Վահան Զատիկյան

Վահան Զատիկյան;
Ծնվել է	հոկտեմբերի 22, 1956
Ծննդավայր	Ախալքալաք, Վրացական ԽՍՀ, ԽՍՀՄ
Մահացել է	հոկտեմբերի 8, 1999 (42 տարեկան)
Մահվան վայր	Երևան, Հայաստան
Քաղաքացիություն	Հայաստան
Կրթություն	Հայաստանի ֆիզիկական կուլտուրայի և սպորտի պետական ինստիտուտ (1982)
Մասնագիտություն	քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն

Վահան Մյասնիկի Զատիկյան (հոկտեմբերի 22, 1956(1956-10-22)^[1], Ախալքալաք, Վրացական ԽՍՀ, ԽՍՀՄ - հոկտեմբերի 8, 1999(1999-10-08)^[1], Երևան, Հայաստան), հայ քաղաքական գործիչ, ըմբշամարտի մարզիչ։ ՀՀ վաստակավոր մարզիչ (1995)։ Ղարաբաղյան ազատագրական շարժման մասնակից։ «Մալաթիա» կամավորական ջոկատի հիմնադիր-հրամանատարը։

Կենսագրություն

1982 թվականին ավարտել է Երևանի Ֆիզիկական կուլտուրայի հայկական պետական ինստիտուտը։ 1973-1975 թվականներին ազատ ոճի ըմբշամարտի դպրոցում աշխատել է մարզիչ։ 1975-1977 թվականներին ծառայել է խորհրդային բանակում։ 1977-1979 թվականներին եղել է «Անուշ» ԱՄ-ի մարզիչը, 1979-1991 թվականներին՝ Երևանի պոլիգրաֆկոմբինատում բանվոր։

1990 թվականին եղել է Երևանի քաղաքային, 1991 թվականին՝ Շահումյանի շրջանային խորհուրդների պատգամավոր։ 1991 թվականին ընտրվել է Երևանի Շահումյանի շրջանի շրջխորհրդի գործկոմի նախագահ։ 1992-1997 թվականներին եղել է ազատ ոճի ըմբշամարտի Հայաստանի ֆեդերացիայի նախագահ։ 1996 թվականին ընտրվել է Երևանի Մալաթիա-Սեբաստիա համայնքի ղեկավար։

1995-1999 թվականներին եղել է ՀՀ ԱԺ պատգամավոր (թիվ 34 ընտրատարածք)։ Եղել է «Հանրապետություն» խմբակցության, ապա «Երկրապահ» պատգամավորական խմբի անդամ։

1999 թվականի մայիսի 30-ին ԱԺ պատգամավոր է ընտրվել թիվ 16 ընտրատարածքից։ ԱԺ պետական-իրավական հարցերի մշտական հանձնաժողովի անդամ^[2]։

1995 թվականից հիմնադրել և նախագահել է «Մալաթիա» բարեգործական ընկերությունը։ Հովանավորել է Երևանի Սուրբ Մարիամ եկեղեցու կառուցումը (1992–1997)^[3]^[4]։

Մահ

Մահացել է 1999 թվականին, Երևանում։ Թաղված է Եռաբլուրում։

Անդամակցություն

«Միասնություն» խմբակցության անդամ
ՀՀԿ խորհրդի անդամ
ԵԿՄ վարչության անդամ
«Ջավախք» հայրենակցական միության անդամ

Հիշատակ

Երևանի Ֆիզիկական կուլտուրայի հայկական պետական ինստիտուտում սահմանվել է «Վահան Զատիկյան» կրթաթոշակ^[5]։
Վահան Զատիկյանի անունով են կոչվում Բերձորի, Երևանի N 90 և Լոմատուրցխի միջնակարգ դպրոցները^[5]։
Մալաթիա-Սեբաստիա համայնքում տեղադրված է Վահան Զատիկյանի կիսանդրին (քանդակագործ` Ռաֆիկ Սարգսյան)^[5]։

Տես նաև

Վահան Զատիկյանի անվան այգի

Ծանոթագրություններ

1 2 3 4 Library of Congress Authorities — Library of Congress.
↑ Վահան Զատիկյանի կենսագրականը ՀՀ ԱԺ կայքում
↑ «Վահան Զատիկյան, ՀԱՅԿԱԿԱՆ ՀԱՆՐԱԳԻՏԱՐԱՆ» հրատարակչություն». Արխիվացված է օրիգինալից 2016 թ․ մարտի 4-ին. Վերցված է 2015 թ․ հուլիսի 1-ին.
↑ «Վահան Զատիկյանի երազած երկիրը. նա այս տարի կդառնար 60 տարեկան». Հայաստանի Հանրային Ռադիո. Վերցված է 2021 թ․ հունվարի 7-ին.
1 2 3 ԱՆՎԵՐԱՊԱՀՈՐԵՆ ՀԱՎԱՏՈՒՄ ԷՐ ՀԱՂԹԱՆԱԿԻՆ

[_0468082ab83e72d9-1] 1 2 3 4 Library of Congress Authorities — Library of Congress.

[2] Վահան Զատիկյանի կենսագրականը ՀՀ ԱԺ կայքում

[3] «Վահան Զատիկյան, ՀԱՅԿԱԿԱՆ ՀԱՆՐԱԳԻՏԱՐԱՆ» հրատարակչություն». Արխիվացված է օրիգինալից 2016 թ․ մարտի 4-ին. Վերցված է 2015 թ․ հուլիսի 1-ին.

[4] «Վահան Զատիկյանի երազած երկիրը. նա այս տարի կդառնար 60 տարեկան». Հայաստանի Հանրային Ռադիո. Վերցված է 2021 թ․ հունվարի 7-ին.

[:1-5] 1 2 3 ԱՆՎԵՐԱՊԱՀՈՐԵՆ ՀԱՎԱՏՈՒՄ ԷՐ ՀԱՂԹԱՆԱԿԻՆ

[1]

[2]

[3]

[4]

[5]