Սև պեննի

Վիքիպեդիայից՝ ազատ հանրագիտարանից
Սև պեննի
անգլ.՝ Penny Black
Penny black.jpg
Թողարկման երկիր Մեծ Բրիտանիա Մեծ Բրիտանիա
Թողարկման վայր Լոնդոն
Նկարիչ Հենրի Քոուլ (Henry Cole)
Տպագրման տեսակ մետալոգրաֆիա
Թողարկման օր մայիսի 6 1840
Անվանագին մեկ պեննի
Հազվագյուտ.
պատճառ
Աշխարհի առաջին նամականիշն է։
Տպաքանակ 68 808 000
Պահպանվել է տպաքանակի 2-3%

Սև պեննի (անգլ.՝ Penny Black), Աշխարհի առաջին նամականիշն է։ Կատարված է սև գույնով և անվանագինը մեկ պեննի է (այստեղից էլ անվանումը)։ Թողարկվել է Անգլիայում 1840 թվականի մայիսի 6-ին։

Նկարագիրը[խմբագրել | խմբագրել կոդը]

Թագուհի Վիկտորիայի (Queen Victoria, 1819-1901) կիսադեմով նկարը առաջին փոստային նամականիշի համար փորագրել են Չարլզ և Ֆրեդերիկ Հիթերը (Charles and Fredrick Heath) ըստ Հենրի Քոուլի (Henry Cole) էսքիզի, որը իր հերթին արտանկարված էր Ուիլյամ Վայոնի (William Wyon, 1795-1851) ստեղծած մեդալյոնից։

Թողարկման պատմությունը[խմբագրել | խմբագրել կոդը]

Ռոուլենդ Հիլլի (Rowland Hill) ջանքերով 1840 թվականի մայիսի 6-ին թողարկվեցին աշխարհի առաջին փոստային նամականիշերը, որոնք պատմության մեջ մտան «Սև պեննի» անունով։ Առաջին նամականիշի և ծրարի ստեղծման մրցույթին ներկայացված էր ավելի քան 2700 առաջարկություն, որից ընտրվեց Չարլզ և Ֆրեդերիկ Հիթերների և Հենրի Քոուլի նախագիծը։

Նամականիշերը վաճառվել են մայիսի 1-ից, նախքան թողարկման պաշտոնական առաջին օրը։ Միաժամանակ թողարկվել էր երկու պեննի անվանագնով նամականիշ՝ նույն նկարով, բայց տպվել է կապույտ գույնով։ «Կապույտ երկու պենսանոցը» հիշատակվում է 1840 թվակաանի մայիսի 8-ին, որը կարող է նշանակել, որ վաճառել են «Սև պեննի»-ից երկու օր ուշ։

Փոստային ռեֆորմը նպաստեց Անգլիայում նամակագրության աճին (1939 թ. - 75 մլն, 1840 թ. - 168մլն), հեշտացրեց փոստային առաքումների մշակումը, վճարման հաշվարկը։ Ռոուլենդ Հիլլը 1854 թվականին ընտրվեց անգլիական փոստային ծառայության գլխավոր քարտուղար և անգլիական կառավարությունից ստացավ նվեր՝ 20000₤,[1] փոստային ռեֆորմի հաջողության համար։ Լոնդոնում տեղադրվել է Ռոուլենդ Հիլլի հուշարձանը, իսկ աճյունը հանգչում է Վեստմինիստրյան աբբայությունում՝ աշխարհում առաջին շոգեմեքենայի գյուտարար Ջեյմս Ուատտի (James Watt) կողքին։

Տպվել է 286700 թերթ՝ 68808000 նամականիշ։ Այն ժամանակ ծրարի օգտագործումը տարածված չէր՝ նամականիշը կպցվում էր ծալված և կնքված նամակի վրա, եթե նամակը չէին գցում, ապա նամականիշը պահպանվում էր։ Պահպանվել է ողջ տպաքանակի մոտ 3%,[2] որը քիչ չէ։ Նամականիշը բարձր է գնահատվում, առաջինը լինելու պատճառով։

Արտաքին հղումներ[խմբագրել | խմբագրել կոդը]

Ջեյկոբ Պերկինսի (Jacob Perkins) տպագրական հաստոցը, որով տպվել է «Սև պեննի»-ն

Ծանոթագրություններ[խմբագրել | խմբագրել կոդը]

  1. Մինչև 1971թվականի ռեֆորմը 1₤ = 20 շիլլինգի = 240 պենսի
  2. Penny Black Stamp Rarity.