Վահե Ասլանյան

Վահե Ասլանյան
Ծնվել է	մարտի 13, 1918; Դորչեստր շրջան, Մերիլենդ, ԱՄՆ
Մահացել է	մայիսի 15, 2008 (90 տարեկան); Սալինաս, Կալիֆոռնիա, ԱՄՆ
Մասնագիտություն	երաժշտագետ, դիրիժոր և խմբավար
Աշխատավայր	Սթենֆորդի համալսարան
Կրթություն	Բոստոնի համալսարան

Վահե Կրիկորի Ասլանյան (մարտի 13, 1918(1918-03-13), Դորչեստր շրջան, Մերիլենդ, ԱՄՆ - մայիսի 15, 2008(2008-05-15), Սալինաս, Կալիֆոռնիա, ԱՄՆ), հայազգի երաժշտագետ, խմբավար, դիրիժոր^[1]։

Կենսագրություն[խմբագրել | խմբագրել կոդը]

Վահե Ասլանյանը ծնվել է 1918 թվականի մարտի 13-ին, Բոստոն քաղաքի Դորչեսթեր շրջանում^[2], Ստամբուլից գաղթած Կրիկորի Ասլանյանի և Վիկտորյա Բադուլյանի ընտանիքում^[3]։ 1940 թվականին ավարտել է Բոստոնի համալսարանն ու ստացել բակալավրի աստիճան, 1950 թվականին՝ Կլերմոնի բարձրագույն դպրոցն ու ստացել վարպետի աստիճան։

Եղել է Բերկշիրի երաժշտական կենտրոնի դիրիժոր, Սթենֆորդի համալսարանի տղամարդկանց ակումբի և երգչախմբի դիրիժոր ու խմբավար։ Վահե Ասլանյանը 1946–1950 թվականներին դասավանդել է Ռիչարդսոնի (Կալիֆոռնիա) բարձրագույն դպրոցում, 1950 թվականից՝ Հարթնել քոլեջում։ Երաժիշտը 1956 թվականից ղեկավարել է Կալիֆոռնիայի եկեղեցական երաժշտության, իսկ 1959 թվականից՝ Նեապոլի ժամանակակից ամերիկյան ու իտալական երաժշտության փառատոները^[4]։

1974–1976 թվականներին եղել է Կալիֆոռնիայի երաժշտական քոլեջների, Հյուսիսային Կալիֆոռնիայի երաժշտական հրատարակիչների ընկերակցությունների նախագահ։

Վահե Ասլանյանը մահացել է 2008 թվականի մայիսի 15-ին, Մոնտերե շրջանի Սալինաս շրջանային կենտրոնում^[5]։

Աշխատություններ[խմբագրել | խմբագրել կոդը]

«Եկեղեցական խմբերգային երաժշտությունը Իտալիայում XVIII դարում»
«Կալիֆոռնիայի եկեղեցական երաժշտությունը»
«Եկեղեցական և ժողովրդական երաժշտությունը հայ մշակույթում»
«Վիվալդիի կամերային պատարագը. ոճական վերլուծություն և կատարողական խմբակցություն»

Մրցանակներ[խմբագրել | խմբագրել կոդը]

«Ֆուլբրայթի» (1958, 1959)
«Մարթա Ռոքֆելլերի» (1959)

Ծանոթագրություններ[խմբագրել | խմբագրել կոդը]

↑ Aslanian, Vahe Krikor
↑ VAHE ASLANYAN / ՎԱՀԵ ԱՍԼԱՆՅԱՆ
↑ Krikor Dicran "Gregory" ASLANIAN (1890 - 1980)
↑ Հայ երաժշտության հանրագիտարան։ Երևան: «Հայկական հանրագիտարան. հրատարակչություն»,։ 2019։ էջ 67
↑ Վահե Ասլանյանի անձնական էջը wc.rootsweb.com/ կայքում

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[1] Aslanian, Vahe Krikor

[2] VAHE ASLANYAN / ՎԱՀԵ ԱՍԼԱՆՅԱՆ

[3] Krikor Dicran "Gregory" ASLANIAN (1890 - 1980)

[:0-4] Հայ երաժշտության հանրագիտարան։ Երևան: «Հայկական հանրագիտարան. հրատարակչություն»,։ 2019։ էջ 67

[5] Վահե Ասլանյանի անձնական էջը wc.rootsweb.com/ կայքում

[1]

[2]

[3]

[4]

[5]