Ստեփան Մանուկյան

Ստեփան Մանուկյան
Ծնվել է	ապրիլի 21, 1901
Մահացել է	հուլիսի 20, 1930 (29 տարեկան)
Մահվան վայր	Դիլիջան, Հայկական ԽՍՀ, ԱԽՖՍՀ, ԽՍՀՄ
Ազգություն	հայ
Մասնագիտացում	ռեժիսոր և սցենարիստ

Ստեփան Եսայու Մանուկյան (ապրիլի 21, 1901(1901-04-21) - հուլիսի 20, 1930(1930-07-20), Դիլիջան, Հայկական ԽՍՀ, ԱԽՖՍՀ, ԽՍՀՄ), հայ կինոռեժիսոր, սցենարիստ։

Կենսագրություն

Ստեփան Մանուկյանը ծնվել է Լոռիում։ 1921 թվականին Երևանում հիմնադրել է առաջին պատանի կոմունարների ջոկատները, որոնց շնորհիվ բազմաթիվ որբ ու անտուն պատանիներ են հավաքագրվել մանկատներից, փողոցներից և այլ վայրերից, կրթվել ու դաստիարակվել են, ստացել մասնագիտություն։ Ակտիվ աշխատանք է տարել նրանց տարածման ուղղությամբ նախ Հայաստանում, ապա՝ ողջ Անդրկովկասում։ 1923 թվականին ընտրվել է Հայաստանի պատկոմական կազմակերպության կենտրոնական շտաբի պետ։ Նույն թվականին կուսակցության Անդրերկրկոմը նրան փոխադրել է Թիֆլիս` կազմակերպելու և ղեկավարելու անդրկովկասյան կոմունիստական պատանեկան շարժումը։ Հետագայում ընտրվել է Անդրկովկասյան պատանեկան կոմունիստական Լենինի անվան կազմակերպությունների բյուրոյի նախագահ^[1]։

Մահացել է Դիլիջանում, երկարատև ու ծանր հիվանդությունից հետո^[2]։ Շիրիմը գտնվում է Երևան քաղաքի «Կոմիտասի անվան զբոսայգու» պանթեոնում^[3]։

Գործունեություն

1925 թվականից եղել է ֆիզկուլտուրայի Գերագույն խորհրդի պատասխանատու քարտուղարը։ Ակտիվ մասնակցություն է ցուցաբերել աշխատանքային դպրոցների մայրենի լեզվի նոր դասագրքեր կազմելու գործին։ Եղել է պրոլետարական «Նոյեմբեր» գրական խմբերի կազմակերպիչներից մեկը, որոնք հետագայում՝ 1925 թվականին միացվել են Հայաստանի պրոլետգրողների ասոցիացիային։

Ծավալել է նաև գրական-գեղարվեստական գործունեություն։ Գրել է մանկապատանեկան թատերախաղեր, որոնք տպագրվել են «Պատկոմ», «Պիոներ» ամսագրերում, «Ավանգարդ» թերթում.

«Ով աշխատի՝ նա կուտի»
«Համր Մաթին»

Եղել է Հայկինոյի կինոբեմադրիչ

«Խասփուշ», 1927
«Հաշիմ», 1928

Ծանոթագրություններ

↑ «Ստեփան Մանուկյան, Մեծանուն հայեր». Արխիվացված է օրիգինալից 2017 թ․ փետրվարի 26-ին. Վերցված է 2015 թ․ ապրիլի 21-ին.
↑ «Ստեփան Մանուկյանի կենսագրությունը zarkfoundation.com կայքում».
↑ «The memorial of Manukyan Stepan (Ստեփան Մանուկյան Եսայու) buried at Yerevan's Komitas Pantheon cemetery». hush.am (անգլերեն). Վերցված է 2017 թ․ նոյեմբերի 23-ին.

Վիքիպահեստն ունի նյութեր, որոնք վերաբերում են «Ստեփան Մանուկյան» հոդվածին։

[1] «Ստեփան Մանուկյան, Մեծանուն հայեր». Արխիվացված է օրիգինալից 2017 թ․ փետրվարի 26-ին. Վերցված է 2015 թ․ ապրիլի 21-ին.

[2] «Ստեփան Մանուկյանի կենսագրությունը zarkfoundation.com կայքում».

[3] «The memorial of Manukyan Stepan (Ստեփան Մանուկյան Եսայու) buried at Yerevan's Komitas Pantheon cemetery». hush.am (անգլերեն). Վերցված է 2017 թ․ նոյեմբերի 23-ին.

[1]

[2]

[3]