Սահակ Պրոնյան
| Սահակ Պրոնյան | |
|---|---|
| Ծնվել է | հուլիսի 30, 1749 |
| Ծննդավայր | Հալեպ |
| Մահացել է | ապրիլի 13, 1806 (56 տարեկան) |
| Մահվան վայր | Տրիեստ, Ավստրիական կայսրություն |
| Մասնագիտություն | մանկավարժ |
Սահակ Պրոնյան (Պարոնյան) (հուլիսի 30, 1749, Հալեպ - ապրիլի 13, 1806, Տրիեստ, Ավստրիական կայսրություն), հայ կրթական և եկեղեցական գործիչ, մանկավարժ, Մխիթարյան միաբանության անդամ[1]։
Պրոնյանը հեղինակ է «Երկրաչափություն» (1794) և «Եռանկյունաչափություն» (1810) հայերեն տպագիր առաջին ուսումնական ձեռնարկների, դրանք կազմված են ժամանակի եվրոպական լավագույն ձեռնարկների հիման վրա, գրված են գրաբարով և նախատեսված են սկսնակների, ինչպես նաև ինքնուսուցման համար։ «Երկրաչափության», «Առաջաբան ճառում» Պրոնյանը քննարկում է մաթեմատիկայի գիտապատմական և մեթոդական-մանկավարժական հարցեր․ Պրոնյանը կողմնակից է երկրաչափության այնպիսի շարադրանքի, որը տառացիորեն չի հետևում Էվկլիդեսին։ Ձեռնարկում շարադրված են երկրաչափության տեսական և գործնական հարցեր, վերջում բերված է օգտագործված մաթեմատիկական տերմինների ցուցակ-բառարան (լատիներեն, երբեմն արաբերեն, և թուրքերեն համարժեքներով)։ «Եռանկյունաչափություն»-ը կազմված է երկու մասից, ուր շարադրված են հարթ և գնդային եռանկյունաչափության տեսական և գործնական հարցեր։ Պրոնյանը հայերեն մաթեմատիկական բազմաթիվ տերմինների հեղինակն է։
Ծանոթագրություններ[խմբագրել | խմբագրել կոդը]
- ↑ «AV Production - Սահակ Պրոնյան». avproduction.am. Արխիվացված է օրիգինալից 2021 թ․ հոկտեմբերի 26-ին. Վերցված է 2020 թ․ հուլիսի 30-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 443)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |