Սոֆյա Ազնաուրյան

Սոֆյա Ազնաուրյան
Ծնվել է	հուլիսի 3, 1959 (65 տարեկան); Կրասնոդար, ՌԽՖՍՀ, ԽՍՀՄ
Երկիր	ԽՍՀՄ և Հայաստան
Մասնագիտություն	կոմպոզիտոր
Աշխատավայր	Հայկական պետական մանկավարժական համալսարան, Երևանի Կոմիտասի անվան պետական կոնսերվատորիա և Երևանի թատրոնի և կինոյի պետական ինստիտուտ
Կրթություն	Երևանի Կոմիտասի անվան պետական կոնսերվատորիա (1983)
Անդամակցություն	Հայաստանի կոմպոզիտորների միություն և Հայաստանի ժուռնալիստների միություն

Սոֆյա Մաթևոսի Ազնաուրյան (հուլիսի 3, 1959(1959-07-03)^[1], Կրասնոդար, ՌԽՖՍՀ, ԽՍՀՄ), հայ կոմպոզիտոր։ Հայաստանի կոմպոզիտորների (1998) և Հայաստանի ժուռնալիստների միությունների անդամ։ Բնության և հասարակության մասին միջազգային ակադեմիայի ակադեմիկոս (2007)։

Կենսագրություն

Սոֆա Ազնաուրյանը ծնվել է 1959 թվականի հուլիսի 3-ին, Կրասնոդարում։ 1967-1974 թվականներին սովորել է Կրասնոդարի թիվ 2 երաժշտական դպրոցի դաշնամուրի բաժնում։ 1978 թվականին ավարտել է Կրասնոդարի Ն. Ա. Ռիմսկի-Կորսակովի անվան երաժշտական ուսումնարանի կոմպոզիցիայի և տեսության բաժինները, 1983 թվականին՝ Երևանի Կոմիտասի անվան պետական կոնսերվատորիայի կոմպոզիցիայի բաժինը (ղեկավար՝ Գրիգոր Եղիազարյան)^[2]^[3]։

1988 թվականից աշխատել է Երևանի Խաչատուր Աբովյանի անվան հայկական պետական մանկավարժական համալսարանում, Երևանի Կոմիտասի անվան պետական կոնսերվատորիայում և Երևանի թատրոնի և կինոյի պետական ինստիտուտում։ 2000 թվականից «ԵՊԿ հրատարակչության» և «Երաժշտական Հայաստան» ամսագրի խմբագիրն է։

Մրցանակներ

Երիտասարդ կոմպոզիտորների համամիութենական մրցույթի դափնեկիր, Մոսկվա, 1982
«Արևիկ» մանկապատանեկան անսամբլի հանրապետական մրցույթում «Կրկեսում» երգն արժանացել է մրցանակի, իսկ Բեյրութում՝ «Վանա ձայն» ռադիոկայանի կազմակերպած երգի մրցույթում ճանաչվել լավագույն երգ

Ստեղծագործություններ

Պոեմ սոպրանոյի և կամերային նվագախմբի համար (խոսք՝ Կ. Լեփեջյանի), 1983։
Ֆանտազիա կոնտրաբասի և կամերային նվագախմբի համար, 1984։
Երեք պիես կամերային նվագախմբի համար, 1985։
«Ինչո՞ւ» ձայնի և էստրադային սիմֆոնիկ նվագախմբի համար (խոսք՝ Շ. Ազնավուրի), 1982։
Երկու կրկնակի ֆուգա՝ լարային և փողային կվարտետների համար, 1982։
Դաշնամուրային տրիո, 1984։
Չակոնա դաշնամուրի, ջութակի և թավջութակի համար, 1982։
«Ակնթարթ» վոկալ շարք (խոսք՝ Ա. Մովսիսյանի), 1983։
Ռոմանսներ ձայնի և դաշնամուրի համար. «Ասում են թե», «Լորիների տակ» (խոսք՝ Ա. Իսահակյանի), 1984։
Յոթ էստրադային երգ
«Տունն այս բարի» հիմն երկսեռ երգչախմբի, երգեհոնի և զանգերի համար (խոսք՝ Արքեպիսկոպոս Արտակ Մանուկյանի)
Յոթ երգ փոքր տարիքի երեխաների համար, ռուս բանաստեղծների տեքստերով
Յոթ երգ երեխաների համար, հայկական ժողովրդական տեքստերով
«Կատակ» դաշնամուրի և երկու ջութակի համար, 2002։
«Մարալ հոյ» երգչախմբի և դաշնամուրի համար, ժողովրդական տեքստերով, 2002։
«Ջան գյուլում» մշակում երկու դաշնամուրի համար, 2003։
«Հույս» մոնոօպերա, ըստ Զ. Գիպպիուսի, 2004։
«Հայաստան» կամերային օպերա՝ ըստ Օ. Մանդելշտամի և Ն. Մանդելշտամի, 2006։
«Համլետ» մոնոօպերա՝ ըստ Ուիլյամ Շեքսպիրի, 2007։
Ֆուգաներ դաշնամուրի, Ֆլեյտայի և թավջութակի համար, երգչախմբի համար
Երեք վոկալ շարք երեխաների համար, հայկական ժողովրդական, հայ և ռուս բանաստեղծների տեքստերով

Հրատարակված ստեղծագործություններ

«Ջան գյուլում» մշակում երկու դաշնամուրի համար, «Դաշնամուրի ձեռնարկ», կազմող՝ Կ. Թոփչյան, Երևան, «Ամրոց գրուպ», 2008։
Էտյուդ՝ դաշնամուրի համար, «Դաշնամուրային էտյուդների ընտրանի», Երևան, «Վան արյան», 2011։
Երկձայն ֆուգա դաշնամուրի համար-Պոլիֆոնիկ պիեսներ դաշնամուրի համար, Երևան, «Վան արյան», 2011։
Վոկալ շարք՝ նվիրված Լուսինե Զաքարյանին, Վոկալ շարք՝ Մ. Սարգսյանի տեքստերով, Երևան, «Կոմիտաս», 2004։

Ծանոթագրություններ

↑ ^1,0 ^1,1 https://composers.am/?p=758
↑ «Ազնաուրյան Սոֆա | ՀԿՄ». composers.am. Վերցված է 2019 թ․ ապրիլի 13-ին.
↑ «Zarkfoundation - Սոֆա Ազնաուրյան». zarkfoundation.com.

[_44d215dd3de949cf-1] 1,0 ^1,1 https://composers.am/?p=758

[2] «Ազնաուրյան Սոֆա | ՀԿՄ». composers.am. Վերցված է 2019 թ․ ապրիլի 13-ին.

[3] «Zarkfoundation - Սոֆա Ազնաուրյան». zarkfoundation.com.

[1]

[2]

[3]