Վիվյեն Վուդվորդ

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Վիվյեն Վուդվորդ
Vivian Woodward.jpg
Քաղաքացիությունը Flag of the United Kingdom.svg Միացյալ Թագավորություն
Ծննդյան ամսաթիվ հունիսի 3, 1879(1879-06-03)
Ծննդավայր Լոնդոն, Մեծ Բրիտանիայի և Իռլանդիայի միացյալ թագավորություն[1]
Մահվան ամսաթիվ հունվարի 31, 1954(1954-01-31)[1] (74 տարեկան)
Մահվան վայր London Borough of Ealing, Մեծ Լոնդոն, Անգլիա, Միացյալ Թագավորություն
Դիրք Հարձակվող

Վիվիան (Վիվ) Ջոն Վուդվորդ (անգլ.՝ Vivian "Viv" John Woodward, հունիսի 3, 1879(1879-06-03), Լոնդոն, Մեծ Բրիտանիայի և Իռլանդիայի միացյալ թագավորություն[1] - հունվարի 31, 1954(1954-01-31)[1], London Borough of Ealing, Մեծ Լոնդոն, Անգլիա, Միացյալ Թագավորություն), անգլիացի ֆուտբոլի հարձակվող, Անգիայի հավաքականի անդամ, կրկնակի օլիպիական չեմպիոն (1908 և 1912 թվականներ)։

Ակումբային կարիերա[խմբագրել | խմբագրել կոդը]

Կարիերան սկսել է Էսեկսեյի մերձծովյան Կլակտոն-օն-ՍԻ քաղաքի «Կլեկթոն Թաուն» ֆուտբոլային ակումբում՝ որպես խաղացող։ 1901 թվականին տեղափոխվել է «Տոտտենհեմ Հոթսպուր», որտեղ 132 խաղում խփել է 63 գոլ։ 1909 թվականին տեղափոխվում է լոնդոնյան «Չելսի», որտեղ 116 խաղում խփել է 34 գոլ[2]։ Նա թիմի լավագույն ռմբարկուն էր 1912-1913 մրցաշրջանում՝ 10 խփած գոլով[3]։ Առաջին համաշխարհային պատերազմի սկիզբին նա զորակոչվում է բրիտանական բանակ և արդյունքում չի մասնակցում 1914-1915 թվականներին Անգլիայի ֆուտբոլի առաջնությանը։ Թեպետ այդ ժամանակ նա կարճաժամկետ արձակուրդ էր ստացել՝ Անգլիայի գավաթի խաղարկության եզրափակչում փոխարինելու Չելսիի հավաքականի վնասվածք ստացած Բոբ Թոմսոնին, սակայն նա չի մասնակցում, քանի որ Թոմսոնի վնասվածքն արդեն վերականգնվել էր։ Վուդվորդը վիրավորվում է ռազմական գործողությունների ժամանակ և չի կարողանում կարիերան շարունակել որպես ֆուտբոլիստ։

Կարիերան հավաքականում[խմբագրել | խմբագրել կոդը]

1903 թվականին նա իր առաջին խաղն անց է կացրել իր Անգլիայի հավաքականում՝ Իռլանդիայի հավաքականի դեմ խաղում, որն ավարտվել է 4:0՝ օգուտ Անգլիայի հավաքականի։ 1903-1911 թվականների ընթացքում Անգլիայի հավաքականի կազմում խաղացել է 23 խաղ,որտեղ խփել է 29 գոլ՝ սահմանելով ազգային ռեկորդ մինչև 1950-ական թվականները։ 1910 թվականին մասնակցել է Հարավային Աֆրիկայի հավաքականի դեմ ոչ պաշտոնական խաղին և դարձել 4 գոլի հեղինակ։ 1906-1914 թվականներին Անգլիայի ֆուտբոլի սիրողական հավաքականում մասնակցել է 44 խաղի և դարձել 57 գոլի հեղինակ։

Օլիմպիական կարիերա[խմբագրել | խմբագրել կոդը]

1908 և 1912 թվականներին Օլիմպիական խաղերի ժամանակ եղել է Մեծ Բրիտանիայի ֆուտբոլի հավաքականի կապիտան՝ դառնալով կրկնակի չեմպիոն։

Կարիերան բանակում[խմբագրել | խմբագրել կոդը]

1916 թվականին ծառայության ժամանակ վիրավորվում է։ Հասել է կապիտանի կոչման։

Ձեռքբերումներ[խմբագրել | խմբագրել կոդը]

Անգլիայի հավաքական

  • Օլիմպիական չեմպիոն 1908, 1912

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 http://www.world-football-legends.co.uk/index.php/eng/5-woodward-vivian
  2. Glanvill, Rick. Chelsea FC: The Official Biography - The Definitive Story of the First 100 Years. — Headline Book Publishing Ltd, 2006. — P. 410. — ISBN 0-7553-1466-2
  3. Glanvill, Rick. Chelsea FC: The Official Biography - The Definitive Story of the First 100 Years. — Headline Book Publishing Ltd, 2006. — P. 380. — ISBN 0-7553-1466-2

Արտաքին հղումներ[խմբագրել | խմբագրել կոդը]