Սահան Պրադհան

	Սահան Պրադհան
Կուսակցություն՝	Նեպալի կոմունիստական կուսակցություն և Nepal Communist Party?
Մասնագիտություն՝	քաղաքական գործիչ և դիվանագետ
Ծննդյան օր	հունիսի 11, 1927
Ծննդավայր	Կատմանդու, Նեպալ
Վախճանի օր	սեպտեմբերի 22, 2014 (87 տարեկան)
Վախճանի վայր	Կատմանդու, Նեպալ
Քաղաքացիություն	Նեպալ
Ամուսին	Pushpa Lal Shrestha?

Սահան Պրադհան (նեպալ.՝ सहाना प्रधान, հունիսի 11, 1927(1927-06-11), Կատմանդու, Նեպալ - սեպտեմբերի 22, 2014(2014-09-22), Կատմանդու, Նեպալ), նեպալցի պետական գործիչ, կոմունիստական կուսակցության նշանավոր առաջնորդներից մեկը, Գիրիջա Պրասադ Կոյիրալայի կոալիցիոն կառավարությունում եղել է Նեպալի արտաքին գործերի նախարար (2007-2008)։

Կենսագրություն

Սահան Պրադհանը ծնվել է 1927 թվականի հունիսի 11-ին, Կատմանդուում։ 1938 թվականին նրա ընտանիքը գաղթել է Բիրմա, որտեղ Սահանը անցկացրել է իր պատանեկությունը։ 1945 թվականին վերադարձել է Նեպալ, 1950-ական թվականներին աշխատել է տարրական և միջնակարգ դպրոցներում որպես ուսուցիչ։ 1953 թվականին Հնդկաստանի Պատնայի համալսարանում ստացել է բակալավրի աստիճան, 1961 թվականին՝ Նեպալի Տրիբխուվանի համալսարանում տնտեսության մագիստրոսի աստիճան։ 1964-1973 թվականներին դասավանդել է Տրիբխուվանի համալսարանի Պադմա Կանյա քոլեջում, 1973-1975 թվականներին՝ համալսարանում։ Այդ շրջանում ակտիվ պայքարել է ժողովրդավարության և կանանց իրավունքների համար։

Ամուսնացած է եղել Նեպալի կոմունիստական կուսակցության առաջնորդ և այդ կուսակցության գլխավոր գործիչներից մեկի՝ Պուպշա Լալա Շրեստհայի հետ (քաղբյուրոյի անդամ 1978 թվականից)։ Իր քաղաքական գործունեության ընթացքում մի քանի ամիս անցկացրել է բանտում։ 1986 թվականին դարձել է կուսակցության առաջնորդ։ Նրա պառակտումից հետո՝ 1997-2001 թվականներին, եղել է Նեպալի կոմունիստական կուսակցության (մաքսիստ-լենինյան) նախագահ և այդ պաշտոնը զբաղեցրել մինչև 2002 թվականի նեպալցի կոմունիստների միավորումը։

1990-ական թվականներին բազմիցս մտել է Նեպալի կառավարության կազմի մեջ՝

1990-1991 թվականներին եղել է արդյունաբերության և առևտրի նախարար,
1996-1997 թվականներին եղել է անտառապահության և հողերի պահպանության նախարար,
1997-1998 թվականներին եղել է կանանց և սոցիալական ապահովության հարցերով նախարար,
2007-2008 թվականներին եղել է արտաքին գործերի նախարար։

Պրադհանի քույր Սադհան Ադիկարին եղել է կոմունիստական շարժման առաջնորդներից մեկը։

Սահան Պրադհանը մահացել է 2014 թվականի սեպտեմբերի 22-ին 87 տարեկան հասակում՝ Կատմանդուում^[1]։

Ծանոթագրություններ

↑ «Senior communist figure Sahana Pradhan no more». europenepal. Արխիվացված է օրիգինալից 2014 թ․ հոկտեմբերի 15-ին. Վերցված է 2014 թ․ սեպտեմբերի 23-ին.

Աղբյուրներ

[1] «Senior communist figure Sahana Pradhan no more». europenepal. Արխիվացված է օրիգինալից 2014 թ․ հոկտեմբերի 15-ին. Վերցված է 2014 թ․ սեպտեմբերի 23-ին.

[1]