Վերնիսաժ (Երևան)

Վերնիսաժ
Տեսակ	Տոնավաճառ
Երկիր	Հայաստան
Տեղագրություն	Երևան

Անվան այլ կիրառումների համար տե՛ս՝ Վերնիսաժ (այլ կիրառումներ)

Վերնիսաժ (ֆր.՝ vernissage), բացօթյա տոնավաճառ Երևանի կենտրոնում, Բյուզանդ-Խանջյան փողոցների հատման հատվածում։

Պատմություն[խմբագրել | խմբագրել կոդը]

Վերնիսաժը ձևավորվել է 1980-ական թվականների կեսերին Երևանում՝ Մարտիրոս Սարյանի անվան այգու տարածքում, որտեղ հիմնականում նկարներ են ցուցադրվել։ Ժամանակի ընթացքում Վերնիսաժը բաժանվել է 2 մասի՝ նկարիչների մի մասը մնացել է Մարտիրոս Սարյանի այգում, մյուս արվեստագետների ու արհեստավորների համար տեղ է հատկացվել Հանրապետության Հրապարակին կից այգում:

Վերնիսաժում վաճառվում են հայ արվեստագետների ձեռքի աշխատանքները, արվեստի նմուշներ, կիրառական արվեստի նմուշներ, հուշանվերներ, ոսկերչական իրեր, գորգեր, նկարներ Հայաստանի լանդշաֆտների պատկերմամբ, ազգային երաժշտական գործիքներ, տիկնիկներ, քարե, փայտե, կավե, մետաղե, խեցեղենի նմուշներ, հնաոճ իրեր, նաև խորհրդային տարիների հետաքրքիր իրեր՝ գրքեր, կենցաղային պարագաներ^[1]^[2]։

2016 թվականին Երևանի քաղաքապետրանը «Վերնիսաժում» իրականացնում է նորոգման, արդիականացման և բարեկարգման ծրագիր^[3]^[4]: