Սեռա Ժերալ ազգային պարկ
 Parque Nacional da Serra Geral | |
|---|---|
 | |
| Տեսակ | ազգային պարկ |
| Կազմված է | Անտլանտյան անտառ |
| Երկիր |  Բրազիլիա |
| Վարչատարածք | Կամբարա դու Սուլ, Jacinto Machado? և Praia Grande? |
| Հիմնվել է | 1992 |
| Մակերես | 173,02 կմ² և 17 302 հեկտար |
| Կառավարում | Բրազիլիայի դաշնային կառավարություն |
  | |
Սեռա Ժերալ ազգային պարկ (պորտ.՝ Parque Nacional da Serra Geral), ազգային պարկ` տեղակայված Ռիու Գրանդի դու Սուլ և Սանտա Կատարինա նահանգներում, Բրազիլիա։
Տեղագրություն
[խմբագրել | խմբագրել կոդը]Սեռա Ժերալ ազգային պարկը գտնվում է Ատլանտյան անտառ բիոմում։ Ընդգրկում է 17302 հա։ Պարկը ստեղծվել է 1992 թվականի մայիսի 21-ին 531 հրամանագրով և կառավարվում է Չիկո Մենդեսի Կենսաբազմազանության պահպանության ինստիտուտի կողմից[1]։ Այն ներառում է հետևյալ մունիցիպալիտետներից որոշ հատվածներ՝ Կամբարա դու Սուլ, որը գտնվում է Ռիո Գրանդե դու Սուլ ու Ժասինտու Մաշադու նահանգներում, և Պրայա Գրանդի՝ Սանտա Կատարինայում[2]։ Այն կազմված է Ապարադուս դա Սեռա ազգային պարկի հարևանությամբ գտնվող երկու առանձին հատվածներից[3]։
Բնապահպանություն
[խմբագրել | խմբագրել կոդը]Կամպոս Ժերայս բարձրավանդակն ունի ընդգծված տեղագրություն, որը ծովի մակերևույթից գտնվում է 900-1200 մետր բարձրության վրա։ Պարկն ընդգրկում է բարձրավանդակի հարավարևելյան մասը, այս նրա և ափամերձ հարթավայրի միջև ընկած հատվածը։ Ազգային պարկը ծովի մակարդակից գտնվում է 100-1112 մետր բարձրության վրա։ Տարեկան տեղումների միջին քանակը 1800 մմ է։ Ջերմաստիճանը տատանվում է 0-ից 36 °C, իսկ միջինը` 18 °C է[2]։
Բուսականությունը ներառում է չոր մարգագետիններ, տորֆային դաշտեր, խառը խոնավ անտառներ, խիտ նախալեռնային և լեռնային խոնավ անտառներ, ինչպես նաև դաշտավայրային խոնավ անտառներ։ Պարկում կան բուսական աշխարհի շատ էնդեմիկ տեսակներ[2]։
Պահպանություն
[խմբագրել | խմբագրել կոդը]Պարկը դասվում է Բնության պահպանության միջազգային միության II կատեգորիային (ազգային պարկ)։ Նպատակն է՝ պահպանել բնական էկոհամակարգերը և նպաստել գիտական հետազոտությունների զարգացմանը, բնապահպանական կրթական գործունեության բարելավմանը, ինչպես նաև ապահովել բացօթյա հանգիստ ու էկոտուրիզմ[2]։ Պարկում պաշտպանված տեսակներից են պուման (Puma concolor), օնցիլլան (Leopardus tigrinus), երկարապոչ կատուն (Leopardus wiedii), Amazona vinacea, Չակո արծիվը (Buteogallus coronatus) և Mimagoniates rheocharis ձկնատեսակը[1]։
Պատկերասրահ
[խմբագրել | խմբագրել կոդը]-
-
Տիգրե Պրետո ջրվեժ -
Իտայմբեզինյու կիրճ
Ծանոթագրություններ
[խմբագրել | խմբագրել կոդը]- ↑ 1,0 1,1 «Parna de Serra Geral – Chico Mendes». Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 29-ին.
- ↑ 2,0 2,1 2,2 2,3 Unidade de Conservação ... MMA
- ↑ Duke University ParksWatch: Serra Geral NP - Summary Արխիվացված 2016-03-03 Wayback Machine, retrieved 1 July 2011
Աղբյուրներ
[խմբագրել | խմբագրել կոդը]- Parna de Serra Geral (Portuguese), Chico Mendes Institute for Biodiversity Conservation, Արխիվացված է օրիգինալից 2019-03-22-ին, Վերցված է 2016-05-05-ին
{{citation}}: CS1 սպաս․ չճանաչված լեզու (link) - Unidade de Conservação: Parque Nacional da Serra Geral (Portuguese), MMA: Ministério do Meio Ambiente, Վերցված է 2016-05-05-ին
{{citation}}: CS1 սպաս․ չճանաչված լեզու (link)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սեռա Ժերալ ազգային պարկ կատեգորիայում։ |