Ստարոչերկասկայայի պատմաճարտարապետական թանգարան-արգելոց

Վիքիպեդիայից՝ ազատ հանրագիտարանից
Ստարոչերկասկայայի պատմաճարտարապետական թանգարան-արգելոց
Տեսակ թանգարան
Երկիր Flag of the Russian Soviet Federative Socialist Republic.svg Ռուսաստան
Տեղագրություն Ռոստովի մարզ
Հիմնադրված է 1970
Կոորդինատներ: 47°14′12″ հս․ լ. 40°2′20″ ավ. ե. / 47.23667° հս․. լ. 40.03889° ավ. ե. / 47.23667; 40.03889
Ստարոչերկասկայայի պատմաճարտարապետական թանգարան-արգելոցը գտնվում է Ռուսաստանում
Ստարոչերկասկայայի պատմաճարտարապետական թանգարան-արգելոց

Ստարոչերկասկայայի պատմաճարտարապետական թանգարան-արգելոց (ռուս.՝ Старочеркасский историко-архитектурный музей-заповедник), թանգարան-արգելոց ՌԴ Ռոստովի մարզի Ստարոչերկասկայա ստանիցայում։ Հասցեն` 346701, Ռոստովի մարզ, Ակսայի շրջան, Ստարոչերկասկայա ստանիցա, Պոչտովայա փողոց, 6։

Պատմություն[խմբագրել | խմբագրել կոդը]

Թանգարանը ստեղծվել է ՌԽՖՍՀ նախարարների խորհրդի 1970 թվականի դեկտեմբերի 30-ի որոշմամբ` գրող Միխայիլ Շոլոխովի նախաձեռնությամբ[1][2]։ Թանգարանը հիմնված է Դոնի կազակների նախկին մայրաքաղաք Չերկասկի XVII-XIX դարերի հուշարձանների համալիրի վրա[3]։ Ատամաններ Եֆրեմովների նախկին կալվածքում պահպանվել են. Ատամանի պալատը, քարե երկհարկանի մասնաշենքը, Եֆրեմովների` Աստվածամոր Դոնի սրբապատկերի տնային եկեղեցին, Ստեպան Եֆրեմովի տունը, որը կառուցվել է 1770-ական թվականներին[4][5]։

Թանգարանում մշտապես գործում են հետևյալ ցուցադրությունները. «Վայրի դաշտից մինչև Հին Չերկասկ» հիմնական պատմական ցուցադրությունը, «Եֆրեմովների կազակական տոհմը», «Ինչպես էր մեզ մոտ` Խաղաղ Դոնում», «Կազակական խոհանոցի ավանդույթները», «Ստարոչերկասկայա ստանիցայի հիշարժան վայրերը», «Մայդանը և Հարության տաճարը», «Նեկրասովցի կազակները», «Կազակի հոգևոր աշխարհը»։ Թանգարանը մասնակցում է նաև «Թանգարանային գիշեր» ամենամյա ակցիային[6]։

Թանգարանի ցուցանմուշային-ցուցահանդեսային տարածքը 1563,8 մ² է, ցուցապահեստարանների տարածքը` 629,1 մ²։ Պահվող ցուցանմուշների քանակը` 67009։

Թանգարանի գրադարանում պահվում են գրքային հուշարձաններին վերաբերող 3 թեմատիկ հավաքածուներ. Ե. Պարամոնովի «Դոնի խոսվածք» գրահրատարակչության գրքերը, կիրիլյան գրատպության գրքերը և գավառագիտական հավաքածուն[7][8]։

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]