Սրնգահավեր

Վիքիպեդիայից՝ ազատ հանրագիտարանից
Jump to navigation Jump to search
Սրնգահավեր
Սրնգահավեր
Գիտական դասակարգում
Թագավորություն Կենդանիներ
Դաս Թռչուններ
Կարգ Ճնճղուկանմաններ
Ընտանիք Թռչուններ
Լատիներեն անվանում
Bombycillidae


Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում




Սրնգահավեր (լատ.՝ Bombycillidae), ճնճղուկանմանների կարգի թռչունների ընտանիք։ Հայտնի է 3, Հայաստանի Հանրապետությունում՝ 1 տեսակ՝ սրնգահավը (Bombycilla garrulus). պատահական չվահյուր է։

Հայաստանի Հանրապետությունում առաջին անգամ գրանցվել է 1982 թվականին Երևանում՝ չուի ճանապարհին։ Մարմնի երկարությունը 18 սմ է, թևերի բացվածքը՝ 32-35,5 սմ, կենդանի զանգվածը՝ 60 գ։ Փետրածածկը վարդադարչնագույն ու մոխրագույն է, գլխին կա երկար փետուրների փունջ (փուփուլ)։ Կզակն ու ակնաշերտը սև են։ Ներքնապոչը շիկակարմրադարչնագույն է, թևի ներքին թափահարող փետուրների ծայրերը՝ փոքր կարմիր շերտով։ Պոչի ծայրը դեղին է։ Հասուն անհատների արտաքին թևի թափահարող փետուրների ծայրերը վառ դեղին ու սպիտակ են։ Էգի պոչի ծայրի դեղինն ավելի նեղ է։ Երիտասարդի մարմինն ավելի խամրած է, ներքևից՝ խայտավոր, արտաքին թևի թափահարող փետուրների միայն ծայրերը բաց գույնի խայտերով են։ Ձմռանը կերակրվում է երամներով։ Բնակվում է հատապտղատու թփերով հարուստ տարածքներում, քաղաքների պուրակներում։ Սնվում է հատապտուղներով, անողնաշարավորներով։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png