Սերաֆիմովիչի փողոց (Դոնի Ռոստով)
Անվան այլ կիրառումների համար տե՛ս՝ Սերաֆիմովիչի փողոց (այլ կիրառումներ)
| Սերաֆիմովիչի փողոց | |
|---|---|
.JPG) | |
| Երկիր |  Ռուսաստան |
| Գտնվում է | Դոնի Ռոստով |
| Երկարություն | 1400 մետր |
| Անվանվել է | Ալեքսանդր Սերաֆիմովիչ |
| Փոստային ինդեքս | 344000, 344002, 344082 |
Սերաֆիմովիչի փողոց (ռուս.՝ Улица Серафимовича), փողոց Ռուսաստանի Դաշնության Դոնի Ռոստով քաղաքի Կիրովյան և Լենինյան շրջաններում։ Քաղաքի հիմնական փողոցներից մեկն է։ Անվանվել է ռուս խորհրդային գրող Ալեքսանդր Սերաֆիմովիչի (1863-1949) պատվին։ Սկիզբ է առնում Դոլոմանովսկի նրբանցքից և ավարտվում Վորոշիլովի պողոտայի հետ հատումով։ Երկարությունը 1400 մետր է։
Պատմություն
[խմբագրել | խմբագրել կոդը]Քաղաքի կենտրոնական և հիմնական փողոցներից մեկն է։ Նախկինում կոչվել է Կազանսկայա փողոց[1]։ Առաջին անգամ հիշատակվում է 1784 թվականի դեկտեմբերի 28-ին Դմիտրի Դոնսկոյի ամրոցի պահոցներում[2]։ 1840-1850 թվականների դրությամբ քաղաքում եղել է 14 փողոց՝ 6 երկայնական և 8 հատող, որոնցից մեկը եղել է Կազանսկայան[2]։
Նկարագրություն
[խմբագրել | խմբագրել կոդը]Դոնի Ռոստով քաղաքի Սերաֆիմովիչի փողոցը սկսվում է Դոլոմանովսկի նրբանցքից, հատում Բրատսկի, Խալտուրինի, Օստրովսկու նրբանցքները, Բուդյոննու պողոտան, Սոբորնի, Սեմաշկոյի, Գազետնի նրբանցքները և ավարտվում Վորոշիլովի պողոտայի հետ հատումով։ Երկարությունը 1400 մետր է։ Փողոցում կա համարակալված 80 շինություն։
Սերաֆիմովիչի փողոցի փոստային դասիչներն են՝ 344000, 344002 և 344082։
Փողոցն անվանվել է ռուս խորհրդային գրող Ալեքսանդր Սերաֆիմովիչ Սերաֆիմովիչի (1863-1949) պատվին։ Սերաֆիմովիչի իսկական ազգանունը Պոպով էր։ Որպես «Պրավդա» թերթի զինթղթակից նա եղել է 1918-1920 թվականների Ռուսաստանի քաղաքացիական պատերազմի ռազմաճակատներում։ Նրա «Երկաթե հեղեղ» (1924 թվական, հայերեն հրատարակվել է 1927 թվականին) վեպը խորհրդային գրականության դասական ստեղծագործություններից է, որի հիմքում Թամանյան բանակի հերոսական արշավանքն է (1918 թվական)։ Հայրենական մեծ պատերազմի տարիներին կրկին եղել է ռազմաճակատում, զբաղվել հրապարակախոսությամբ։ ԽՍՀՄ պետական (Ստալինյան) մրցանակի դափնեկիր է (1943 թվական)[3][4]։
Պատկերասրահ
[խմբագրել | խմբագրել կոդը]-
Վելիկանովայի առանձնատուն, թիվ 15 -
Բարանովայի բնակելի տուն, թիվ 19 -
Պարշինայի բնակելի տուն, թիվ 23 -
Էվերիուսի եկամտաբեր տուն, թիվ 53 -
Հեռագրատան շենք, թիվ 62 -
Չիլիկինի բնակելի տուն, թիվ 80 -
Կասյանենկոյի բնակելի տուն, թիվ 82 -
Ռինձյունի եկամտաբեր տուն, թիվ 89 -
Տրեստերի առանձնատուն, թիվ 95
Ծանոթագրություններ
[խմբագրել | խմբագրել կոդը]- ↑ Улица Серафимовича (Ростов-на-Дону)
- ↑ 2,0 2,1 Старая часть Ростова
- ↑ «Հայկական Սովետական Հանրագիտարան, հ. 10, էջ 330».
- ↑ «Сайт города Серафимович и о писателе А. С. Серафимовиче». Արխիվացված է օրիգինալից 2012 թ․ հոկտեմբերի 20-ին. Վերցված է 2019 թ․ սեպտեմբերի 20-ին.
Աղբյուրներ
[խմբագրել | խմբագրել կոդը]- Улица Серафимовича в Ростове-на-Дону
- Подробная карта Улица Серафимовича, город Ростов-на-Дону со спутника с номерами домов, индекс и маршруты, Яндекс, Гугл карты
- Волошинова Л. Ф. Проект зон охраны. Т. 2, кн. 5: Аннотация исторической застройки по ул. Серафимовича: арх. № 609. Ростов-на-Дону, 1993.