Վահե Սիրունյան
- Վիքիպեդիայում կան հոդվածներ Սիրունյան ազգանունով այլ մարդկանց մասին։
| Վահե Սիրունյան | |
 Ռազմական գործիչ | |
| հոկտեմբերի 3, 1982-նոյեմբերի 5, 2020 | |
| Ծննդավայր | Հրազդան |
| Մահվան վայր | Արցախի Հանրապետություն, Շուշի |
| Քաղաքացիություն | Հայաստան |
| Զորատեսակ | Հայաստանի զինված ուժեր |
| Կոչում | փոխգնդապետ |
| Մարտեր/ պատերազմներ | Հայ-ադրբեջանական պատերազմ (2020) |
| Պարգևներ | Արցախի Հանրապետության Մարտական խաչ 1-ին աստիճանի շքանշան, «Ոստիկանությունում երկարամյա ծառայության համար» 3-րդ աստիճանի մեդալ, «Անբասիր ծառայության համար» 2-րդ աստիճանի մեդալ, «Ծովակալ Հ. Ս. Իսակով» մեդալ, «Հայաստանի զինված ուժեր 20 տարի» հոբելյանական մեդալ, «Անբասիր ծառայության համար» 1-ին աստիճանի մեդալ, «Վազգեն Սարգսյան» մեդալ |
Վահե Միշայի Սիրունյան (հոկտեմբերի 3, 1982, Հրազդան, Հայկական ԽՍՀ, ԽՍՀՄ - նոյեմբերի 5, 2020, Շուշի, Շուշիի շրջան, Արցախ), Հայաստանի զինված ուժերի փոխգնդապետ, Հայաստանի ոստիկանության մայոր, հայ-ադրբեջանական պատերազմի մասնակից, զոհվել է Շուշիի պաշտպանության համար մղված մարտերում։
Կենսագրություն
[խմբագրել | խմբագրել կոդը]Վահե Սիրունյանը 1989-1999 թվականներին սովորել է Հրազդանի Կաքավաձոր թաղամասում գտնվող Հրազդանի թիվ 7 միջնակարգ դպրոցում։ 2000-2002 թվականներին ծառայել է Հայաստանի ՊՆ Հատուկ նշանակության զորքերում, ստացել սերժանտի կոչում, զորացրվելուց հետո՝ 2004 թվականից անցել է ծառայության՝ որպես պայմանագրային զինծառայող։
Սովորել է ենթասպայի դպրոցում, ստացել ենթասպայի կոչում։
Ստուգատեսներին ներկայացրել է Հայաստանը Հունաստանում, Ռուսաստանում և Բելոռուսիայում։ 2007 թվականից տեղափոխվել է Հայաստանի պաշտպանության նախարարություն՝ փոխգնդապետի հաստիքի։ 2016 թվականից ծառայության է անցել Հայաստանի Ոստիկանության համակարգում։
Սովորել է Հյուսիսային համալսարանի իրավագիտության բաժնում, 2012 թվականին ավարտելով այն, ստացել է իրավագիտության բակալավրի աստիճան։
Մինչ Արցախյան երկրորդ 44-օրյա պատերազմը՝ Վահե Սիրունյանը աշխատել է Արցախի Հանրապետության ազգային անվտանգության ծառայությունում, արժանացել է բազմաթիվ պետական, գերատեսչական պարգևների։ Պատերազմի սկզբից կատարել է մարտական առաջադրանքներ։ Մասնակցել է դիվերսիոն խմբերի ոչնչացմանը և հայտնաբերմանը, իսկ նոյեմբերի 5-ին հերթական դիվերսիոն խմբի ոչնչացման ժամանակ մահացել է դիպուկահարի կրակոցից։
Վահե Սիրունյանի մարմինն ամփոփվել է Կաքավաձոր թաղամասի ընտանեկան գերեզմանոցում։
Հայրենիքի սահմանները պաշտպանելիս ցուցաբերած բացառիկ քաջության ու արիության համար ԼՂՀ նախագահի հրամանագրով հետմահու պարգևատրվել է «Մարտական խաչ» 1֊ին աստիճանի շքանշանով[1]։ 2021 թվականի մարտի 20-ին Հրազդանի № 7 միջնակարգ դպրոցի ռազմագիտության դասարանն անվանակոչվել է Վահե Սիրունյանի անունով։
Վահե Սիրունյանը ամուսնացած էր, ունի մեկ որդի և մեկ դուստր։
Պարգևներ
[խմբագրել | խմբագրել կոդը]- 14.09.2010 թ.- Հայաստանի ՊՆ-ի կողմից՝ «Վազգեն Սարգսյան» մեդալ
- 13.08.2011 թ.- Հայաստանի ՊՆ-ի կողմից՝ «Անբասիր ծառայության համար» 1-ին աստիճանի մեդալ
- 24.12.2011 թ.- Հայաստանի ՊՆ-ի կողմից՝ «Հայաստանի զինված ուժեր 20 տարի» հոբելյանական մեդալ
- 30.08.2012 թ.- Հայաստանի ՊՆ-ի կողմից՝ «Ծովակալ Հ. Ս. Իսակով» մեդալ
- 24.12.2016 թ.- Հայաստանի ՊՆ-ի կողմից՝ «Անբասիր ծառայության համար» 2-րդ աստիճանի մեդալ
- 13.02.2017 թ.- Հայաստանի Ոստիկանության պետի հրամանով՝ «Ոստիկանությունում երկարամյա ծառայության համար» 3-րդ աստիճանի մեդալ
- 2020 թ. ԼՂՀ նախագահի հրամանով հետմահու՝ «Մարտական խաչ» 1֊ին աստիճանի շքանշան