Սառույց (ֆիլմ, 2018)
 ռուս.՝ Лёд | |
|---|---|
.jpg) | |
| Երկիր |  Ռուսաստան |
| Ժանր | ռոմանտիկ դրամա, սպորտային ֆիլմ, music-themed film? և ֆիլմ անչափահասների համար |
| Թվական | փետրվարի 14, 2018, փետրվարի 16, 2018 և փետրվարի 18, 2018 |
| Լեզու | ռուսերեն |
| Ռեժիսոր | Օլեգ Տրոֆիմ |
| Պրոդյուսեր | Ֆեոդոր Բոնդարչուկ, Միխայիլ Վրուբել, Վյաչեսլավ Մուրուգով և Անտոն Բելյաև |
| Սցենարի հեղինակ | Անդրեյ Զոլոտարյով |
| Դերակատարներ | Ալեքսանդր Պետրով, Միլոշ Բիկովիչ, Յան Ցապնի, Քսենյա Ռապոպորտ, Քսենյա Լավրովա-Գլինկա, Պավել Մայկով, Մարիա Արոնովա, Ագլայա Տարասովա, Ֆեոդոր Բոնդարչուկ և Դմիտրի Գուբերնիև |
| Օպերատոր | Միխայել Միլաշան |
| Երաժշտություն | Անտոն Բելյաև |
| Պատմվածքի վայր | Ռուսաստան |
| Կինոընկերություն | Art Pictures Studio, Ռոսիա 1 և ՍՏՍ |
| Տևողություն | 113 րոպե |
| Բյուջե | 150 000 000 ₽ |
| Շահույթ | 1 493 367 664 ₽[1] |
| Հաջորդ | Սառույց 2 |
| Պաշտոնական կայքէջ | |
«Սառույց» (ռուս.՝ Лёд), ռեժիսոր Օլեգ Տրոֆիմի ռուսական երաժշտական, սպորտային, ռոմանտիկ կատակերգական դրամա։ Ֆիլմը պատմում է տաղանդավոր գեղասահորդուհու մասին, որը լուրջ վնասվածք է ստանում գործընկերոջ սխալի պատճառով, և նրա հարաբերությունների մասին սովորական հոկեիստի հետ, որի սերը օգնում է հաղթահարել իրեն[2]։ Գլխավոր դերերում՝ Ագլայա Տարասովա և Ալեքսանդր Պետրով։ Ֆիլմի պրեմիերան Ռուսաստանում կայացել է 2018 թվականի փետրվարի 14-ին[3]։ Հեռուստատեսային պրեմիերան տեղի է ունեցել 2019 թվականի մարտի 8-ին «Ռոսիա-1» ալիքով։
2019 թվականի մարտի 12-ին սկսվել են ֆիլմի շարունակության նկարահանումները, որոնց գործողությունները տեղի է ունեցել Բայկալ լճում։ Ռեժիսորի պաշտոնում հրավիրվել է Ժորա Կրիժովնիկովը[4]։
Սյուժե
[խմբագրել | խմբագրել կոդը]Նադյա Լապշինան, աղջիկ Իրկուտսկից, միշտ երազել է դառնալ գեղասահորդուհի, սակայն ունի կոորդինացիայի և հավասարակշռության խնդիրներ, ինչի պատճառով հայտնի մանկական մարզիչ Իրինա Սերգեևնա Շատալինան, չնայած Նադյայի մոր հավատին և համոզումներին, հրաժարվում է նրան դասավանդել։ Սակայն մայրը, չնայած իր հիվանդությանը, Նադյայի հետ գրքով է պարապում, Բայկալ լճի սառույցի վրա։ Երբ մայրը սրտի կաթվածից մահանում է, Նադյայի բնակարան է տեղափոխվում նրա մորաքույր Մարգոշան։ Մարգոշան բանան է վաճառում, լավ է վերաբերվում իր զարմուհուն և հոգ է տանում նրա մասին, որքան կարող է, սակայն ամբողջովին անտարբեր է Նադյայի հետաքրքրության հանդեպ։ Այնուամենայնիվ, աղջիկը չի հանձնվում և ի վերջո դրսևորում է այնպիսի համառություն, որ Շատալինան որոշում է ընդունել նրան սպորտդպրոց։
