Վան Գոգի տուն-թանգարան (Դրենթե)

Վիքիպեդիայից՝ ազատ հանրագիտարանից
Jump to navigation Jump to search
Վան Գոգի տուն-թանգարան
Van Gogh Huis 2019 02.jpg
Տեսակբնակելի տուն և tourism office?
ԵրկիրFlag of the Netherlands.svg Նիդերլանդներ
ՏեղագրությունԷմմեն
ՎայրVeenoord?
ՀասցեVan Goghstraat? (1)
Հիմնադրված է1870

Վան Գոգի տուն-թանգարան (Դրենթե) (նիդերլանդերեն՝ Van Gogh Huis (Drenthe), մշակույթի օջախ Նիդերլանդների Դրենթե մարզի Նյու Ամստերդամ քաղաքում՝ նվիրված նշանավոր պոստիմպրեսիոնիստ/էքսպրեսիոնիստ նկարիչ Վինսենթ վան Գոգին, ով 1883 թվականին երկու ամիս ապրել է այն տանը, որը հետագայում վեր է ածվել թանգարանի։

Պատմություն[խմբագրել | խմբագրել կոդը]

Վան Գոգը Դրենթեում[խմբագրել | խմբագրել կոդը]

Վինսենտ վան Գոգը 1883 թվականին աշնան երեք ամիսներին ապրել է Դրենթեում։ Սեպտեմբերի 11-ին Հաագայից գնացքով եկել է Հոխեվեյն, որտեղ երկու շաբաթով կանգ է առել հյուրատանը[1][2]։ Այնուհետև ջրանցքով, մակույկ նստած, հասել է Նյու Ամստերդամ, հոկտեմբերի 2-ից սենյակ վարձել տներից մեկում, ուսումնասիրել շրջական, նկարներ արել, նամակներ գրել Փարիզում ապրող եղբորը՝ արվեստի գործերի առևտրով զբաղվող Թեոյին։ Դեկտեմբերի 4-ին մեկնել է Հոխեվեյն, այնտեղից էլ՝ Նինեն, որտեղ իր հայրական տունն էր[1]։

Վան Գոգի նյուամստերդամյան պատկերներից՝ դիտված իր վարձած բնակարանի պատուհանից

Տունը[խմբագրել | խմբագրել կոդը]

Վան Գոգի սենյակը

Այն տունը, որտեղ Նյու Ամստերդամում երկու ամիս ապրել է Վան Գոգը, 1870 թվականին կառուցված շինություն է և ժամանակի ընթացքում շատ տերեր է փոխել[3]։

1997 թվականին Stichting Van Gogh & Drenthe-ն (Van Gogh & Drenthe հիմնադրամը) ձեռնամուխ է եղել այդ շենքի վերակառուցմանը, և 2003 թվականի մարտ ամսին տուն-թանգարանը բացել է իր դռները այցելուների առջև։ Վան Գոգի զբաղեցրած սենյակը կահավորված է 19-րդ դարավերջի կահույքով, դրված են նկարչի նկարակալը, վրձիններ, ներկեր, մի խոսքով՝ այնպիսի տեսք է տրվել բնակարանին, ինչպիսին պետք է որ ունենար Վան Գոգի իջևանելու ժամանակ[3]։

Տես նաև[խմբագրել | խմբագրել կոդը]

Վինսենթ վան Գոգ

Ծանոթագրություններ[խմբագրել | խմբագրել կոդը]

  1. 1,0 1,1 "Van Gogh in Drenthe, The Netherlands" Van Gogh Route Retrieved 21 December 2019.
  2. "Van Gogh's verblijf in Drenthe" Van Gogh Huis Drenthe. Retrieved 20 December 2019.
  3. 3,0 3,1 "Van Gogh Huis Drenthe" Van Gogh Huis Drenthe. Retrieved 20 December 2019.

Արտաքին հղումներ[խմբագրել | խմբագրել կոդը]