ՎՏԲ-Հայաստան բանկ

Վիքիպեդիայից՝ ազատ հանրագիտարանից
Jump to navigation Jump to search
ՎՏԲ-Հայաստան բանկ
Ընկերության տեսակփակ բաժնետիրական ընկերություն
Հիմնադրված է2004
ՎայրՀայաստան Հայաստան
Գլխավոր անձինքԻվան Տելեգին (Գլխավոր տնօրեն-տնօրինության նախագահ)

«ՎՏԲ-Հայաստան բանկ» ՓԲԸ, Հայաստանում դրամավարկային գործունեություն իրականացնող գործող առևտրային բանկ։ Ունի 72 մասնաճյուղ` 27-ը Երևանում, 45-ը` ՀՀ մարզկենտրոններում, քաղաքներում ու շրջկենտրոններում: Բանկը համարվում է Հայաստանում «ՎՏԲ բանկի» դուստր կազմակերպություն[1]։

Պատմություն[խմբագրել | խմբագրել կոդը]

«ՎՏԲ-Հայաստան բանկը» ստեղծվել է «Հայխնայբանկ» ՓԲԸ-ի հիման վրա և դե-ֆակտո հանդիսանում է նրա բիզնես ավանդույթների իրավահաջորդը: 1923 թվականի հոկտեմբերի 29-ին հիմնադրվել և սկսել են գործել Սովետական Հայաստանի առաջին պետական խնայողական դրամարկղերը: Այդ ժամանակ էլ հիմնադրվել է «Հայխնայբանկը»: 1993 թվականին «Հայխնայբանկը» Հայաստանի Գերագույն Խորհրդի և նախարարների խորհրդի որոշումներով վերակազմավորվել է Հայաստանի Հանրապետության պետական մասնագիտացված խնայողական բանկի:

2004 թվականի մարտին «Հայխնայբանկ» ՓԲԸ-ի բաժնետոմսերի զգալի մասը (70% + 1 բաժնետոմս) ձեռք է բերել ռուսական պետական «Վնեշտորգբանկ» ԲԲԸ-ը: 2006 թվականի հունիսին՝ ռեբրենդինգից հետո, բանկը վերանվանվել է «ՎՏԲ-Հայաստան բանկ» ՓԲԸ:

2007 թվականի հուլիսին «ՎՏԲ բանկ» ԲԲԸ-ը ձեռք է բերել բաժնետոմսերի մնացած մասը (30% հանած մեկ բաժնետոմս)՝ դառնալով «Հայխնայբանկ» ՓԲԸ միանձնյա բաժնետերը, և կատարել փոփոխություններ կառավարող մարմինների կազմում:

«ՎՏԲ-Հայաստան բանկ» ՓԲԸ-ը հանդես է գալիս որպես ViSA International և Mastercard միջազգային վճարահաշվարկային քարտային համակարգի լիիրավ անդամ, ԱՐՔԱ լոկալ հայկական վճարահաշվարկային քարտային համակարգի սպասարկող անդամ[2]:

«ՎՏԲ-Հայաստան բանկը» Moody's միջազգային վարկանիշային գործակալության կողմից արժանացել է մի շարք վարկանիշների.

  • տեղական արժույթով երկարաժամկետ ավանդների համար` B1 վարկանիշ,
  • արտարժույթով երկարաժամկետ ավանդների համար` B2 վարկանիշ,
  • կարճաժամկետ ավանդների համար՝ Not Prime վարկանիշ,
  • բանկի վարկունակության (BCA) "b3",
  • կապալառուի ռիսկի երկարաժամկետ գնահատում (CRA) - "Ba3(cr)"[3]:

Ղեկավար կազմ[խմբագրել | խմբագրել կոդը]

