Ռուբեն Քոչարյան
Ռուբեն Քոչարյան | |
|---|---|
 | |
| Ի ծնե | Ռուբեն Օնիկի Քոչարյան |
| Ծնվել է | 1940 |
| Ծննդավայր | Երևան, Հայկական ԽՍՀ, ԽՍՀՄ |
| Վախճանվել է | նոյեմբերի 29, 2019 |
| Մահվան վայր | ԱՄՆ |
| Ազգություն | հայ |
| Քաղաքացիություն |  ԽՍՀՄ և  ԱՄՆ |
| Կրթություն | Փանոս Թերլեմեզյանի անվան գեղարվեստի պետական քոլեջ և Երևանի պետական գեղարվեստա-թատերական ինստիտուտ |
| Մասնագիտություն | նկարիչ |
Ռուբեն Օնիկի Քոչարյան (1940, Երևան, Հայկական ԽՍՀ, ԽՍՀՄ - նոյեմբերի 29, 2019, ԱՄՆ), հայ գրաֆիկ։
Կենսագրություն
[խմբագրել | խմբագրել կոդը]Ռուբեն Քոչարյանը ծնվել է 1940 թվականին, Երևանում։ 1946 թվականին նրա ընտանիքն աքսորվել է Սիբիր։ Նկարչություն սովորել է խորհրդային գեղանկարիչ Իվան Պավլովի օրոք։ 1953 թվականին նրա ընտանիքին թույլ են տվել վերադառնալ Երևան, որտեղ Քոչարյանն ընդունվել է Փանոս Թերլեմեզյանի անվան գեղարվեստի ուսումնարան և սովորել հայ անվանի նկարիչների մոտ։ 1955 թվականին ընդունվել է Մոսկվայի գեղարվեստի դպրոց և հնարավորություն ստացել ուսումնասիրելու Պուշկինի թանգարանի հնագույն վարպետների աշխատանքները։ 1959 թվականին վերադարձել է Երևան, որտեղ համագործակցել է հայտնի նկարիչների հետ։ 1968 թվականին ավարտել է Երևանի գեղարվեստա-թատերական ինստիտուտը։ 1967 թվականից մասնակցել է ցուցահանդեսների։ Նույն թվականին Երևանում կազմակերպվել է նրա առաջին անհատական ցուցահանդեսը։ 1962 թվականից զբաղվել է մանկավարժությամբ[1]։ 1974 թվականին Քոչարյանը գաղթել է Միացյալ Նահանգներ և իր ստուդիան է հիմնել Նյու Յորքի Մեդիսոն Ավենյուում[2]։ 1980-1982 թվականներին, հավաքորդի պատվերով, աշատանքների շարք է ստեղծել Հունաստանում։ 1986 թվականին տեղափոխվել է Կալիֆոռնիա, հաստատվել Լոս Անջելեսում և ներկայացվել Heritage Gallery ցուցասրահում։ Քոչարյանի աշխատանքներից գտնվում են Ռուսաստանի և ԱՄՆ-ի թանգարաններում[3] և մասնավոր հավաքածուներում[4]։
Մահացել է ԱՄՆ-ում, 2019 թվականի նոյեմբերի 29-ին։
Ստեղծագործություններ
[խմբագրել | խմբագրել կոդը]- «Անանիա Շիրակացի»
- «Արգիշտիի մուտքը Թեյշեբանիի տաճարը»
- «Ուսանողուհու դիմանկար»
- «Էմման»
- Հայկ Ավատար»
- «Աստղիկ աստվածուհու ցայտաղբյուրները»[5]
Ծանոթագրություններ
[խմբագրել | խմբագրել կոդը]- ↑ Դանիել Դզնունի, Հայ կերպարվեստագետներ, համառոտ բառարան
- ↑ «Artist Rising - Original Artwork and High-Quality Art Prints by Living Artists». web.archive.org. 2014 թ․ հունվարի 6. Արխիվացված է օրիգինալից 2014 թ․ հունվարի 6-ին. Վերցված է 2019 թ․ դեկտեմբերի 1-ին.
- ↑ «Art of Rubik Kocharian». PeopleOfAr (ամերիկյան անգլերեն). 2012 թ․ հոկտեմբերի 20. Վերցված է 2019 թ․ դեկտեմբերի 1-ին.
- ↑ «The Creations of Artist Rubik Kocharyan | Art-A-Tsolum» (ամերիկյան անգլերեն). Վերցված է 2019 թ․ դեկտեմբերի 1-ին.
- ↑ «Paintings by Rubik Kocharian». rkocharian.blogspot.com (անգլերեն). Վերցված է 2019 թ․ դեկտեմբերի 1-ին.
- 1940 ծնունդներ
- Երևան քաղաքում ծնվածներ
- Նոյեմբերի 29 մահեր
- 2019 մահեր
- ԱՄՆ-ում մահացածներ
- Փանոս Թերլեմեզյանի անվան գեղարվեստի պետական քոլեջի շրջանավարտներ
- Երևանի պետական գեղարվեստաթատերական ինստիտուտի շրջանավարտներ
- Անձինք այբբենական կարգով
- Նկարիչներ այբբենական կարգով
- Հայ նկարիչներ
- Հայ գրաֆիկներ
- Երևանի գեղարվեստի պետական ակադեմիայի շրջանավարտներ
- Խորհրդային նկարիչներ