Սեուտայի արքայական մուրալյաներ

Վիքիպեդիայից՝ ազատ հանրագիտարանից
Jump to navigation Jump to search
Coa Illustration Elements Building Castle.svg
Սեուտայի արքայական մուրալյաներ
Ceuta Spain.jpg
Տեսակպատմական խումբ[1] և ամրաշինություն
Վարչական միավորՍեուտա
ԵրկիրFlag of Spain.svg Իսպանիա[1]
Կազմված է մասերիցQ52006754?, Q52007115?, Q52008132?, Q35848066?, Q35852194?, Gate of La Ribera, Ceuta?, Q52008136?, Q52008139?, Q53491180?, Q53495051?, Q53495246? և Q53499107?
Կոորդինատներ: 35°53′18.999996099998″ հս․ լ. 5°19′8.0000041000007″ ամ. ե. / 35.88861111002777449° հս․. լ. 5.318888890027777983° ավ. ե. / 35.88861111002777449; 5.318888890027777983
Royal Walls, Ceuta Վիքիպահեստում

Սեուտայի արքայական մուրալյաներ (Սեուտայի արքայական պատեր, իսպ.՝ Murallas Reales de Ceuta, պաշտոնական անվանումը` իսպ.՝ Histórico Artístico Murallas Reales y foso de San Felipe), ամրաշինություն Հյուսիսային Աֆրիկայում տեղակայված Սեուտա ինքնավար իսպանական քաղաքում[2]:Պատերի ամենահին հատվածը թվագրվում է 962 թվական, ժամանակակից հատվածը` 18-րդ դար: Դրանք հիմնականում անփոփոխ են, բացառությամբ որոշ արտաքին ամրությունների և ընդգրկված են Իսպանիայի մշակութային ժառանգությունների ցանկում:

Պատմություն[խմբագրել | խմբագրել կոդը]

Սեուտան եղել է ռազմածովային բազա դեռևս կարթագենյան և հռոմեական ժամանակներից և ամրաշինություններ ունեցել է 5-րդ դարից[3]: 1415 թվականին պորտուգալացիները գրավել են քաղաքը և սկսել ամրապնդել պաշտպանությունը` 1540 թվականին կառուցելով արքայական պատերը և ջրանցքը[4]:

1669 թվականին Իբերիա միության փլուզմամբ Սեուտան դարձել է Իսպանիայի մաս: Քաղաքի հարավային կողմի պատերը 1674 թվականի փոթորիկի ժամանակ վնասվել են, սակայն շատ արագ վերանորոգվել են: Հետագայում ավելացվել են որոշ արտաքին ամրություններ[4]:

Պատերը էական դեր են խաղացել 1694 թվականին սկսված Սեուտա քաղաքի պաշարման ժամանակ: Պայքարի ընթացքում յուրաքանչյուր դադարի դեպքում իսպանացիներն ավելացնում էին արտաքին ամրությունները: 1720 թվականին օգնական ուժի ժամանմամբ պաշարումը ջախջախվեց: Սեուտան կրկին պաշարվել է 1721 թվականին, սակայն ամրություններն ավելի ամուր էին, և մավրերի քաղաքը պաշարելու վերջին փորձերն ավարտվեցին 1734 թվականին[4]:

Ամրաշինությունների հետագա փոփոխությունները կատարվել են 1730-ական թվականներին: Մավրերի մեկ այլ պաշարում տեղի է ունեցել 1790 և 1791 թվականներին, սակայն հարձակումը հետ է մղվել: Նապոլեոնյան պատերազմների ժամանակ քաղաքում տեղակայվել է Իսպանիայի դաշնակից բրիտանական կայազորը: 19-րդ դարում պատերն այլևս չշահագործվեցին[4]:

1998 թվականի 25-պեսետա, որի վրա պատկերված են Սեուտայի արքայական մուրալյաները

Պատերի հատվածները, հատկապես արտաքին ամրությունները քաղաքաշինական զարգացման նպատակներով քանդվել են: Այնուամենայնիվ, արքայական պատերը, դրանց ջրանցքը և առաջին գծի արտաքին ամրությունները մնացել են անձեռնմխելի և վերջին 3 տարիների ընթացքում վերականգնվել են: 1985 թվականի հուլիսի 3-ին կառույցն ընդգրկվել է Իսպանիայի մշակութային ժառանգությունների ցանկում (իսպ.՝ Bien de Interés Cultural)[5][6]: 2007 թվականին արքայական պատերը եղել են «Իսպանիայի 12 գանձերի» համար ընտրված 100 թեկնածուներից մեկը[7]: Պատերի մի հատվածի մուտքը բաց է հասարակության համար[8]:

Կառույց[խմբագրել | խմբագրել կոդը]

Սեուտայի արքայական պատերը բաժանում են Սեուտան Հյուսիսային Աֆրիկայից: Պատերը բաղկացած են երկու խոշոր բաստիոններից` Baluarte de la Coraza և Baluarte de la Bandera, ևս մեկ բաստիոն կա հյուսիսային թևում: Դրանք պաշտպանվում են ջրանցքով, որը լցվում է ծովի ջրով: Պատերի երկու կողմերի ծովապատնեշներին կառուցվել են ռազմական մարտկոցներ[4]:

Պատերը շրջապատված են մի շարք արտաքին ամրություններով: Ներկայումս առաջին գծի արտաքին ամրաշինությունները մնացել են անփոփոխ, սակայն մնացած մասերը տարիների ընթացքում քանդվել են[4]:

Սեուտայի արևելյան կողմում կա ևս երկու փոքր բաստիոն[4]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Monuments database — 2017.
  2. Hugh Griffin (1 February 2010)։ Ceuta Mini Guide։ Horizon Scientific Press։ էջեր 11–։ ISBN 978-0-9543335-3-9։ Վերցված է 25 August 2013 
  3. «Royal Walls»։ Lonely Planet։ Վերցված է 17 September 2015 
  4. 4,0 4,1 4,2 4,3 4,4 4,5 4,6 «Ceuta»։ fortified-places.com։ Վերցված է 17 September 2015 
  5. Quaderns (Spanish) 229։ Colegio Oficial de Arquitectos de Cataluña y Baleares։ 2001։ էջ 43։ Վերցված է 25 August 2013 
  6. «Patrimonio Cultural»։ Ministerio de Educación, Cultura y Deporte (իսպաներեն)։ Վերցված է 17 September 2015 
  7. «Lista de 100 finalistas de Nuestros 12 Tesoros de España»։ Sobreturismo.es։ Վերցված է 25 August 2013 
  8. «The monumental complex of the Royal Walls»։ Ceuta.si։ Վերցված է 17 September 2015