Սրոհունդ Էլեոնորայի

Վիքիպեդիայից՝ ազատ հանրագիտարանից
Jump to navigation Jump to search
Սրոհունդ Էլեոնորայի
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Սրոհունազգիներ
Տեսակ Սրոհունդ Էլեոնորայի
Լատիներեն անվանում
Hypericum eleonorae


Սրոհունդ Էլեոնորայի (լատ.՝ Hypericum eleonorae), սրոհունդազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

15-25 սմ բարձրությամբ բազմամյա, ցածրահասակ բույս է: Ցողունները բազմաթիվ են: Տերևները ձվաձև կամ կլորավուն-ձվաձև են, ամբողջաեզր, ցողունի վրա հակադիր դասավորված: 2-3 ծաղիկները միայնակ են և աճում են ցողունների գագաթներին: Բաժակաթերթերը 5 են, եզրերից միաշարք, խիտ դասավորված նստադիր կամ ոտիկավոր գեղձերով, հազվադեպ առանց գեղձերի: Պսակաթերթերը դեղին է, եզրերից սև գույնի միաշարք գեղձերով: Պտուղը ձվաձև է, բազմաթիվ մանր սերմերով[1]:

Տարածվածություն[խմբագրել | խմբագրել կոդը]

Հանդիպում է Իջևանի (Իջևանի լեռնաշղթա լեռնագագաթ՝ Աղայա) և Զանգեզուրի (լեռնագագաթ՝ Խուստուփ) ֆլորիստիկական շրջաններում[1]:

Էկոլոգիա[խմբագրել | խմբագրել կոդը]

Աճում է վերին և ալպյան լեռնային գոտիներում` ծովի մակարդակից 2100-3100 մ բարձրությունների վրա, գագաթնամերձ, ժայռոտ, քարքարոտ և կրաքարային լանջերին: Ծաղկում է հունիս-հուլիս ամիսներին, պտղաբերում՝ հուլիսին-օգոստոսին[1]:

Պահպանություն[խմբագրել | խմբագրել կոդը]

Կրիտիկական վիճակում գտնվող տեսակ է: Հայաստանի էնդեմիկ է: Հայտնի են մեկական պոպուլյացիաներ Հյուսիսային և Հարավային Հայաստանում: Աճելավայրերի միջև տարածությունը 230 կմ է: Տարածման և բնակության շրջանների մակերեսը 10 կմ²-ից պակաս է: Արեալը խիստ մասնատված է: Տեսակին մարդածին գործոնների արդյունքում սպառնում է տարածման և բնակության շրջանների նվազում: Հայաստանի Կարմիր գրքի առաջին հրատարակության մեջ ընդգրկված էր որպես հազվագյուտ տեսակ: CITES-ի և Բեռնի կոնվենցիաների հավելվածներում ընդգրկված չէ[1]:

Պահպանության միջոցառումներ չեն իրականացվում[1]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6