Սելֆիի ձող
Սելֆիի ձող (անգլ. selfie stick), մոնոպոդ՝ նախատեսված սելֆի տեսախցիկի համար։ Սելֆիի ձողը թույլ է տալիս ստանալ գեղեցիկ նկարներ ավելի հեռու տարածությունից, միևնույն ժամանակ պահելով նկարի ամբողջ գեղեցկությունը[1]։ Ինչպես նաև թույլ է տալիս լուսանկարի մեջ ընդգրկել ավելի շատ քանակությամբ մարդիկ, թույլ է տալիս նաև ստանալ ֆոնային ավելի մեծ պատկեր[2]։
Սովորաբար, ինքնասպասարկման այս ձողը պատրաստված է մետաղից կամ պլաստմասից, ունի հեռուսային կառուցվածք[3]։ Ձողի մի կողմում գրիչ է, որը որ բռնում է լուսանկարվողը իր ձեռքին։ Ձողի վերջում կա հատուկ տեղ նախատեսված հեռախոսի կամ նմանատիպ սարքի համար[4]։
Սելֆիի ձողի որոշ ժամանակակից մոդելներ ունեն Bluetooth նկարահանման հնարավորություն։ Bluetooth նկարահանումը թույլ է տալիս լուսանկարչին վերահսկել հեռախոսը բավականին մեծ հեռավորության դեպքում։
Կան նաև ժամանակակից սելֆիի ձողեր, որոնք հագեցած են հայելիով, որը թույլ է տալիս լուսանկարվողին նախապես տեսնել թե ինչպիսին կլինի լուսանկարը։
Պատմություն[խմբագրել | խմբագրել կոդը]
1983 թվականին վաճառքի դուրս եկավ Minolta Disc-7 տիպի տեսախցիկը, որը հնարավորություն էր տալիս ինքնադիմանակար լուսանկար ստանալ (այդ ժամանակ «սելֆի» տերմինը գոյություն չուներ)։ Դրա հիման վրա ստեղծվեց սելֆի տեսախցիկը[5]։
2005 թվականին Ուելս Ֆրոմը ստեղծել է սելֆիի ձողի նախատիպը, սակայն նրա ստեղծած սարքը արտահանության մեջ այդպես էլ չի դրվել[6]։ 2014 թվականից սկսած սելֆիի ձողը սկսեց համաշխարհային ճանաչում ստանալ, այն արագորեն տարածվեց հատկապես ԱՄՆ-ում։ 2014 թվականին սելֆիի ձողը հայտնվեց 2014 թվականի 25 լավագույն գյուտերի ցանկում։
Արգելքներ[խմբագրել | խմբագրել կոդը]
Մեր օրերում սելֆիի ձողը օգտագործվում է գրեթե ամենուր, ուր կարելի է նկարահանվել։ Սակայն որքան էլ որ զարմանալի է կան վայրեր, որտեղ սելֆիի ձողը խստիվ արգելվում է։ Ահա դրանցից մի քանիսը՝
- 2015 թվականին Անգլիայում սելֆիի ձողը ֆուտբոլային մարզադաշտերում արգելվեց, քանի որ մտածում էին որ այն մարզադաշտում կարող է հանդիսանալ սառը զենք, բացի այդ այն կարող էր խանգարել երկրպագուներին[7][8]։
- Իսկ Ավստրալիայում այն արգելված է թենիսի մրցաշարերի ժամանակ, քանի որ այն կարող էր վնասել խաղը դիտողների, և առաջին հերթին հենց սելֆիի ձող օգտագործողին[9]։
- Սելֆիի ձող օգտագործելը արգելված է նաև Նյու Յորքի որոշ թանգարաններում։ Եղել են դեպքեր երբ սիրահարները սելֆիի ձողով լուսանկարվելիս վնասել են թանգարանային նմուշները, այդ իսկ պատճառով սելֆիի ձողը Նյու Յորքյան որոշ թանգարաններում արգելվում է[10]։
Ծանոթագրություններ[խմբագրել | խմբագրել կոդը]
- ↑ Катерин Росман. The Selfie Stick Takes Manhattan (անգլ.) на сайте nytimes.com, 2 января 2015
- ↑ Карина Маринес-Картер. In Defense of the Selfie Stick (անգլ.) на сайте maphappy.org, 28 октября 2014
- ↑ Майя Кософф. Selfie Sticks Are The New Tool Everyone Is Using To Help Take Pictures Of Themselves (անգլ.) на сайте businessinsider.com, 16 июля 2014
- ↑ Бен Вудс.Kogan CEO pokes fun at Facebook chief with the ‘Zuckerberg Selfie Stick’ (անգլ.) на сайте thenextweb.com, 26 ноября 2013
- ↑ 5 самых необычных аксессуаров для селфи — The Zuckerberg Selfie Stick (ռուս.) на сайте 4pda.ru, 29 мая 2014
- ↑ Патент США № 4 530 580 — Телескопический удлинитель для поддержки компактных камер (անգլ.) на сайте patentimages.storage.googleapis.com, 23 июля 1985
- ↑ Tottenham Hotspur in 'selfie stick' stadium ban (անգլ.) на сайте bbc.com, 7 января 2015
- ↑ Мэтт Барлоу. Arsenal and Tottenham Hotspur ban 'selfie sticks' from grounds after fans' complaints (անգլ.) на сайте dailymail.co.uk, 7 января 2015
- ↑ Саймон Шервуд. Oi, Aussie sports fans! Take that selfie stick and stick it (անգլ.) на сайте theregister.co.uk, 25 января 2015
- ↑ В музеях Нью-Йорка запретили использовать «палки для селфи» (ռուս.) на сайте novate.ru, 6 февраля 2015