Սթիվ ՄաքՔերի

Վիքիպեդիայից՝ ազատ հանրագիտարանից
Jump to navigation Jump to search
Սթիվ ՄաքՔերի
անգլ.՝ Steve McCurry
Steve McCurry Bologna.jpg
Ծնվել էապրիլի 23, 1950(1950-04-23)[1][2] (69 տարեկան)
ԾննդավայրՖիլադելֆիա, Փենսիլվանիա, ԱՄՆ
ՔաղաքացիությունFlag of the United States.svg ԱՄՆ
ԿրթությունՓենսիլվանիա նահանգի համալսարան
ԵրկերAfghan Girl?
Մասնագիտությունլուսանկարիչ, ֆրիլանսեր և ֆոտոլրագրող
Պարգևներ և
մրցանակներ
Robert Capa Gold Medal? և Լյուսի մրցանակ
ԱնդամությունMagnum Photos
Կայքstevemccurry.com
Ստորագրություն
FIRMA STEVE McCURRY.png
Steve McCurry Վիքիպահեստում

Սթիվ ՄաքՔերի (անգլ.՝ Steve McCurry, ապրիլի 23, 1950(1950-04-23)[1][2], Ֆիլադելֆիա, Փենսիլվանիա, ԱՄՆ), ամերիկացի ֆոտոլրագրող, առավելապես հայտնի իր հեղինակային «Աֆղան աղջիկը» լուսանկարի շնորհիվ, որն առաջին անգամ հայտնվել է National Geographic ամսագրի շապիկին։

Վաղ կյանք[խմբագրել | խմբագրել կոդը]

ՄաքՔերին ծնվել է Ֆիլադելֆիայում[3], սովորել է Փենսիլվանիա նահանգի համալսարանում։ Ի սկզբանե ուսումնասիրել է կինեմատոգրաֆիա և կինո, բայց ի վերջո ստացել է թատերագետի աստիճան և գերազանցությամբ ավարտել համալսարանը 1974 թվականին։ Համալսարանական The Daily Collegian թերթի համար լուսանկարներ պատրաստելու ժամանակ սկսել է հետաքրքրվել լուսանկարչությամբ[4]։

Գործունեություն[խմբագրել | խմբագրել կոդը]

Ֆոտոլրագրությամբ սկսել է զբաղվել Աֆղանական պատերազմի ժամանակ։ Տեղական հագուստ հագած՝ նա հատել է աֆղանա-պակիստանյան սահմանը վերահսկվող տարածքներում։

Նրա լուսանկարները հակամարտության առաջին լուսանկարներն էին և լայնորեն հրապարակվում էին․ նա նվաճել է Ռոբերտ Կապայի ոսկե մեդալը՝ որպես լավագույն արտասահմանյան ֆոտոթղթակից։ Հետագայում ՄաքՔերին շարունակեց պատրաստել միջազգային հակամարտությունների վերաբերյալ ֆոտոռեպորտաժներ, այդ թվում՝ Իրան-իրաքյան պատերազմի, Լիբանանի, Կամբոջայի, Ֆիլիպինների քաղաքացիական պատերազմների, Պարսից ծոցի պատերազմի մասին։

Նրա աշխատանքները հրապարակվել են ամբողջ աշխարհի զանազան ամսագրերում, սակայն առավել հաճախ National Geographic-ում։ 1986 թվականին դարձել է Magnum Photos-ի անդամ։

«Աֆղան աղջկա» լուսանկարը[խմբագրել | խմբագրել կոդը]

ՄաքՔերին արել է իր ամենահայտնի լուսանկարը՝ «Աֆղան աղջիկը» Փեշևարայի մոտ գտնվող փախստականների համար նախատեսված ճամբարում։ Լուսանկարն անվանվել է National Geographic-ի պատմության «ամենահայտնի լուսանկար», և նրա դեմքը հայտնի է դարձել 1985 թվականի ամսագրի համարի շապիկին տեղադրվելուց հետո։ Լուսանկարը նաև լայնորեն օգտագործվել է բրոշյուրներում, պաստառներում և Amnesty International-ի օրացույցներում։

«Աֆղան աղջկա» ինքնությունը 17 տարի շարունակում էր մնալ անհայտ, մինչև ՄաքՔերին և National Geographic-ի անձնակազմը 2002 թվականին գտան Շարբաթ Գուլա անունով կնոջ։

Պատկերասրահ[խմբագրել | խմբագրել կոդը]

Հրատարակումներ[խմբագրել | խմբագրել կոդը]

  • The Imperial Way. Boston, MA։ Houghton-Mifflin, 1985.
  • Monsoon. London։ Thames and Hudson, 1988.
  • Portraits. London։ Phaidon Press, 1999.
  • South Southeast. London։ Phaidon, 2000.
  • Sanctuary: The Temples of Angkor. London։ Phaidon, 2002.
  • The Path to Buddha: A Tibetan Pilgrimage. London։ Phaidon, 2003.
  • Steve McCurry. London։ Phaidon, 2005.
  • Looking East. London։ Phaidon, 2006.
  • In the Shadow of Mountains. London։ Phaidon, 2007.
  • The Unguarded Moment. London։ Phaidon, 2009.
  • The Iconic Photographs. London։ Phaidon, 2011.
  • Untold: The Stories Behind the Photographs. London։ Phaidon, 2013.

Ծանոթագրություններ[խմբագրել | խմբագրել կոդը]