Սուրեն Գևորգյան
- Վիքիպեդիայում կան հոդվածներ Գևորգյան ազգանունով այլ մարդկանց մասին։
| Սուրեն Գևորգյան | |
|---|---|
| Ծննդավայր | Առաջաձոր |
| Քաղաքացիություն |  ԽՍՀՄ |
| Կրթություն | Երևանի պետական համալսարան |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ | |
Սուրեն Խաչատուրի Գևորգյան (, Առաջաձոր), հայ մանկավարժ։ ՀԽՍՀ վաստակավոր մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։ ԽՄԿԿ անդամ (1944):
Կենսագրություն[խմբագրել | խմբագրել կոդը]
Սուրեն Գևորգյանը ծնվել է Ղափանի շրջանի Առաջաձոր գյուղում։ Ավարտել է Ղափանի 7-ամյա դպրոցը, Ֆաբգործուսը և, որպես փականագործ, աշխատանքի անցել պղնձահանքային կոմբինատում։ 1940 թվականին սովորել և ավարտել է Երևանի պետական համալսարանի երկրաբանական-աշխարհագրական ֆակուլտետը, այնուհետև աշխարհագրություն դասավանդել Ղափանի Շրվենանց գյուղի դպրոցում[1]։
1941 թվականին եղել է հրանոթի հաշվարկի կազմում, 1942 թվականին՝ հրետգնդի դպրոցի սան, 1943 թվականին՝ հրետանային մարտկոցի կրակային դասակի հրամանատար, իսկ 1944 թվականից՝ հրետանային դիվիզիոնի շտաբի պետ։ Գևորգյանը ակտիվ մասնակցություն է ունեցել Օրշա-Վիտեբսի և Քյոնիգսբերգի ուղղությամբ ծավալված ռազմական գործողություններին։ 1944 թվականին ռազմաճակատում ընդունվել է ԽՄԿԿ շարքերը[1]։
1945 թվականին Գևորգյանն անցնել է մանկավարժական աշխատանքի. նշանակվել Ղափանի շրջժողկրթբաժնի տեսուչ, բաժնի վարիչ, հետագայում՝ № 1, 25 միջնակարգ դպրոցների տնօրեն։ Զբաղվել է նաև գիտահետազոտական աշխատանքով։ Գրել է մի շարք հոդվածներ, նաև՝ «Որոտանի գեոմորֆոլոգիա» աշխատությունը։
Մարտական և աշխատանքային ծառայությունների համար Գևորգյանն արժանացել է կառավարական բարձր պարգևների՝ Ալեքսանդր Նևսկու և «Կարմիր աստղի» շքանշանների, մեդալների[1]։
Պարգևներ[խմբագրել | խմբագրել կոդը]
- ՀԽՍՀ վաստակավոր մանկավարժ
- «Կարմիր աստղի» շքանշան
- Ալեքսանդր Նևսկու շքանշան