» բառերը: Պետք չե թերագնահատել մայրենի լեզվի հնարավորությունները լինել ժամանակակից և հնչունակ:

«Վիքիգիտարան» անվանում էլ հիմա է որ մի քիչ անսովոր է թվում. ընտելանալու հարց է: Artas (talk) 10:39, 1 ապրիլի 2012 (UTC) Անվավեր քվե. Հարյուրից պակաս ներդրում (ստուգող մասնակից. Vacio)

Քվեարկության արդյունքը[խմբագրել կոդը]

Ընդհանուր 28 վավերական քվե։ Այդ թվում ներկայացված տարբերակները ստացել են հետևյալ քանակի քվե.

  • «Վիքիպեդիա» – 22
  • «Վիքիգիտարան» – 4
  • «Վիքիփեդիա» – 1
  • «Վիկիպեդիա» – 1

Ըստ այս արդյունքների, քվեարկողների գեկշռող մասը կողմնակից է Վիքիպեդիա անվանատարբերակի գործածությանը։ Այժմ, կարծում եմ, կարելի է անցնել անվանափոխության գորնական-տեխնիկական աշխատանքներին։ --vacio 11։49, 8 Ապրիլի 2012 (UTC)

Տեսակետներ[խմբագրել կոդը]

Մեկնաբանություններ

  • Ես հիմնավորման պահը չհասկացա։ Եթե բանը հասել է քվեարկությանը, ինչ հիմնավորման մասին կարող է խոսք լինել։ Միաժամանակ արդյոք հիմնավորում չէ, եթե ես նշեմ, որ այս կամ այն տարբերակը, ինձ համար ավելի բարեհունչ է՞ Ini-initiaty 16։10, 20 Մարտի 2012 (UTC)
Այդքանը միանշանակ բավարար է։ --vacio 13:04, 20 Մարտի 2012 (UTC)[reply]
Իմ կարծիքով, եթե մասնակիցը ուղղակի նշում է, թե որ տարբերակի համար է քվեարկում բավարար չե, դա միայն նախընտրության արտահայտումն է, բայց դրան գումարած պետք է լինի հիմքը, այսինքն ինչից ելնելով է մասնակիցը որոշել այդպես քվեարկել: Դա նրա համար, որ սա ուղղակի հանրաքվե չդառնա: ԲԱՅՑ, եթե ցանկացած հիմնավորումը արդեն նշված է եղել առաջին փուլի էջում, կարիք չկա այն կրկնել, պետք է միայն հղվել:--Պանդուխտ(նրդ|քնն) 14:48, 20 Մարտի 2012 (UTC)[reply]


