Վերա Մուխինայի հուշարձան
 | |
|---|---|
 | |
 | |
| Տեսակ | տեսարժան վայր |
| Ստեղծում | 1989 |
| Երկիր |  Ռուսաստան |
| Բնակավայր | Մոսկվա |
| Շինության ձև | Քանդակ |
| Նյութ | բրոնզ և գրանիտ |
| Ներկա վիճակ | Կանգուն |
Վերա Մուխինայի հուշարձան (ռուս.՝ Памятник Вере Мухиной), հուշարձան Ռուսաստանի Դաշնության մայրաքաղաք Մոսկվայում։ Նվիրված է խորհրդային քանդակագործ, ԽՍՀՄ ժողովրդական նկարիչ, ԽՍՀՄ գեղարվեստի ակադեմիայի իսկական անդամ Վերա Մուխինային (1889-1953)։ Հուշարձանը տեղադրվել է քանդակագործի արհեստանոցի մոտ՝ Պրեչիստենսկի նրբանցքում։ Բացումը տեղի է ունեցել 1989 թվականին և նվիրված է եղել նկարչուհու ծննդյան 100-ամյակին։ Նախագծի հեղինակներն են քանդակագործ Միխայիլ Անիկուշինը և ճարտարապետ Սերգեյ Խաջիբարոնովը[1][2][3]։
Պատմություն
[խմբագրել | խմբագրել կոդը]«Բանվորը և կոլտնտեսուհին» հանրահայտ հուշարձանի, Մոսկվայի պետական կոնսերվատորիայի առջև տեղադրված Պյոտր Չայկովսկու արձանի, ինչպես նաև հանրահայտ նիստավոր բաժակի հեղինակ Վերա Մուխինայի հուշարձանը տեղադրվել է Պրեչիստինկայի և Պրեչիստենսկի նրբանցքի հատման վայրում, ոչ մեծ խորշ-պուրակում։ Այն տունը, որի ֆոնին կանգնած է արձանը, 1947 թվականին նախագծել է Վերա Մուխինան։ Այդ տանը նա ապրել է մի քանի տարի մինչև իր մահը[4]։
Հուշակոթողի հեղինակներն են քանդակագործ Միխայիլ Անիկուշինը և ճարտարապետ Սերգեյ Խաջիբարոնովը[4]։
Նկարագրություն
[խմբագրել | խմբագրել կոդը]Քանդակը պատրաստված է բրոնզից և պատկերում է միջին տարիքի կնոջ։ Վերա Մուխինայի մարմինը ցուցադրված է մինչև ծնկները, նրա գլուխը բարձրացված է փոքր-ինչ վեր և թեքված է ձախ, դեմքը հանգիստ է և լուրջ։ Քանդակը տեղադրված է կարմիր գրանիտից պատրաստված պատվանդանի վրա, որին փակցված է հուշատախտակ հետևյալ գրությամբ. «Վերա Իգնատևնա Մուխինային»[5][6]։
Ծանոթագրություններ
[խմբագրել | խմբագրել կոդը]- ↑ Захаров, 2010, էջ 202
- ↑ «Салют, Вера!». Лента.Ру. 2014 թ․ հուլիսի 1. Վերցված է 2018 թ․ մայիսի 13-ին.
- ↑ Билялитдинова, Тарасов, 2006, էջ 103
- ↑ 4,0 4,1 «Памятник Вере Мухиной». Արխիվացված է օրիգինալից 2018 թ․ մայիսի 27-ին. Վերցված է 2018 թ․ մայիսի 21-ին.
- ↑ Вострышев, 2010, էջ 270
- ↑ Департамент культурного наследия города Москвы (2015). «Мухина В. И.». Узнай Москву. Վերցված է 2018 թ․ մայիսի 13-ին.(չաշխատող հղում)
Գրականություն
[խմբագրել | խմբագրել կոդը]- Билялитдинова Г., Тарасов А. Хамовники: в лицах, судьбах, эпохах. Исторические сенсации в современной трактовке. — М.: Новая Элита, 2006. — 367 с. — ISBN 5901642112, 9785901642115
- Вострышев М. И. Москва: все улицы, площади, бульвары, переулки. — М.: Алгоритм, Эксмо, 2010. — 688 с. — ISBN 978-5-699-33874-0
- Захаров В. Г. От Смольного до Правительства СССР: записки министра культуры СССР. — М.: РАГС, 2010. — 350 с. — ISBN 5772904388, 9785772904381