Առնետներ

Առնետներ
Մոխրագույն առնետ (Rattus norvegicus)
Գիտական դասակարգում
Թագավորություն Կենդանիներ Տիպ Քորդավորներ Դաս Կաթնասուններ Կարգ Կրծողներ Ընտանիք Մկնանմաններ Ցեղ Առնետներ
Լատիներեն անվանում
Rattus Fischer-Waldheim, 1803
Դասակարգումը Վիքիցեղերում Պատկերներ Վիքիպահեստում ITIS 180361 NCBI 10114 EOL 42343

Առնետներ (լատին․՝ Rattus), կրծողների կարգի մկնանմանների ընտանիքի կաթնասունների սեռ։

Տարածվածությունը Հայաստանում

Հայաստանում հայտնի է 2 տեսակ, մոխրագույն առնետ կամ պասյուկ առնետ և սև առնետ։ Առնետ մոխրագույնի կամ պասյուկի (R. norvegicus) մարմնի երկարությունը 25 սմ է, պոչինը՝ 12 սմ։ Տարածված է Շիրակի, Արարատի, Արագածոտնի մարզերում։ Ապրում է այգիներում, ջրավազանների ափերին, ներքնահարկերում։ Առնետ սևի (R. rattus) դունչը սուր է, ականջները՝ մեծ և կլոր։ Տարածված է Տավուշի, Կոտայքի մարզերում։ Փորում են բներ, բնակվում են նաև տանիքներում, այգիներում։

Տնտեսական նշանակություն

Առնետները սնվում են մրգերով, սերմերով, միջատներով, խխունջներով։ Վնասակար են. փչացնում են սննդամթերքը, տարածում վարակիչ հիվանդություններ։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։