Առհասարակ, անգլերենից տառադարձումները հայերենի համար դժվարլուծելի խնդիր են ներկայացնում՝ անգլերեն p,t,k/q հնչյունները հայերեն փ,թ,ք տառադարձնելիս, քանի որ, իրականում, անգլերեն p,t,k/q բաղաձայններն ամենևին էլ այնքան շնչեղ չեն արտասանվում, ինչպես հայ ականջը սխալմամբ լսում է։ Այս թյուրիմացությանը նպաստում/նպաստել է նաև արևմտահայ տառադարձման ազդեցության հանգամանքը. քանի որ արևմտահայերենը լիովին կորցրել է (այսինքն, արևմտահայի ականջը չի լսում) պարզ պայթականները, ապա նրանք ստիպված են տառադարձնել օտար լեզուներից՝ թե p,t,k/q, թե p',t',k'/q հնչյունները կամ բ,դ,գ-ով, կամ փ.թ.ք-ով (ձայնեղ՝ բ,դ,գ տարբերակը մեզ համար բոլորովին անընդունելի է. մնում են շնչեղները)։ (Ավելի կոպիտ, ուղղակի, անթույլատրելի սխալ է, և նույնպես արևմտահայերենի ազդեցությունը՝ նույն բաղաձայնները ֆրանսերենից և մյուս ռոմանական լեզուներից արևելահայերենում փ,թ,ք-ով տառադարձնելը։) Ահա այս՝ արևմտահայ տառադարձման ազդեցությունն է նաև (իսկ մենք հաճախ ենք օտար բառերը ստանում արևմտահայերենի միջոցով), որ մեր ականջը մասամբ վարժեցրել է այդ ծանրահունչ շնչեղ բաղաձայններին։ Եվս մեկ հանգամանք դրդում է արևելահայերիս շնչեղների գերադասմանը. դա ռուսերենի միջոցով ստացված, ռուսացված տառադարձումներից խուսափելու հանգամանքն է, որ սկզբունքորեն իրավացի մոտեցում է, բայց չպիտի մեխանիկորեն գործադրվի՝ պետք է միշտ և հետևողականորեն ճշտել բառի ծագումը և տառադարձնել բնօրինակից։ Ուրեմն. ա) սկզբունքորեն սխալ է՝ համարել, որ եթե բառը փոխառյալ է անգլերենից, ապա բոլոր դեպքերում p,t,k/q պիտի տառադարձվի փ,թ,ք, քանի որ, կրկնում եմ՝ անգլերենում այդ հնչյուններն ամենևին էլ նույն աստիճանի և նույն որակի շնչեղություն չունեն, ինչ հայերենում, բ) պետք է ելնել բառի ստուգաբանությունից՝ այն լեզվի հնչյունաբանությունից, որից ծագում է բառը։ Wikipedia բառի պարագայում վերը շարադրածս դատողությունների մեծ մասն ավելորդ է, քանի որ այս բառի մեջ անգլերենը բացակայում է։ Բառի -pedia մասով. ինչպես արդեն ասվել է (Yesayi, -vacio)` հունարեն է, և մենք հունարենից տառադարձնելու հստակ կանոններ ունենք, մշակված դեռևս 1500 տարի առաջ: Այդ կանները, փառք Աստծո, գործում են մինչև այսօր, և այդ կաննոներին համապատասխան` միայն և միայն -պեդիա։ (Ի դեպ, հայերենում գործածում ենք "էնցիկլոպեդիստ" և "էնցիկլոպեդիկ" բառերը, և ոչ մեկիս մտքով չի անցնում գրել կամ արտասանել "էնցիկլոփեդիստ" և "էնցիկլոփեդիկ". նույնքան ծիծաղելի է՝ Վիք/կիփեդիա ձևը։) Ինչ վերաբերում է բառի Wiki- մասին, ապա, քանի որ, ինչպես նույնպես արդեն ասվել է (Yesayi), հավայերեն է, և քանի որ հավայերենում շնչեղ բաղաձայններ չկան, ապա ակնհայտ է, որ վիկի-։ Այսպիսով՝ Վիկիպեդիա։ Նույպես և՝ Վիկիդարան, Վիկիաղբյուր, Վիկիքաղվածք, Վիկիլսարան։ Խնդիրը շատ պարզ է, քննարկելու բան չկա. պարզապես, ինչ-որ մեկը մի անգամ, սկզբում սխալվել է, հիմա պետք է սխալը ուղղել։ Եվ, իհարկե, սա քվեարկությամբ լուծելիք խնդիր չէ։ Կարելի է, առնվազն՝ կոնսենսուսով։ Ոչ մի դեպքում չի կարելի ելնել այն բանից, թե քանի հոգի է արդեն ականջը վարժեցրել սխալմամբ կիրառության դրված սխալ տառադարձմանը։ Պետք է սահմանել ճիշտ, գրագետ, լեզվաբանորեն հիմնավորված տառադարձումը և այն դնել կիրառության։

Լիովին ընդունելի է նաև Վիկիգիտարան ձևը, քանի որ արդեն իսկ գոյություն ունեն Վիկիդարան, Վիկիաղբյուր, Վիկիքաղվածք, Վիկիլսարան ձևերը։ Կառաջարկեի կարճ՝ Վիկիգետ կամ Վիկիգիտակ ձևերը։ Բայց, առհասարակ, Հայաստանում դեռևս, կարծեմ, գործում է "Տերմինաբանական կոմիտե" կոչված հաստատությունը՝ չգիտեմ, թե ներկայումս ինչ որակով, և գոյություն ունի այսպես կոչված՝ "Լեզվի տեսչություն", որը նույպես չգիտեմ, թե ինչով է զբաղված։ Եվ անկախ դրանց որակից ու պատասխանատվության զգացումից (կամ անգամ պատասխանատվության ակնհայտ բացակայությունից), բոլորս պիտի գիտակցենք, որ չի կարելի հայոց լեզվին վերաբերող խնդիրները լուծել ինքնագլուխ՝ մի խումբ ընկերներով խելք-խելքի տալով, էլ չեմ ասում՝ մի քսան-քսանհինգ հոգով քվերկության դնելով։ Մեր լեզուն և մեր եզրաբանությունը մեր համընդհանուր ազգային խնդիրն ու պատասխանատվությունն է՝ ՅՈՒՐԱՔԱՆՉՅՈՒՐ ՄԵԿ ՀԱՏԻԿ ԲԱՌԻ ՄԱԿԱՐԴԱԿՈՎ։ – Այս անստորագիր գրառման հեղինակն է 46.241.149.160 (քննարկում|ներդրումներ) 18:31, 2 Ապրիլի 2012‎ մասնակիցը։

