Սուրբ Ստեփանոս եկեղեցի (Ողոհի)

Սուրբ Ստեփանոս եկեղեցի
Հիմնական տվյալներ
Տեսակ	Քառամույթ գմբեթավոր բազիլիկա
Երկիր	Ադրբեջան
Տեղագրություն	Որդուարի շրջան
Տարածաշրջան	Նախիջևանի Ինքնավար Հանրապետություն
Հասցե	Ողոհի գյուղի կենտրոնական մասում
Դավանանք	Հայ Առաքելական եկեղեցի
Հոգևոր կարգավիճակ	Չգործող
Ներկա վիճակ	Ավերված
Ժառանգության կարգավիճակ	Ոչ
Ճարտարապետական ոճ	Հայկական
Կառուցման սկիզբ	13-րդ դարեր
Կառուցման ավարտ	13-րդ դար
Առաջին հիշատակում	16-րդ դար՝ խաչքար վիմական արձանագրություն
Փակված է	2006
Գմբեթ	1
Շինանյութ	Գորշ և սրբատաշ քարեր

Սուրբ Ստեփանոս եկեղեցի, հայկական առաքելական ավերված եկեղեցի ներկայիս Ադրբեջանական Հանրապետության կազմում գտնվող Նախիջևանի Ինքնավար Հանրապետության Որդուարի շրջանի Ողոհի գյուղի կենտրոնական մասում։

Պատմություն

Գտնվում էր պատմական Մեծ Հայքի Վասպուրական նահանգի Գողթն գավառում։ 17-րդ դարում եկեղեցին վերանորոգվել էր Յովսեփի կողմից։ Հետագա վերանորոգումը տեղի է ունեցել 1906 թվականին, որի մասին վկայվում էր մուտքի կամարից վերև տեղադրված փոքրիկ խաչքարի վիմական արձանագրությունը։

Ճարտարապետություն

Եկեղեցին կառուցվել էր 13-րդ դարում և գտնվում էր Ողոհի գյուղի կենտրոնական մասում։ Եկեղեցու Ճարտարապետը անհայտ է, ինչպես նաև պատվիրատուն և մեկենասը։ Եկեղեցին եռանավ բազիլիկայի հորինվածք ուներ։ 1930-ական թվականներին գմբեթը փլուզվել է։ Վնասվել էր հարավային ավանդատան, աղոթասրահի ծածկի մի մասը։

Եկեղեցին թե ներսից և արտաքինից անշուք էր։ Միակ մուտքը արևմտյան կողմից։ Որմնանկարներ, զարդաքանդակներ և պատկերաքանդակներ չի ունեցել։

Տես նաև

• Որդուարի շրջան
• Վասպուրական
• Ողոհի
• Աղահեցիկի Սուրբ Խաչ վանք (Ողոհի)

Գրականություն

• Այվազյան Արգամ, «Նախիջևանի հայկական ճարտարապետության հուշարձաններ», Երևան, 1981.
• Այվազյան, Արգամ (1980) Մեսրոպավանի, Շրջուի,Ողոհիի և Նորակերտի ճարտարապետական հուշարձանները. Էջմիածին. Պաշտօնական ամսագիր Հայրապետական Աթոռոյ Ս. Էջմիածնի, ԼԷ (Բ-Գ). pp. 93–94.