Նադյան սկսում է ապրել տեղական մարզահրապարակին կից ինտերնատում և սովորել գեղասահքի հիմունքներն ու նրբությունները։ Սկզբում նրա մոտ ոչինչ չի ստացվում, սակայն նպատակասլացության ու արագ ուսուցման ունակության շնորհիվ մեծ առաջընթաց է ունենում, և Նադյան դառնում է ինտերնատի լավագույն սանը։ Արդյունքում Շատալինան նրան առաջադրում է երկրում անցկացվող մանկական գեղասահքի մրցույթներին մասնակցության։ Մեկ այլ աղջիկ, որը մինչ Նադյայի գալը լավագույնն էր, փորձում է խափանել նրա ելույթը՝ բթացնելով նրա չմուշկները, սակայն Նադյան անհավանական բան է կատարում․ անգամ բութ սայրերով նա բարձրակարգ ելույթ է ունենում։
Տարիներ անց Նադյան մեծանում է և դառնում երկրի ամենահայտնի գեղասահորդուհիներից մեկը։ Շատալինան նրան առաջարկում է բարձրագույն լիգա տեղափոխվել՝ փորձելով Մոսկվայում ստանալ հայտնի գեղասահորդ Վլադիմիր Լեոնովի զույգի տեղը։ Սկզբում Նադյան մերժում է, չցանկանալով լքել սիրելի մարզչին, սակայն Շատալինան, նրա հաջողությունը ցանկանալով, պատմում է, որ մայրը խաբել է նրան՝ ասելով, թե մանկության տարիներին ինքն է առաջինը տեսել նրա տաղանդը, մինչդեռ իրականում նրան վերցրել է միայն նրա նպատակասլացության համար։ Նադյան վշտանում է, սակայն որոշում է ռիսկի դիմել և ի վերջո ստանում է այդ տեղը։ Շուտով Վովայի հետ սկսում են միասին ապրել, և նա նույնիսկ մտադիր է լինում առաջարկություն անել։ Սակայն հերթական ելույթի ժամանակ կատարվում է դժբախտ պատահար՝ չմշակված նետման ընթացքում Վովան թողնում է Նադյային, և ուժեղ ընկնելուց նա ողնաշարի վնասվածք է ստանում, կորցնում քայլելու ունակությունը և դառնում հաշմանդամ։ Դեպրեսիայի պատճառով Նադյան փակվում է իր մեջ և դադարում է շփվել բոլորի հետ։
Մայրաքաղաքում բուժվել չհաջողվելով՝ Նադեժդան վերադառնում է մորաքրոջ և նրա ընկերոջ մոտ՝ արդեն սայլակին գամված։ Շատալինան, գիտակցելով իր նախկին աշակերտուհու ծանր վիճակը, ցանկանում է նրան օգնել։ Այդ ընթացքում տեղական հոկեային թիմում հարձակվող Սաշա Գորինը կռվի մեջ է մտնում թիմակցի հետ, որի ընթացքում պատահաբար հարվածում է Շատալինային, ինչի հետևանքով հեռացվում է խաղից։ Շատալինան նրան առաջարկում է գործարք՝ նա կօգնի Նադյային վերականգնվել, իսկ ինքն իր հերթին նրան կվերադարձնի թիմ։ Սաշան ձևացնում է, թե համաձայնում է, սակայն սկզբում փորձում է խաբել՝ տեսնելով, որ Նադյան ամբողջությամբ կոտրված է և չի հավատում ապաքինմանը։ Շատալինան արագորեն բացահայտում է նրա ձևական վերաբերմունքը, ինչի հետևանքով Սաշան ստիպված է լինում լրջորեն մոտենալ գործին և ամբողջությամբ նվիրվել Նադյայի վերականգնմանը։
