Սառցադաշտ, մանկական նկարված մուլտիպլիկացիոն ֆիլմ։ Սովետական մուլտլիպլիկացիայի զարգացման սկզբնական շրջանին վերաբերող քիչ թե շատ տաղանդավոր և ոճապես յուրահատուկ ստեղծագործություններից մեկը[3][4]։
Բուդյունավկայով տղան, փոքրիկ ճեղքից թաքուն նայում է գեղեցկուհի գեղասահորդուհուն, տեսնում է, թե ինչպես բուրժուայի տեսքով հաստլիկը կոպիտ ձևով ստիպում է նրան սահել զույգով։ Անցորդի օգնությամբ անցնելով սահադաշտի բարձր ցանկապատի վրայով՝ տղան շտապում է օգնության և հաստլիկին տապալում գետնին։ Հետապնդման ընթացքում երիտասարդ հերոսը հայտվում է չմշկորդների շարքերում և առաջինն է հասնում վերջնագծին։
Մանկական մուլտիպլիկացիան սկսեց իրեն ցուցաբերել ավելի պայծառ և աչքի ընկնող։ 20-րդ դարում այն ներկայացվել է այնպիսի տաղանդավոր մուլտֆիլմերով, ինչպիսիք են Դ. Չերկեսի «Սահադաշտ» և Ա. Իվանովի «Խավարասեր»-ը, Ն. Խոդատաևայի, Օ. Խոդատաևայի, Վ. և Զ. Բրումբերգի «Սամոյեդ տղան»-ն։ Այս պատկերները իրենց վրա կրում են ոճական ավարտվածության և ինքնատիպության գծեր։ «Սառցադաշտ»-ում արտահայտիչ կերպով փոխանցվում է հերոսների շարժումը՝ նկարված սպիտակ ուրվագծով սև ֆոնի վրա։
- Ս. Վ. Ասենին
Անզուգական և չծերացող, ութրոպեանոց ֆիլմն իր հաջողությամբ առաջին հերթին պարտական է Նիկոլայ Բարտրամի սցենարին. մանրակրկիտ մշակված՝ հաշվի առնելով մուլտիպլիկացիոն արտահայտչականության առանձնահատկությունները։ Թեթև, կարծես սառույցի վրա քերծված գրաֆիկան արված է Իվան Իվանով-Վանոյի և Դանիել Չերկեսի կողմից։