Սիդհարթա (վեպ)

Սիդհարթա; Siddhartha
	Գերմաներենով առաջին հրատարակության շապիկը, 1922 թվական
Հեղինակ	Հերման Հեսսե
Տեսակ	գրական ստեղծագործություն
Ժանր	վեպ
Բնօրինակ լեզու	գերմաներեն
Ստեղծման տարեթիվ	1919 - 1922
Նկարագրում է	Հնդկաստան
Էջեր	152
Նախորդ	Քլինգզորի վերջին ամառը
Երկիր	Գերմանիա
Հրատարակման տարեթիվ	1922
OCLC	9766655
Թվային տարբերակ	gutenberg.org/ebooks/2499
Վիքիքաղվածք	Սիդհարթա
	Siddhartha (novel) Վիքիպահեստում

«Սիդհարթա» (գերմ.՝ Siddhartha), Հերման Հեսսեի այլաբանական վեպ-առակը, որն առաջին անգամ հրատարակվել է S. Fischer Verlag հրատարակչության կողմից 1922 թվականին։ Վեպը պատմում է Գաութամա Բուդդայի ժամանակակից բրահման Սիդհարթայի հոգևոր ինքնաճանաչման ճանապարհի մասին։ Այն Հեսսեի 9-րդ վեպն է, գրված է գերմաներեն, պարզ, քնարական ոճով։ ԱՄՆ-ում տպագրվել է 1951 թվականին և ազդեցիկ դարձել 1960-ականներին։ Հեսսեն վեպը նվիրել է Ռոմեն Ռոլանին^[1] և Վիլհելմ Գանդերտին։

«Սիդհարթա» բառը կազմված է սանսկրիտի 2 բառերից՝ «սիդհա» (նվաճած)+ «արթա» (այն, ինչ փնտրում է), ինչը միասին նշանակում է «նա, ով հասել է նպատակին» կամ «նա, ով գտել է իմաստը (գոյը)»^[2]։ Իրականում այն Բուդդային տրված մականուններից էր, իսկ գրքում Բուդդան հիշատակվում է որպես «Գոթամա»^[3]։