Վիեննայի մատենադարան

Վիեննայի մատենադարան, Վիեննայի Մխիթարյան միաբանության մատենադարան, հայերեն ձեռագրերի, գրքերի ու պարբերականների պահպանման կենտրոն Վիեննայում։ Հիմնել են Վիեննայի Մխիթարյանները, 1811 թվականին։ Վիեննայի մատենադարանի դերը մեծացել և հավաքածոները հարստացել են մասնավորապես 19-րդ դարի 2-րդ կեսին, երբ միաբանությունը դարձել է ուսումնական և հայագիտական կենտրոն։ Մատենադարանում պահպանվում է 2600 ձեռագիր (1984), այդ թվում՝ Թորոս Ռոսլինի, Աարգիս Պիծակի և այլոց ձեռքով նկարազարդված արժեքավոր մատյաններ։ 1895 թվականին տպագրվել է Հ․ Տաշյանի կազմած Վիեննայի մատենադարանի ձեռագրացուցակի առաջին հատորը, 1964 թվականին՝ երկրորդ հատորը (Հ․ Ոսկյան), 1983 թվականին՝ երրորդը (Օ․ Աեքուլյան)։ Հայերեն գրքերի և պարբերականների թիվը ավելի քան 150 հազար է, հայագիտությանն ու արևելագիտությանը վերաբերող օտարալեզու գրքերինը՝ ավելի քան 10 հազար։ Գրքային հավաքածուն համալրվում է ՀՍՍՀ-ից ու Սփյուռքի գաղթավայրերից ստացվող հրատարակություններով։ Վիեննայի մատենադարան․ սերտ կապերի մեջ է Երեանի Մեսրոպ Մաշտոցի անվան Մատենադարանի և հանրապետության գիտական այլ հաստատությունների ու գրադարանների հետ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 428)։