Սկզբում Սաշան և Նադյան չեն կարողանում հանդուրժել միմյանց, սակայն Սաշայի անհոգ ու հումորով լի մոտեցումը աստիճանաբար օգնում է նրան վերականգնել Նադյայի հավատը սեփական ուժերի նկատմամբ։ Սկզբում նա կոպիտ կատակներով սթափեցնում է աղջկան, բայց հետո գտնում է ընդհանուր լեզու։ Այս մոտեցումը տալիս է իր արդյունքը․ Նադյայի ոտքերի զգայունակությունը վերականգնվում է, և նա կարողանում է շարժել մատները։ Այնուհետև նրանք անցնում են բուժական վարժություններին․ Սաշան Նադյային տանում է մարզասրահ, որտեղ նա աշխատում է ոտքերի մկանների ատրոֆիայի վրա և նորից սովորում քայլել։ Ժամանակի ընթացքում Նադյան կարողանում է կանգնել, իսկ հետո վերադառնալ սահադաշտ։ Այդ ընթացքում նրանց հարաբերությունները մտերմանում են գրեթե սիրավեպի մակարդակի։ Սաշան խոստովանում է, որ դեռ մանկության տարիներին, մինչև հոկեյով զբաղվելը, նա նույնպես որոշ ժամանակ անցկացրել է գեղասահքի մեջ։ Վերջում Նադյան համոզում է նրան հանդես գալ իր հետ վերադարձի համար նախատեսված ծրագրում՝ հոկեյիստի կերպարով։ Ստացված անսովոր համատեղ համարն ընդունվում է հանդիսատեսի կողմից շատ ջերմությամբ։
Նրանց հաջող համատեղ ելույթից հետո Շատալինայի մոտ է գալիս Վլադիմիրի մարզիչը և համոզում, որ Նադյան կարող է շարունակել հաղթել միայն Լեոնովի հետ։ Իսկ Սաշան հանդերձարանում հանդիպում է Վովային, որը փորձում է համոզել իրեն հեռանալ Նադյայից՝ պնդելով, որ միայն ինքը՝ Վլադիմիրը, կարող է նրան բերել օլիմպիական մեդալի։ Հաջորդ ամբողջ օրը Սաշան անցկացնում է տխուր մտորումների մեջ․ նա գիտակցում է, որ սիրահարվել է Նադյային և ցանկանում է նրա կողքին լինել, սակայն Վովայի խոսքերը խորապես նրան հարվածում են։ Վերջիվերջո, նա հարբում է, գալիս է Նադյայի մոտ և ստում նրան, թե այս ամբողջ ընթացքում օգնել է նրան միայն կարեկցանքից դրդված՝ թողնելով նրան հրաժեշտի նվեր մի մեծ արջուկ, որը շահել էր հրաձգարանում։
Նադյան կրկին միավորվում է Վլադիմիրի հետ, սակայն Շատալինայի ղեկավարությամբ։ Որոշ ժամանակ անց նրանք հանդես են գալիս մեծ մրցույթում, սակայն նույն ճակատագրական «նետման» պահին Նադեժդան կրկին ընկնում է։ Բժիշկը հաստատում է, որ Նադյայի մեջքի հետ այլևս խնդիրներ չկան, և խնդիրը մաքուր հոգեսոմատիկ է։ Նադյան ցանկանում է շարունակել ելույթը, սակայն Վլադիմիրը, չհավատալով հաջողությանը, բարկանում է և ասում, որ իրականում միշտ էլ նրան համարել է չստացված գեղասահորդուհի և հանդես է եկել նրա հետ միայն ժողովրդի շրջանում նրա հայտնիության պատճառով։ Նադյան թողնում է