Գրենադայի տնտեսություն
Ենթակատեգորիա | • Համաշխարհային տնտեսություն • Ամերիկայի տնտեսություն • Հյուսիսային Ամերիկայի տնտեսություն | |
---|---|---|
Երկիր | Գրենադա | |
Վայր | Գրենադա | |
Անվանական ՀՆԱ | 1 118 816 679,40741 ԱՄՆ դոլար | |
Մեկ շնչի հաշվով անվանական ՀՆԱ | 10 451 ԱՄՆ դոլար | |
ՀՆԱ (ԳՀ) | 1 634 179 094 միջազգային դոլար | |
Մեկ շնչի հաշվով ՀՆԱ ԳՀ | 15 155,846 միջազգային դոլար | |
Իրական ՀՆԱ-ի աճի տեմպ | 3,1±0,1 տոկոս | |
Ընդհանուր պահուստներ | 199 125 887 ԱՄՆ դոլար | |
Գնաճի մակարդակ | 1,4±0,1 տոկոս |
Գրենադայի տնտեսություն, հիմնականում զբոսաշրջության վրա հիմնված, փոքր և բաց տնտեսություն: Վերջին երկու տասնամյակների ընթացքում Գրենադայի տնտեսության հիմնական ուղղությունը գյուղատնտեսությունից տեղափոխվել է ծառայություններ, որտեղ զբոսաշրջությունը ծառայում է որպես արտարժույթով եկամտի առաջատար ոլորտ: Երկրի հիմնական արտահանվող մշակաբույսերը մշկընկույզն է(Գրենադան Ինդոնեզիայից հետո մշկընկույզ արտադրող երկրորդն է աշխարհում): Արտահանվող այլ մշակաբույսերից են կակաոն, ցիտրուսային մրգերը, բանանը, մեխակը և դարչինը: Գրենադայում արտադրական արդյունաբերությունները հիմնականում գործում են փոքր մասշտաբով, ներառյալ խմիչքների և այլ սննդամթերքի, տեքստիլի արտադրությունը և արտահանման համար էլեկտրոնային բաղադրիչների հավաքումը:
Տնտեսական աճը բարձրացավ 1990-ական թվականների վերջին տասնամյակի սկզբի դանդաղ աճից և ներքին հարկաբյուջետային ճշգրտումից հետո: Չնայած ընդլայնող հարկաբյուջետային քաղաքականությանը, պետական պարտքը մնաց չափավոր՝ կազմելով ՀՆԱ-ի մոտ 50 տոկոսը, քանի որ դեֆիցիտը ֆինանսավորվում էր մասամբ սեփականաշնորհման եկամուտների հաշվին: 2001 թվականից սկսած տնտեսական աճը նվազել է։ Նվազման պատճառ են դարձել անբարենպաստ ցնցումները, ինչպիսիք են համաշխարհային տնտեսության դանդաղումը և բնական աղետները: Ցնցումներին դիմակայելու համար հարկաբյուջետային քաղաքականությունը դարձավ ավելի ընդլայնողական, մինչդեռ մասնավորեցման եկամուտները նվազեցին: Արդյունքում, պետական պարտքը կտրուկ աճեց՝ հասնելով ՀՆԱ-ի մոտ 110 տոկոսի 2003 թվականին: Տնտեսական պայմանները վատթարացան, երբ 2004 թվականի սեպտեմբերին երկրին հարվածեց Իվան փոթորիկը։ Հարկաբյուջետային համախմբման առաջընթացը խոչընդոտվել է, քանի որ կառավարության եկամուտները նվազել են, և քաղաքականության առաջնահերթությունները տեղափոխվել են փոթորիկից հետո տրամադրվող օգնությանը:
Թեև վերակառուցումն արագ է ընթացել միջազգային հանրության զգալի աջակցությամբ, զբոսաշրջությունը և գյուղատնտեսական գործունեությունը մնում են թույլ և չեն փոխհատուցում վերակառուցման բումի խթանները: Երկիրը դեռ կանգնած է վերակառուցման և վերականգնման դժվարին խնդրի առաջ, պետական պարտքն անկայուն է, և կառավարությունը բախվում է ֆինանսական մեծ ճեղքերի։ Առաջիկա տարիներին աճի աշխուժացումը կլինի բարձր առաջնահերթություն, և խոցելիությունները վերացնելու համար անհրաժեշտ են շարունակական ջանքեր:
Ընդհանուր ակնարկ
Գրենադայի տնտեսությունը փոքր է, իսկ զբոսաշրջությունը նրա ամենամեծ արտարժույթ վաստակող ոլորտն է[1]: Գրենադան ընդհանուր կենտրոնական բանկ ունի Արևելյան Կարիբյան պետությունների կազմակերպության (OECS) հետ[2] և որպես արժույթ ունի արևելյան Կարիբյան դոլար։
Զբոսաշրջությունից հետո Գրենադան մեծապես ապավինում է գյուղատնտեսական արտադրանքի արտահանմանը, հիմնականում տարբեր տեսակի համեմունքներ[3]: Մշկընկույզը, ցորենի ալյուրը և տարբեր մրգեր կազմում են Գրենադայի արտահանման մեծ մասը (2017)[4] ։
Գրենադան կրել է բազմաթիվ տնտեսական թերություններ: Հիմնական մտահոգությունը աճող հարկաբյուջետային դեֆիցիտն է և մեծ պարտքը, որոնք խաթարում են նրա կառավարության գործունեությունը: 2004 թվականին «Իվան» փոթորիկը հանգեցրեց Գրենադայի լուրջ անհաջողությունների, ինչպես նաև 2008 թվականի Մեծ անկման։
Ամերիկայի Միացյալ Նահանգները Գրենադայի ամենամեծ առևտրային գործընկերներից մեկն է[5]։ Գրենադան հայտնվել է ամենացածր մակարդակից 9 սանդղակ վերև՝ 126 զարգացող երկրների ընդհանուր պարտքի ցուցակում 2017 թվականին[6]:
Գրականություն
- Sternfeldt, Ann-Britt. (2000). The Good Tourist in the Gambia: Travelguide for Conscious Tourists. Translated from Swedish by Rolli Fölsch. TheGoodTourist. Sexdrega, Sweden. 91-974010-4-8.
Արտաքին հղումներ
Վիքիպահեստն ունի նյութեր, որոնք վերաբերում են «Գրենադայի տնտեսություն» հոդվածին։ |
|
Ծանոթագրություններ
- ↑ «CIA World Factbook – Grenada». Վերցված է 12 July 2019-ին.
- ↑ «Organisation of Eastern Caribbean States». oecs.org. Վերցված է 2019-12-11-ին.
- ↑ «Grenada | History, Geography, & Points of Interest». Encyclopedia Britannica (անգլերեն). Վերցված է 2020-06-12-ին.
- ↑ «Products exported by Grenada (2017)». Oec - the Observatory of Economic Complexity (անգլերեն). Վերցված է 2019-12-03-ին.
- ↑ «OEC - Grenada (GRD) Exports, Imports, and Trade Partners». oec.world (անգլերեն). Վերցված է 2019-12-03-ին.
- ↑ Elliott, Larry (18 March 2018). «Developing countries at risk from US rate rise, debt charity warns». Վերցված է 19 March 2018-ին. Jubilee Debt Campaign study