«ՎՏԲ-Հայաստան բանկ» ՓԲԸ-ի ընթացիկ գործունեության ղեկավարումը, բիզնեսի հիմնական տեսակների նկատմամբ բանկի ռազմավարության զարգացման իրականացման, կառավարման համակարգերի և վերահսկողության կազմակերպումը իրականացնում է բանկի գործադիր մարմինը` գլխավոր տնօրեն-տնօրինության նախագահը և տնօրինությունը: Գործադիր մարմինը ենթարկվում է բանկի ժողովին և խորհրդին։ Գործունեությունն իրականացնելիս ղեկավարվում են ՀՀ օրենսդրությամբ, բանկի կանոնադրությամբ, ժողովի և խորհրդի որոշումներով, բանկի ներքին իրավական ակտերով:

«ՎՏԲ-Հայաստան բանկի» կառավարման գործընթացը իրականացվում է միջազգային չափանիշներին և ՀՀ օրենսդրությանը համապատասխան[1]։

Անուն, ազգանուն Պաշտոն «ՎՏԲ» խմբում է
Իվան Տելեգին Գլխավոր տնօրեն-տնօրինության նախագահ 2011 թվականից
Սոֆյա Մաճկալյան Գլխավոր տնօրեն-տնօրինության նախագահի տեղակալ 2011 թվականից
Վերոնիկա Կարապետյան Ռիսկերի դեպարտամետի տնօրեն, տնօրինության անդամ 2008 թվականից
Բուրաստան Մովսիսյան Տեղեկատվական տեխնոլոգիաների դեպարտամենտի տնօրեն, տնօրինության անդամ 2018 թվականից
Դմիտրի Լիսիչենկո Ֆինանսական դեպարտամենտի տնօրեն, տնօրինության անդամ
Վահագն Դուրգարյան Գլխավոր հաշվապահ, տնօրինության անդամ 2018 թվականից
Լալի Սվիմոնիա Ադմինիստրատիվ դեպարտամենտի տնօրեն 2010 թվականից
Աստղիկ Սարգսյան Անձնակազմի կառավարման վարչության պետ 2018 թվականից
Արսեն Բեգլարյան Ներքին աուդիտի դեպարտամենտի տնօրեն 2003 թվականից
Գարեգին Մխիթարյան Անվտանգության վարչության պետ 2017 թվականից
Մայա Մինասարովա Բանկային գործարքների մոնիթորինգի բաժնի ղեկավար 2008 թվականից

Խորհուրդ[խմբագրել | խմբագրել կոդը]

«ՎՏԲ-Հայաստան բանկ» ՓԲԸ-ի խորհուրդն իրականացնում է բանկի ընդհանուր գործունեության կառավարումը, սահմանում է բանկի երկարաժամկետ ռազմավարությունը և գործունեության առաջնային ուղղությունները: Այն գործում է ՀՀ օրենսդրության, բանկի կանոնադրության և բանկի ներքին իրավական ակտերի հիման վրա։

Խորհրդի իրավասություններն են․

  • բանկի գործունեության առաջնային ուղղությունների որոշում, բանկի տարեկան բիզնես պլանի հաստատում, ինչպես նաև դրա լրացումների կատարում, իրականացման նկատմամբ վերահսկողության սահմանում,
  • տարեկան և արտահերթ ժողովների հրավիրում, դրանց օրակարգերի հաստատում, ժողովի քննարկմանը հարցերի ներկայացում` ՀՀ օրենսդրությամբ սահմանված դեպքերում, և ժողովին ներկայացվող հարցերով առաջարկների ներկայացում,
  • գլխավոր տնօրեն-տնօրինության նախագահի և տնօրինության անդամների նշանակում, նրանց լիազորությունների վաղաժամկետ դադարեցում, տնօրինության գործունեության ընթացակարգի հաստատում և վերահսկում նրանց գործունեության նկատմամբ,
  • բանկում ներքին վերահսկողության չափանիշների սահմանում համաձայն ներքին վերահսկողության նվազագույն պայմանների` սահմանված ՀՀ ԿԲ նորմատիվ իրավական ակտերով,
  • ՀՀ օրենսդրությամբ սահմանված բանկի կողմից ֆինանսական գործարքների իրականացման կարգը սահմանող ներքին իրավական ակտերի ընդունում, տարածքային և ինքնուրույն կառուցվածքային ստորաբաժանումների կանոնադրությունների հաստատում,
  • բանկի վարչակազմակերպչական կառուցվածքի հաստատում, բանկի տարածքային ստորաբաժանումների ստեղծում և լիկվիդացում,
  • ՀՀ օրենսդրությամբ և բանկի կանոնադրությամբ նախատեսված այլ հարցեր։

