Վիկտոր Դալլաքյան

Վիկտոր Դալլաքյան
Ծնվել է	մարտի 1, 1958(1958-03-01) (66 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան (1980)
Գիտական աստիճան	պատմական գիտությունների թեկնածու
Մասնագիտություն	քաղաքական գործիչ և պատմաբան
Աշխատավայր	ՀՀ ԳԱԱ պատմության ինստիտուտ
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն

Վիկտոր Երվանդի Դալլաքյան (մարտի 1, 1958(1958-03-01), Կիրովական, Հայկական ԽՍՀ, ԽՍՀՄ),հայ պատմաբան, ՀՀ քաղաքական և պետական գործիչ։ Պատմական գիտությունների թեկնածու։ Ծնվել և դաստյարակվել է մանկավարժների ընտանիքում։ Հայրը՝ պատմաբան Երվանդ Դալլաքյանը, որի անունն է կրում Լոռու մարզի Լեռնապատ գյուղի միջնակարգ դպրոցը, ավելի քան 13 տարի ղեկավարել է Գուգարքի շրջանային ժողկրթբաժինը։ Մայրը՝ Մարգարիտ Մատինյանը, որի անունն է կրում Լոռու մարզի Մարգահովիտ գյուղի արվեստի դպրոցը և Վանաձոր քաղաքի թիվ 19 մսուր մանկապարտեզը, եղել է հայոց լեզվի և գրականության ուսուցչուհի, մանկապարտեզի վարիչ։ Ավարտել է Կիրովականի թիվ 1 միջնակարգ դպրոցը։ 1979 թ համամիութենական ուսանողական մրցույթում լավագույն պատմագիտական աշխատանքի համար արժանացել է ոսկե մեդալի։

1986 թ․ պաշտպանել է թեկնածուական թեզ։ Նրա գիտական գործունեության շրջանակներն ընդգրկում են Հայաստանի 1920-1930-ական թվականների պատմության՝ մասնավորապես հասարակական-քաղաքական կյանքի, պետության կառավարման համակարգի հիմնահարցերը, որոնց վերաբերյալ հրապարակված բազմաթիվ ուսումնասիրությունները միանգամայն նոր խոսք ու ծանրակշիռ ներդրում են հայ պատմագիտության մեջ։ Վ․ Դալլաքյան գրչին են պատկանում Հայաստանի Հանրապետության (1918-1920 թթ․), Ղարաքիլիսայի 1918 թ․ հերոսամարտի և կոտորածների մասին արժեքավոր հետազոտությունները։

Վ․ Դալլաքյանը հեղւնակն է նաև քաղաքագիտական բնույթ ունեցող «Մեր ապագայի բանալիները» (2007 թ․) ծանրակշիռ աշխատության, որտեղ ուրվագծված են Հայաստանի զարգացման միտումներն ու հեռանկարները։

1990 թ․ դասախոսություններով հանդես է եկել Եգիպտոսում և Թուրքիայում։

1990 թ․ դասավանդել է Վանաձորի մանկավարժական ինստիտուտում։

Վ․ Դալլաքյանը իր դստեր անունը կրող «Լիլիթ և քույրեր» մանկական բարեգործական կազմակերպության հիմնադիրն ու հովանավորն էր, որը լայն գործունեություն է ծավալել մանուկների դաստյարակության և սոցիալական խնդիրների լուծման ուղղությամբ։

Վ․ Դալլաքյանը առաջին կարգային մարզիկ է։ Եղել է Վանաձորի, Երևանի և Հայաստանի վոլեյբոլի առաջնությունների հաղթող և մրցանակակիր։

Կրթություն

• 1980 թ. ավարտել է Երևանի պետական համալսարանի պատմության ֆակուլտետը,
• 1996 թ. ավարտել է Երևանի պետական համալսարանի իրավաբանական ֆակուլտետը։

Աշխատանքային գործունեությունը

• 1981 թ. Հայաստանի ԳԱ պատմության ինստիտուտում աշխատել է ավագ լաբորանտ,
• 1987-1995 թթ. Հայաստանի ԳԱ պատմության ինստիտուտում աշխատել է կրտսեր գիտաշխատող, գիտաշխատող, ավագ գիտաշխատող։