Շնորհակալություն ձեր հանգամանալիորեն հիմնավորված տեսակետն ներկայացնելու համար։ --vacio 19:51, 2 Ապրիլի 2012 (UTC)[reply]

Արեւմտահայերէն Wikipedia[խմբագրել կոդը]

Երբ հարցը հոս հասաւ թէ վերանուանումի կարելիութիւնը բացուեցաւ, և նկատի ունենալով որ ունինք բաւական թիւով յօդուածներ Արևմտահայերէնով, անշուշտ թէ արևմտահայերէն մեր էջերը պէտք է ունենան իրենց իւրայատուկ ձևը որ Արևմտահայերէն լեզուի յարմար է։ Վիքիպեդիա ձևը մեզի շատ օտար կը թուի։ Կը կարդանք Vikipetya Կարելի խորդ թուի արևելահաերէնի մէջ Ու-ն W-ին համար, բայց մեզ մօտ Վ-ն է որ շատ խորդ է։ Արևմտահայերէնով գրեթէ միշտ պիտի գրէինք Ու։ և միջանկեալ ըսեմ ւ-նը ձեռագիր (այսինքն պզտիկ)։ Այսինքն Ու և ոչ թէ ՈՒ։ Արևմտահայերէնի մէջ չունինք ՈՒ ոչ ալ և, պարզապէս Ու և և։ Աւելցնեմ որ նոյն չափով մեզի խորդ է դ գործածել d-ին համար։ Պէտք է ըլլայ միմիայն տ։ P գիրին համար կը գործածենք բ-ն քանի փ ընդհանուր առմամբ լատիներէն Ph-ին համար է (փարոս քանի Pharos է բայց Բաքիստան և Բարիզ քանի P է։ Այդպէս որ Արևմտահայ Wikipedia-ին էջերուն համար կ՝առաջարկեմ Ուիքիբետիա ձևը։ Արևելահայերէն էջերուն համար դուք որոշեցէք։ Werldwayd (talk) 02։06, 31 Մարտի 2012 (UTC)

Հարգելի Werldwayd, անչափ շնորհակալություն, ձեր դիտարկումը շատ կարևոր էր։ Այս քվեարկության առաջին փուլի ժամանակ ես կասկած էի հայտնել, թե արդյո՞ք արևմտահայերեն խոսացող մասնակիցների համար Վիքիպեդիան իսկապես նախընտրելի տարբերակ է, և այժմ ուրախ եմ, որ այդ հարցին անդադառնում է արևմտահայերեն խոսող մի մասնակից։ Նշեմ, որ արևմահայերենը նույնքան կարևոր է այս նախագծի համար, որքան արևելահայերենը։ Այնպես որ, ցանկության դեպքում, կարելի է նախ ստեղծել Հայերեն Վիքիպեդիայի մասին արևմտահայերեն հոդված (Հայերէն Ուիքիբետիա կամ Հայերէն Վիքիբետիա), այնուհետև թարգմանել ամենակարևոր ուղեցույցները ու կանոնակարգերը, իսկ հետագայում այնպես անել, որ արևմտահայերենը նաև ներկայացված լինի Գլխավոր էջում (օրինակ, գուցե ստեղծել՝ «Շաբաթվա արևմտահերեն հոդված» բաժին կամ նման մի բան)։ Եթե դրա հետ մեկտեղ նաև ավելանա արևմտահայերեն հոդվածների թիվը ու լինեն կանոնավորապես խմբագրումներ անող մասնակիցեր՝ կարելի է մի օր վերարծարծել առանձին արևմտահայերեն բաժին ստեղծելու հարցը։ Հարգանքներով։ --vacio 09:37, 31 Մարտի 2012 (UTC)[reply]

Տես նաև[խմբագրել կոդը]

Հին քննարկումներ[խմբագրել կոդը]

Ստացված է «https://hy.wikipedia.org/w/index.php?title=Վիքիպեդիա:Տերմինների_քննարկում/Վիքիփեդիայի_անվանում/Եզրափակիչ_փուլ&oldid=5959797» էջից