Բանկի խորհրդի անդամները նշանակվում են բանկի ժողովի կողմից` ՀՀ օրենսդրությամբ և բանկի կանոնադրությամբ սահմանված կարգով: Խորհրդի անդամի պաշտոնի թեկնածուներին կարող են առաջադրել բաժնետերերը և/կամ խորհուրդը: Առաջադրվող թեկնածուների քանակը չի սահմանափակվում։ Ժողովն անցկացնում է քվեարկություն ներկայացված յուրաքանչյուր թեկնածուի վերաբերյալ` ՀՀ օրենդրությամբ և բանկի կանոնադրությամբ սահմանված կարգով: Բանկի խորհրդի անդամները չեն կարող հանդիսանալ փոխկապակցված անձինք: Խորհրդի անդամների լիազորությունների ժամկետը սահմանվում է ժողովի կողմից, որը չի կարող լինել 1 տարուց պակաս[1]:

Ներկայումս «ՎՏԲ-Հայաստան բանկ» ՓԲԸ խորհուրդը կազմված է 6 անդամից․

  • Օլեգ Եվգենիի Սմիրնով (խորհրդի նախագահ)
  • Դմիտրի Վասիլիի Պյանով (խորհրդի անդամ)
  • Կոնդրատենկո Մաքսիմ Դմիտրի (խորհրդի անդամ)
  • Սերգեյ Վլադիմիրի Ստեպանով (խորհրդի անդամ)
  • Շայմարդանով Իլնար Իլշատի (խորհրդի անդամ)
  • Տեր-Ավանեսով Ալեքսանդր Բորիսի (խորհրդի անդամ)

Բաժնետերեր[խմբագրել | խմբագրել կոդը]

«ՎՏԲ-Հայաստան բանկի» բաժնետիրական կապիտալի 100%-ը պատկանում է «ՎՏԲ բանկ» ՀԲԸ-ին, որն ունի Moody`s Investors Service, Standard & Poor`s և Fitch միջազգային վարկանիշային գործակալությունների բարձրագույն վարկանիշներ:

«ՎՏԲ բանկ» ՀԲԸ-ն տրամադրում է բանկային ծառայություններ Ռուսաստանում, ԱՊՀ-ում և Վրաստանում, Արևմտյան Եվրոպայում, Ասիայում և Աֆրիկայում[1][4]:

Մասնաճյուղեր[խմբագրել | խմբագրել կոդը]

«ՎՏԲ-Հայաստան բանկն» ունի 72 մասնաճյուղ, որից 27-ը գտնվում են Երևանում, իսկ 45-ը` ՀՀ քաղաքներում ու շրջկենտրոններում[5]:

Բանկը հնարավորություն է տալիս քաղաքացիներին ու կազմակերպություններին երկրի ցանկացած շրջանում իրականացնել բանկային ծառայություններ` հաշիվների բացում և սպասարկում, դրամական փոխանցումներ, կոմունալ և բյուջետային վարձավճարների, ավանդների ընդունում, բազմաբնույթ վարկերի, պլաստիկ քարտերի տրամադրում և այլն[1]:

Մասնաճյուղեր ՀՀ մարզերում
Աշտարակ Եղեգնաձոր Չարենցավան Դիլիջան
Ապարան Վայք Վանաձոր Բերդ
Ծաղկահովիտ Ջերմուկ Ստեփանավան Նոյեմբերյան
Թալին Գավառ Սպիտակ Գյումրի
Արարատ Սևան Ալավերդի Ախուրյան
Վեդի Մարտունի Ագարակ Արթիկ
Արտաշատ Վարդենիս Գորիս Մարալիկ
Մասիս Ճամբարակ Կապան Ամասիա
Արմավիր Աբովյան Մեղրի
Էջմիածին Բյուրեղավան Սիսիան
Բաղրամյան Հրազդան Իջևան

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]