Jump to content

Սուրբ Գևորգ եկեղեցի (Լիխոյ)

Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Սուրբ Գևորգ եկեղեցի (այլ կիրառումներ)
Սուրբ Գևորգ եկեղեցի
Հիմնական տվյալներ
Տեսակտաճար
ԵրկիրՌուսաստան Ռուսաստան
ՏեղագրությունԼիխոյ (Ռոստովի մարզ)
Դավանանքուղղափառություն
ԹեմՌոստովի և Նովոչերկասկի թեմ
Հիմնական ամսաթվերը1905
Հիմնադրված1905
Քարտեզ
Քարտեզ
 Saint George Church (Lihoy) Վիքիպահեստում

Սուրբ Գևորգ եկեղեցի (ռուս.՝ Церковь Георгия Победоносца), ուղղափառ եկեղեցի Ռուսաստանի Ռոստովի մարզի Կրասնի Սուլինի շրջանի Լիխոյ խուտորում։ Ենթարկվում է Ռուս Ուղղափառ եկեղեցու Մոսկվայի պատրիարքության Սուլինի գործակալության Շախտիի և Միլլերովոյի թեմին։

Տաճարի հասցեն՝ 346380, Ռոստովի մարզ, Կրասնի Սուլինի շրջան, Լիխոյ խուտոր։

Պատմություն[խմբագրել | խմբագրել կոդը]

Լիխոյ խուտորը հիմնադրվել է 19-րդ դարի սկզբին փոստի ճանապարհի մոտ։ 1854 թվականից Լիխոյը կազակական խուտոր էր, որը մտնում էր Վլադիմիրսկայա ստանիցայի յուրտի մեջ։ 1867 թվականին խուտորում ապրում էր շուրջ 500 մարդ։

Հավատացյալների հոգևոր կարիքները հոգալու համար անհրաժեշտ եղավ տաճարի կառուցումը։ Ազնվական կազակներ Վասիլի Տրոֆիմենկովը և Ֆիլիպ Յաիցկովը խնդրեցին Դոնի զորքի ատաման, գեներալ-լեյտենանտ Ալեքսանդր Լվով Պոտապովին (1865-1868) թույլատրել խուտորում կառուցել աղոթատուն։ Ատամանը դրական պատասխան տվեց։

1867 թվականին տաճար կառուցելու համար սկսվել է նվիրատվությունների հավաքագրում։ Գումարը հավաքվել է մոտ երկու տարի։ Եվ միայն 1869 թվականի դեկտեմբերին սկսվել է եկեղեցու շինարարությունը։ Առաջին շինարարը եղել է Տամբովի նահանգի գյուղացի Տիմոֆեյ Շակինը։

1870 թվականին օծվել է շինարարության վայրը, իսկ 1871 թվականին ապրիլին եկեղեցին կառուցվել է։  Եկեղեցին փայտյա էր, ծածկված թերթային երկաթով, ունեցել է առանձին կանգնած զանգակատուն։ Եկեղեցու շուրջը կար քարե պարիսպ։ 1872 թվականի սեպտեմբերին եկեղեցին օծվել է։ 1900 թվականին եկեղեցում գործել է երկու եկեղեցական-ծխական դպրոց։

20-րդ դարի սկզբին Ֆոմին Լիխովսկոյ խուտորում կար 105 կազակական, 38 գյուղացիական և 53 այլադաս ծուխ։ Հաշվառված էր 1207 բնակիչ։ Այդ ժամանակահատվածում փայտե եկեղեցին խարխլվել էր և քարե տաճար կառուցելու անհրաժեշտություն կար։ Նոր տաճար կառուցելու համար հավաքվեց գումար։

1905 թվականին կառուցվեց նոր քարե եկեղեցի։ 1906 թվականին այն օծեց Ալեքսանդրո-Գրուշևսկու ավագ քահանա Վասիլին։ Լիխովսկոյի Սուրբ Գևորգ ծխում գործել է ծխական դպրոց, որտեղ Աստծո խոսքը դասավանդում էր տեղի քահանա Միտրոֆան Իվանովիչ Դամասկինը։

Հոկտեմբերյան հեղափոխության տարիներին Սուրբ Գևորգ եկեղեցու քահանա Միխայիլ Ստրատոնովիչ Պաշուտինին բռնել էին կարմիրբանակայինները և գնդակահարել Լիխայա կայարանում։ Եկեղեցու շենքում տարբեր տարիների եղել են պահեստ, ակումբ, ամբար։ Զանգակատունը քանդվել է, գմբեթները՝ հանվել։ Հայրենական մեծ պատերազմի ժամանակ գերմանացիները տաճարը վերածել էին ախոռի։

1944 թվականից տաճարում վերսկսվել են ծիսակատարությունները, որոնք չեն դադարել նույնիսկ «խրուշչովյան ձնհալի» ժամանակ։ Ներկայումս սա 2010 թվականին ոսկեզօծված գմբեթներով գործող տաճար է[1]։

Կղերականություն[խմբագրել | խմբագրել կոդը]

1991 թվականին տաճարի վանահայր է դարձել հայր Ալեքսանդրը։ 2005 թվականից Սուրբ Գևորգ տաճարի վանահայր էր քահանա Վլադիմիր Պետրովիչ Պոչտովին։ Այժմ տաճարի վանահայրն է քահանա Օլեգ Սուդարևը։

Սրբություններ[խմբագրել | խմբագրել կոդը]

  • Եկեղեցում պահվում է մոտ 40 սուրբ մասունք, այդ թվում՝ Օպտինայի ծեր վանականների և Սուրբ Ղուկաս Ղրիմցու մասունքները։
  • Առավել պաշտելի է Սուրբ Մատրոնա Մոսկվացու սրբապատկերը։

Ծանոթագրություններ[խմբագրել | խմբագրել կոդը]

  1. «Церковь Георгия Победоносца». Արխիվացված է օրիգինալից 2020 թ․ հոկտեմբերի 22-ին. Վերցված է 2019 թ․ մարտի 25-ին.

Գրականություն[խմբագրել | խմբագրել կոդը]

  • Беликов, С. Прихожане приложились к мощам святых / С. Н. Беликов // Красносулинский вестник. - 2016. – 21 янв. (№3). – С.4.
  • Кудрявцев, В. Церковь Георгия Победоносца в х. Фомино-Лиховском / В. В. Кудрявцев // Сулинская земля: страницы истории. – Ростов н / Д., 1999. – С. 131-133.
  • Кудрявцев, В. История хутора Фомино - Лиховского / В. В. Кудрявцев // Страницы прошлого листая [исследования истории Сулинской земли] – Красный Сулин, 2004. – С.76-77.

Աղբյուրներ[խմբագրել | խմբագրել կոդը]

Արտաքին պատկերներ
Սուրբ Գևորգ եկեղեցի