նրան և վերադարձնում է սառույց՝ մենակ ելույթ ունենալու, թեև դա կանոններին հակասում է։ Սաշան, ով դիտում էր մրցույթը հեռուստացույցով, որոշում է չմնալ կողքին և շտապում է Սոչի։ Մուտք գործելով մարզադաշտ, նա վերցնում է հիասթափված Վլադիմիրի համազգեստը և դուրս գալիս սառույց՝ Նադյայի մոտ։ Վերջինս, արցունքների մեջ, պահանջում է ասել, թե ինչու է նա եկել, և Սաշան խոստովանում է իր զգացմունքները։ Դատավորները հրաժարվում են կրկին երաժշտություն միացնել նրանց համար, սակայն Նադյայի քեռին, ով Մարգոշայի հետ նստած էր հանդիսատեսի շարքում, սկսում է երգել, իսկ հետո երգին միանում է ամբողջ դահլիճը։ Դրա տակ Նադյան և Սաշան կատարում են հիասքանչ զույգային համար, որի ընթացքում Նադյան տրիբունայում տեսնում է իր մոր տեսիլքը։
Չնայած այն հանգամանքին, որ նրանք որակազրկված մնացին, Նադյան և Սաշան երջանիկ են, քանի որ հիմա նրանք միասին են թե՛ սառույցի վրա, թե՛ դրանից դուրս։
Դերերում
[խմբագրել | խմբագրել կոդը]- Ագլայա Տարասովա — Նադեժդա Լապշինա, գեղասահորդուհի
- Միլոշ Բիկովիչ — Վլադիմիր Լեոնով, գեղասահորդ, (հնչունավորել է Ռոման Պոլյանսկին[5])
- Ալեքսանդր Պետրով — Ալեքսանդր Գորին, հոկկեյիստ
- Մարիա Արոնովա — Իրինա Շատալինա, մարզիչ
- Քսենյա Ռապոպորոտ —Նադեժդա Լապշինայի մայրը
- Յան Ցապնիկ — Վսևոլոդ Իգորևիչ Շուլժենկո (Սևա), մարզիչ
- Քսենյա Լավրովա Գլինկա — Մարգոշա, մորաքույր
- Պավել Մայկով — Քեռի Գենա, մորաքրոջ ընկեր
- Դիանա Ենակաևա— Նադեժդա Լապշինան մանուկ հասակում
- Իրինա Ստարշենբաում — Ժժենովա, մրցակցուհի
- Ֆյոդոր Բանդարչուկ— թափառաշրջիկ
- Անդրեյ Զոլոտարև— լրագրող
- Դմիտրի Գուբերնիև — «Սառցե գավաթի» սպորտային մեկնաբան
- Մաքսիմ Բլբորոդով — Միտյա Եգորենկո, գեղասահորդ
- Անդրեյ Բալյակին — Անդրեյ Բուրով, հոկեյի մարզիչ
- Ալեքսեյ Լուկին — մարզասրահում գտնվող տղա:
Երաժշտություն
[խմբագրել | խմբագրել կոդը]| No. | Անվանում | Կատարող | Տևողություն |
|---|---|---|---|
| 1. | "Opening" | Ալեքսանդր Շիբարշին | 0:54 |
| 2. | "2 Main Title" | Անտոն Բելյաև | 1:28 |
| 3. | "Прирождённый повар" | Քսենյա Ռապոպորտ | 0:09 |
| 4. | "Nadya's Home" | Անտոն Բելյաև | 0:37 |
| 5. | "Мам, лёд трещит" | Քսենյա Ռապոպորտ | 0:29 |
| 6. | "Death of Mother" | Անտոն Բելյաև | 1:16 |
| 7. | "Звезда моя" | Մարիա Արոնովա | 0:24 |
| 8. | "Tomorrow at 6" | Անտոն Բելյաև | 1:01 |
| 9. | "У нас комиссия" | Մարիա Արոնովա | 0:11 |
| 10. | "Солдат" | Մարիա Արոնովա | 3:36 |
| 11. | "Девочки, всем спасибо" | Յան Ցապնիկ | 0:10 |
| 12. | "Стыцамен" | ԱՆտոն Բելյաև | 3:14 |
