Սուրբ Հովհաննես եկեղեցի (Իշխանիգոմ)

Վիքիպեդիայից՝ ազատ հանրագիտարանից
Jump to navigation Jump to search


HS Disambig.svg Անվան այլ կիրառումների համար տե՛ս՝ Սուրբ Հովհաննես եկեղեցի (այլ կիրառումներ)
Սուրբ Հովհաննես եկեղեցի
Հիմնական տվյալներ
ՏեսակԵկեղեցի
ԵրկիրԹուրքիա Թուրքիա
ՏեղագրությունՎանի նահանգ
ՏարածաշրջանԱրտամետ (ներկայիս Էդրեմիտ) շրջան
ՀասցեԻշխանիգոմ (ներկայիս Բաքըմլը) գյուղ
ԴավանանքՀայ Առաքելական եկեղեցի Հայ առաքելական
Հոգևոր կարգավիճակՉգործող
Ներկա վիճակԿիսավեր
Ճարտարապետական ոճՀայկական
Հիմնադրված14-15-րդ դարեր

Սուրբ Հովհաննես եկեղեցի, հայկական առաքելական կիսավեր եկեղեցի պատմական Վասպուրական նահանգի Հայոց ձոր գավառում՝ Վանա լճից 2.5 կմ արևելք գտնվող Իշխանիգոմ, ներկայիս Թուրքիայի Հանրապետության Վանի նահանգի Էդրեմիտ (նախկին Արտամետ) շրջանի Բաքըմլը գյուղում[1]։

Համաձայն հուշարձանագետ Սամվել Կարապետյանի ուսումնասիրությունների՝ եկեղեցին հիմնադրվել է 14-ից 15-րդ դարերում[1]։

Եկեղեցու մասին առաջին հիշատակումները հանդիպում են 1613 թվականից։ Հայտնի է, որ 19-րդ դարում վերանորոգման աշխատանքներ են իրականացվել[1]։

1894-1896 թվականներին Օսմանյան Թուրքիայի հայ ազգաբնակչության կոտորածների ժամանակ Սուրբ Հովհաննես եկեղեցին ենթարկվել է թուրքերի և քրդերի հարձակմանն ու թալանվել[1][2]։

2013 թվականի դրությամբ եկեղեցին եղել է կիսավեր, քայքայված վիճակում և հանդիսացել է գյուղի քուրդ ընտանիքներից մեկի սեփականությունը[1]։

Ճարտարապետություն[խմբագրել | խմբագրել կոդը]

Սուրբ Հովհաննես եկեղեցին ունեցել է միանավ բազիլիկ հորինվածք, եղել է թաղածածկ։ Արտաքին չափերն են եղել 7․85x6․2 մ։ Թաղածածկ տանիքը պահել են որմնակամարաշարով ամրացված երկայնական որմերը։ Միակ մուտքը եղել է արևմտյան կողմում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 Սամվել Կարապետյան, Հայկական ճարտարապետությունն ուսումնասիրող հիմնադրամ, «Հայոց ձոր, Հայաստանի պատմություն գրքաշար, հատոր Ա», Երևան 2015 թվական, էջ 87-88։
  2. «Արարատ», 1896, Բ, էջ 88։