Վահե Խաչատրյան

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Վահե Սուրենի Խաչատրյան
Ծնվել է	հունիսի 5, 1961(1961-06-05) (63 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի Կոմիտասի անվան պետական կոնսերվատորիա
Մասնագիտացում	կինոռեժիսոր, կոմպոզիտոր, սցենարիստ և ռեժիսոր
IMDb	ID ID 1661196

Վահե Սուրենի Խաչատրյան (հունիսի 5, 1961(1961-06-05), Երևան, Հայկական ԽՍՀ, ԽՍՀՄ), հայ կինոռեժիսոր, կոմպոզիտոր, սցենարիստ։

Կենսագրություն

1980-1985 թվականներին սովորել է Երևանի Կոմիտասի անվան պետական կոնսերվատորիայի կոմպոզիտորական բաժնում, 2000-2002 թվականներին՝ Լոս Անջելեսի «City College»-ի ընդհանուր կինոյի բաժնում։ 1981-1992 թվականներին աշխատել է Հայաստանի պետական հեռուստաընկերությունում` որպես խմբագիր, այնուհետև` ռեժիսոր, 1992-1997 թվականներին՝ ՀՀ ՆԳՆ Լրատվության վարչությունում՝ որպես ռեժիսոր-մոնտաժոր, 2000-2005 թվականներին՝ Լոս Անջելեսի «Մերիդիան» և «Արտին» հեռուստաընկերություններում՝ որպես ռեժիսոր, 2005-2006 թվականներին՝ հոլիվուդյան «Wood Holly» պրոդյուսերական կենտրոնում՝ որպես մոնտաժոր։ 1998 թվականին Լոս Անջելեսում եղել է «Delusion» ֆիլմի մոնտաժորը և կոմպոզիտորը։ Նկարահանել է շուրջ 70 գովազդային և շուրջ 30 երաժշտական հոլովակներ։

Բեմադրող-ռեժիսոր

• «Երևան Բլյուզ» (1997-1998)
• «Բանդա» (1999-2000)
• «Ռեինկարնացիա» (1999)
• «Չգրված օրենք» (2002-2003)
• «Խավարման օրը» (1999-2000)
• «Սարդոստայն» (Լոս Անջելես, 2004-2005 թվականներ)
• «Ճակատագիր» (2005-2006)
• «Տաքսի «Էլի լավ ա» (2008-2009)
• «Welcome papa» (Լոս Անջելես, 2009 թվական)

Մրցանակներ

• 2007 թվականին «Ճակատագիր» ֆիլմի համար Լոս Անջելեսում արժանացել է «Audience Award» կինոփառատոնի «Լավագույն ռեժիսոր» մրցանակին։
• 1999 և 2009 թվականներին Հայկական երաժշտական մրցանակաբաշխության ժամանակ արժանացել է «Տարվա լավագույն երաժշտական հոլովակ» մրցանակին։

Արտաքին հղումներ

• Կանգառ 2-ի համար 23 10 14 60 Վահե Խաչատրյան