Վասիլի Աբաշիձե

Վասիլի Աբաշիձե; վրաց.՝ ვასილ (ვასო) ალექსის ძე აბაშიძე
Ծնվել է	նոյեմբերի 22 (դեկտեմբերի 4), 1854
Ծննդավայր	Դուշեթ, Ռուսական կայսրություն
Մահացել է	հոկտեմբերի 9, 1926 (71 տարեկան)
Մահվան վայր	Թիֆլիս, Խորհրդային Սոցիալիստական Հանրապետությունների Միություն
Քաղաքացիություն	Վրաստանի Դեմոկրատական Հանրապետություն և Խորհրդային Սոցիալիստական Հանրապետությունների Միություն
Մասնագիտություն	դերասան
Ամուսին(ներ)	Մակո Սափարովա-Աբաշիձե
Երեխա(ներ)	Anastasija Vasilevna Abasjidze?

Վիքիպեդիայում կան հոդվածներ Աբաշիձե ազգանունով այլ մարդկանց մասին:

Վասիլի (Վասո) Ալեքսիի Աբաշիձե (վրաց.՝ ვასო (ვასილ) აბაშიძე; ռուս.՝ Василий Абашидзе, նոյեմբերի 22 (դեկտեմբերի 4), 1854, Դուշեթ, Ռուսական կայսրություն^[1] - հոկտեմբերի 9, 1926(1926-10-09)^[1], Թիֆլիս, Խորհրդային Սոցիալիստական Հանրապետությունների Միություն^[1]), վրացի դերասան, ՎՍՍՀ ժողովրդական արտիստ (1922)։

Հայ դերասանուհի Մակո (Մարիամ) Սափարովա-Աբաշիձեի ամուսինը։

Կենսագրություն[խմբագրել | խմբագրել կոդը]

Ծնվել է նոյեմբերի 22-ին (դեկտեմբերի 4), 1854 թվական, Դուշեթում։ Վրացական դերասանական արվեստի ռեալիստական դպրոցի հիմնադիրներից։ Կերտել է սոցիալական սրությամբ, ազգային կոլորիտով բնութագրային, կատակերգական և վոդևիլային կերպարներ. Կարապետ (Գ. Էրիսթավիի «Ժլատ»), Գեուրք, Մկրտում (Անտոնովի «Արևի խավարումը Վրաստանում»), Ավետիք (Ցագարելու «Այլ են հիմա ժամանակները»), Զիմզիմով (Սունդուկյանի «Պեպո»), Ֆամուսով (Գրիբոյեդովի «Խելքից պատուհաս»), Խլեստակով (Գոգոլի «Ռևիզոր») և այլն։ Գրել և թարգմանել է պիեսներ, հիմնադրել (1885) և խմբագրել է «Թեատրի» վրացերեն առաջին թատերական ամսագիրը։ Աբաշիձեի հայ-վրացական թատերական կապերի ջատագովն էր, Գաբրիել Սունդուկյանի, Շիրվանզադեի, Հովհաննես Աբելյանի մտերիմը։ Տիրապետել է հայերենին (կինը՝ Մարիամ Սափարովա-Աբաշիձեն, և հոր մայրը հայ էին), խաղացել հայկական ներկայացումներում (Թիֆլիսի հայկական թատրոնի 35-ամյակին, 1893-ի, հունվարի 28-ին, «Դալալ Ղաղո» վոդևիլում՝ հայերեն)։ Հովհաննես Աբելյանի հետ ստորագրել է հայ-վրացական միացյալ թատերական շենք կառուցելու կոչը, 1908-ին ընտրվել է «Հայոց դրամատիկական ընկերության» պատվավոր անդամ։ Աբաշիձեի անունով է կոչվում Թբիլիսիի երաժշտական կոմեդիայի վրացական թատրոնը։

Մահացել է հոկտեմբերի 9-ին, Թբիլիսիում։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Абашидзе Василий Алексеевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969. — Т. 1 : А — Ангоб. — С. 12.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 14)։

[_6bf08c76cfba8218-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Абашидзе Василий Алексеевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969. — Т. 1 : А — Ангоб. — С. 12.

[1]