Վահագն Իսրայելյան

Վիքիպեդիայում կան հոդվածներ Իսրայելյան ազգանունով այլ մարդկանց մասին։

Վահագն Իսրայելյան
Ծնվել է	դեկտեմբերի 14, 1937(1937-12-14) (86 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան
Գիտական աստիճան	տեխնիկական գիտությունների դոկտոր
Մասնագիտություն	երկրաբան
Ծնողներ	հայր՝ Ռաֆայել Իսրայելյան
Երեխաներ	Լեվոն Իսրայելյան,Ռաֆայել Իսրայելյան

Վահագն Ռաֆայելի Իսրայելյան (դեկտեմբերի 14, 1937(1937-12-14), Երևան, Հայկական ԽՍՀ, ԽՍՀՄ), հայ երկրաբան։ Տեխնիկական գիտությունների դոկտոր (1995)։

ԽՍՀՄ ժողովրդական ճարտարապետ Ռաֆայել Իսրայելյանի որդին է, ճարտարապետ Արեգ Իսրայելյանի եղբայրը։

Կենսագրություն

1961 թվականին ավարտել է Երևանի պետական համալսարանի երկրաբանության ֆակուլտետը։ 1961-1966 թվականներին աշխատել է «Քար և սիլիկատներ» ԳՀ ինստիտուտում։ 1966-1992 թվականներին աշխատել է Հայաստանի շինարարության և ճարտարապետության ԳՀ ինստիտուտի ֆիզիկա-քիմիական հետազոտությունների լաբորատորիայում։ 1995 թվականից տեխնիկական գիտությունների դոկտոր է։

1992-2008 թվականներին աշխատել է լեռնամետալուրգիական ինստիտուտում որպես հանքանյութերի ֆիզիկական մեթոդներով հետազոտությունների բաժանմունքների վարիչ։ Աշխատել է ՀՀ ԳԱԱ ընդհանուր և անօրգանական քիմիայի ինստիտուտում։

Էլեկտրոնային միկրոսկոպիայի եվրոպական ընկերության և Հուշարձանների պահպանության և կոնսերվացման միջազգային կոմիտեի (ICOMOS) անդամ է, բազմաթիվ գիտական հոդվածների և մենագրությունների հեղինակ։

Երկեր

• Հայաստանի պատմական կառույցներում օգտագործված շինանյութերը և նրանց ուսումնասիրման մեթոդները, Երևան, 2001։
• Физико-химические особенности поведения заполнителей вулканического происхождения в бетоне, Ереван, 1986 (համահեղինակ).
• Вулканогенные пористые заполнители для бетонов, Ереван, 1998.

Ծանոթագրություններ

Վիքիդարանն ունի նյութեր, որոնք վերաբերում են «Վահագն Իսրայելյան» հոդվածին։