Տերևաթափ թուփ է 2-2,5մ բարձրությամբ։ Ընձյուղները մազմզուկապատ են։ Կեղևը մուգ մոխրագույն է։ Փշերը սակավաթիվ են, 0,5-1,0սմ երկարությամբ։ Տերևները մուգ կանաչ են, վերևից փայլուն, ցրված մազմզուկապատ, ներքևի կողմից խիտ մազմզուկապատ, նեղ սեպաձև հիմքով և երկար բլթակներով։ Ծաղկաբույլերը փոքր-ինչ սեղմված են։ Պտուղը բալակարմիր է, համարյա կլոր, 4-5, հազվադեպ 3-2 կորիզներով։ Տարածված է ԿովկասումՂրիմում, Հարավային Եվրոպայում։ Հայաստանում աճում է Զանգեզուր լեռում (սահմանափակ քանակությամբ), միջին լեռնային գոտու կաղնեբոխային անտառների եզրերին, քարքարոտ թեքությունների վրա։
