Սուրբ Ալեքսանդրա եկեղեցի (Դոնի Ռոստով)
| Սուրբ Ալեքսանդրա եկեղեցի | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Ռուսաստան |
| Տեղագրություն | Դոնի Ռոստով |
| Դավանանք | ուղղափառություն |
| Թեմ | Ռոստովի և Նովոչերկասկի թեմ |
| Ժառանգության կարգավիճակ | regional cultural heritage site in Russia? |
| Ճարտարապետական ոճ | կեղծռուսական ոճ |
| Հիմնադրված | 1904 |
 | |
 | |
| rostov-112.cerkov.ru | |
Սուրբ Ալեքսանդրա թագուհու անվան եկեղեցի (ռուս.՝ Церковь во имя Святой царицы Александры, Церковь Святой Александры, Свято-Александрийский храм), ուղղափառ տաճար Ռուսաստանի Դոնի Ռոստով քաղաքում։ Ալեքսանդրայի եկեղեցին կառուցվել է 1904 թվականին Նոր Նախիջևան քաղաքում (այժմ` Դոնի Ռոստովի Պրոլետարական շրջանի կազմում)։ Տաճարի նախագծի հեղինակը ճարտարապետ Վ. Վ. Պոպովն էր։ Գլխավոր խորանն օծված է հանուն Սուրբ Ալեքսանդրա թագուհու, հյուսիսայինը` հանուն Սուրբ Ալեքսանդր Նևսկու[1]։ Սուրբ Ալեքսանդրա եկեղեցին ունի մշակութային ժառանգության տարածաշրջանային նշանակության օբյեկտի կարգավիճակ[2]։
Պատմություն[խմբագրել | խմբագրել կոդը]
Սուրբ Ալեքսանդրա թագուհու անվան եկեղեցին կառուցվել է 1904 թվականին Նոր Նախիջևանի ուղղափառ գերեզմանոցում` փայտե մատուռի փոխարեն[1]։ Այդ պատճառով տաճարի չափերը համեմատաբար փոքր են` մոտավորապես 18×13 մ[3]։ Ճարտարապետ Վ. Վ. Պոպովը տաճարը կառուցել է ռուսական ոճով։ 1910 թվականին եկեղեցուն կցակառուցվել է վրանատիպ վերնամասով զանգակատուն։ 1920-ական թվականներին արևմուտքից կցակառուցվել է գավիթ։ Սուրբ Ալեքսանդրա թագուհու անվան տաճարը նախկինում ամրակցված էր Սոֆիայի եկեղեցուն, որը չի պահպանվել։ Քաղաքի նացիստական օկուպացիայի ժամանակ գերեզմանատանը, Ալեքսանդրիայի եկեղեցու մոտ, թաղում էին զոհված ուղղափառ ռումինացի զինվորներին[1]։ 1955 թվականին տաճարի հյուսիսային կողմից ստեղծվել է կողմնասեղան հանուն Սուրբ բարեպաշտ իշխան Ալեքսանդր Նևսկու` ի հիշատակ Նոր Նախիջևանի քանդված Ալեքսանդր Նևսկի եկեղեցու[4]։ Ռուսիայի մկրտության 1000-ամյակի առթիվ գմբեթն ու վրանը ոսկեզօծվել են[1]։
Սուրբ Ալեքսանդրա եկեղեցուն կից գործում է կիրակնօրյա դպրոց։ 2002 թվականին տաճարին կից ստեղծվել է Ալեքսանդր Նևսկի տաճարում ծառայած երեց Յոհան Դոմովսկոյի անկյուն-թանգարանը[5]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Малаховский Е. И. Храмы и культовые сооружения Ростова-на-Дону. — Ростов-на-Дону: Издательство «NB», 2006. — С. 127—128. — ISBN 5-98155-014-7
- ↑ «Ростов-на-Дону (объекты культурного наследия регионального значения)»։ Официальный портал Правительства Ростовской области։ Արխիվացված օրիգինալից 2013-09-14-ին։ Վերցված է 2013-08-24
- ↑ «Архив краеведа: Нахичеванские храмы»։ Официальный портал городской Думы и Администрации города։ Արխիվացված օրիգինալից 2013-09-14-ին։ Վերցված է 2013-08-24
- ↑ «Церковь Александры Царицы на Нахичеванском кладбище»։ temples.ru։ Արխիվացված օրիգինալից 2013-09-14-ին։ Վերցված է 2013-08-24
- ↑ «Александрийский храм в г. Ростов-на-Дону»։ ruist.ru։ Արխիվացված օրիգինալից 2013-09-14-ին։ Վերցված է 2013-08-25