| 13. | "Что с нами будет?" | Միլոշ Բիկովիչ | 0:07 |
| 14. | "I'll Be with You" | Անտոն Բելյաև | 0:45 |
| 15. | "Дамы и господа" | Ալեքսանդր Շիբարշին | 0:11 |
| 16. | "Power" | Անտոն Բելյաև | 3:25 |
| 17. | "Кто там?" | Ալեքսանդր Պետրով | 0:23 |
| 18. | "Sasha's Therapy" | Անտոն Բելյաև | 3:32 |
| 19. | "Да ты просто ссышь!" | Ալեքսանդր Պետրով | 0:21 |
| 20. | "Fallen" | Անտոն Բելյաև | 0:31 |
| 21. | "Я чувствую силу" | Ալեքսանդր Պետրով | 0:17 |
| 22. | "Miracle" | Անտոն Բելյաև | 0:24 |
| 23. | "Саш, ты то как?" | Ալեքսանդր Պետրով | 0:20 |
| 24. | "Don't Leave" | Անտոն Բելյաև | 0:26 |
| 25. | "Слышишь?" | Ալեքսանդր Պետրով | 0:14 |
| 26. | "Sasha and Nadya" | Անտոն Բելյաև | 0:34 |
| 27. | "Ничего себе" | Ալեքսանդր Պետրով | 0:16 |
| 28. | "Leave If You Love" | Անտոն Բելյաև | 1:40 |
| 29. | "Отпусти меня" | Ալեքսանդր Պետրով | 0:14 |
| 30. | "Sasha Leaves" | Անտոն Բելյաև | 1:43 |
| 31. | "Лосины снимай" | Ալեքսանդր Պետրով | 0:04 |
| 32. | "Sasha's Back" | Անտոն Բելյաև | 1:07 |
| 33. | "Лететь" | Անտոն Բելյաև | 3:04 |
| 34. | "Final" | Անտոն Բելյաև | 3:33 |
| 35. | "Main Theme" | Անտոն Բելյաև | 1:45 |
Ծանոթագրություններ
[խմբագրել | խմբագրել կոդը]- ↑ http://www.kinometro.ru/release/card/id/25766
- ↑ «Лёд, 2016». Արխիվացված է օրիգինալից 2018-01-04-ին. Վերցված է 2018-09-19-ին.
- ↑ В сети появился трейлер фильма Федора Бондарчука «Лед», который снимали на Байкале
- ↑ «Продолжение фильма «Лёд» снимет режиссер Жора Крыжовников». Արխիվացված օրիգինալից 2022 թ․ փետրվարի 11-ին. Վերցված է 2019 թ․ մարտի 15-ին.
- ↑ Олег Трофим: Пример для меня — Фёдор Бондарчук
Արտաքին հղումներ
[խմբագրել | խմբագրել կոդը]- Деменцова Э. В. (2018 թ․ փետրվարի 14). «Рецензия: «Лед» с Аглаей Тарасовой и Александром Петровым». The Hollywood Reporter. Վերցված է 2018 թ․ փետրվարի 23-ին.
- Иванов Б. А. (2018 թ․ փետրվարի 9). «Байкал слезам не верит». Film.ru. Վերցված է 2018 թ․ փետրվարի 23-ին.
- Маслова Л. С. (2018 թ․ փետրվարի 16). ««Лед» — это русская «Форма воды», которой не хватает только Лепса». GQ. Վերցված է 2018 թ․ փետրվարի 23-ին.
- Степанов В. Е. (2018 թ․ փետրվարի 12). ««Лед»: Дальше — тоньше, пожалуйста». Сеанс. Վերցված է 2018 թ․ փետրվարի 23-ին.
- Сухагузов, Максим (2018 թ․ փետրվարի 12). ««Лед»: фильм-мюзикл под песни Земфиры, Дорна, Цоя и других». Афиша. Վերցված է 2018 թ․ փետրվարի 23-ին.
| ||||||
