Սամյան դպրոց

Սամյան դպրոց
Տեսակ	դպրոց
Հիմնադրված է	1831
Լուծարված է	1853
Աշակերտներ	80
Երկիր	Իրան
Տեղագրություն	Նոր Ջուղա

Սամյան դպրոց, հիմնադրվել է 1831 թվականին՝ Նոր Ջուղայի Սուրբ Ստեփանոս եկեղեցուն կից, առաջնորդ Կարապետ եպիսկոպոս Ջուղայեցու ջանքերով, սկզբնապես կոչվել է «Ամենափրկչյան ճեմարան», 1833 թվականից շարունակել է գործել մադրասաբնակ Գրիգոր Սամյանի բարերարությամբ և վերանվանվել նրա անունով։ 1831 թվականին և 1834-1836 թվականներին դպրոցում ուսուցչություն է արել Մեսրոպ Թաղիադյանը։ 1837 թվականին փակվել է, սակայն 1840 թվականին վերաբացվել է և շարունակել իր գոյությունը մինչև 1853 թվականը, երբ Սամյան առևտրական տունը սնանկացել է։

Աշակերտների թիվը եղել է մոտ 80։ Հիմնական առարկաներն էին՝ հայոց լեզու, թվաբանություն, վայեյչագրություն։ Ոաուցանել են նաև աշխարհագրություն, անգլերեն և պարսկերեն։ Տարբեր տարիներ դպրոցում դասավանդել են Գևորգ վարդապետ Տեր-Հովսեփյանը, Ավետիս Տեր-Ղազարյանը, Ստեփանոս Հարությունյանը, Կարապետ Զոհրաբյանը, Հովսեփ Տեր-Գրիգորյանը և ուրիշներ։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։