Քաղաքական գործունեությունը

• 1995-1999 թթ., ՀՀ Ազգային ժողովի պատգամավոր (թիվ 61 ընտրատարածք)։ ՀՀ Ազգային ժողովի պետական-իրավական հարցերի մշտական հանձնաժողովի անդամ, նախագահի տեղակալ։ «Բարեփոխումներ», ապա «Երկրապահ» պատգամավորական խմբի անդամ։
• 1997-1999 թթ․ Վ․ Դալլաքյանը աղետի գոտու չսեփականաշնորված և անավարտ շինարարության օբյեկտների հաշվառման և դրանք սեցիալ-մշակույթային նշանակության և որպես բնակելի շենքեր օգտագործելու վերաբերյալ առաջարկություններ նախապատրաստող կառավարական հանձնաժողովի նախագահն էր։ Այդ հանձնաժողովը ստեղծվել է Վ․ Դալլաքյանի նախաձեռնությամբ և լուրջ աշխատանք է կատարել աղետի գոտու հիմնահարցերի լուծման ուղղությամբ։
• 1999-2003 թթ., ՀՀ Ազգային ժողովի պատգամավոր (թիվ 47 ընտրատարածք)։ ՀՀ Ազգային ժողովի պետական-իրավական հարցերի մշտական հանձնաժողովի անդամ, նախագահի տեղակալ, նախագահ։ «Միասնություն» խմբակցության անդամ։
• 1999-2003 թթ. - Սևծովյան տնտեսական համագործակցության խորհրդարանական վեհաժողովի հայաստանյան պատվիրակության ղեկավարն էր։ 2001 թ․ հունիսի 20-ին Բաքվում հաղթելով նաև ադրբեջանցի մրցակցին, Վ․ Դալլաքյանը ընտրվել է Սևծովյան տնտեսական համագրծակցության խորհրդարանական վեհաժողովի փոխնախագահ։ Վ․ Դալլաքյանը, որպես այդ վեհաժողովի փոխնախագահ՝ միջազգային կազմակերպություններում Հայաստանը ներկայացնող ամենաբարձր կարգավիճակն ունեցող պատգամավորն էր։
• 2003-2007 թթ. - Ազգային ժողովի պատգամավոր (թիվ 36 ընտրատարածք)։ ՀՀ Ազգային ժողովի պետական-իրավական հարցերի մշտական հանձնաժողովի անդամ։ Մինչև 2006 թ. օգոստոսի 28-ը եղել է «Արդարություն» խմբակցության քարտուղար, այնուհետև խմբակցություններում և պատգամավորական խմբում չի ընդգրկվել։
• 2007 թ. մայիսի 12-ին Ազգային ժողովի պատգամավոր է ընտրվել թիվ 30 ընտրատարածքից։
• 2012 թ. սեպտեմբերի 6-ին ՀՀ Նախագահի հրամանագրով նշանակվել է Հայաստանի Հանրապետության Ազգային ժողովում Հայաստանի Հանրապետության Նախագահի մշտական ներկայացուցիչ։
• 2012 թ. սեպտեմբերի 20-ին ՀՀ Նախագահի հրամանագրով նշանակվել է Հայաստանի Հանրապետության Նախագահի աշխատակազմի ղեկավարի տեղակալ՝ վերապահելով Հայաստանի Հանրապետության Ազգային ժողովում Հայաստանի Հանրապետության Նախագահի մշտական ներկայացուցչի լիազորությունները։

Ամուսնացած է, ունի երկու երեխա։

Նախորդող -

ՀՀ Ազգային ժողովի պետական-իրավական հարցերի մշտական հանձնաժողովի նախագահի տեղակալ Վիկտոր Դալլաքյան 1995 թ. - 13 սեպտեմբերի 1999 թ.

Հաջորդող

Նախորդող Յուրի Բախշյան

ՀՀ ԱԺ պետական-իրավական հարցերի մշտական հանձնաժողովի նախագահ Վիկտոր Դալլաքյան 13 սեպտեմբերի 1999 թ. - 12 հունիսի 2003 թ.

Հաջորդող Ռաֆիկ Պետրոսյան

Նախորդող պաշտոնը հիմնադրվել է

ՀՀ Ազգային ժողովի «Արդարություն» խմբակցության քարտուղար Վիկտոր Դալլաքյան 12 հունիսի 2003 թ. - 28 օգոստոսի 2006 թ.

Հաջորդող Գրիգոր Հարությունի Հարությունյան

Նախորդող Գառնիկ Իսաղուլյան

Հայաստանի Հանրապետության Ազգային ժողովում Հայաստանի Հանրապետության Նախագահի մշտական ներկայացուցիչ Վիկտոր Դալլաքյան 6 սեպտեմբերի 2012 թ. - 20 սեպտեմբերի 2012 թ.

Հաջորդող նույն ինքը որպես Հայաստանի Հանրապետության Նախագահի աշխատակազմի ղեկավարի տեղակալ - Հայաստանի Հանրապետության Ազգային ժողովում Հայաստանի Հանրապետության Նախագահի մշտական ներկայացուցիչ

Նախորդող պաշտոնը հիմնադրվել է, նույն ինքը որպես Հայաստանի Հանրապետության Ազգային ժողովում Հայաստանի Հանրապետության Նախագահի մշտական ներկայացուցիչ, Վիգեն Սարգսյանը որպես Հայաստանի Հանրապետության Նախագահի աշխատակազմի ղեկավարի տեղակալ

ՀՀ Նախագահի աշխատակազմի ղեկավարի տեղակալ, ՀՀ Ազգային ժողովում ՀՀ Նախագահի մշտական ներկայացուցիչ Վիկտոր Դալլաքյան 20 սեպտեմբերի 2012 թ. -

Հաջորդող ներկայումս պաշտոնավարում է