Ռուբեն Մանուկյան
Անվան այլ կիրառումների համար տե՛ս՝ Ռուբեն Մանուկյան (այլ կիրառումներ)
| Ռուբեն Խաչատուրի Մանուկյան | ||
|---|---|---|
 | ||
| Անձնական տեղեկություն | ||
| Սեռ՝ | արական | |
| Մասնագիտացում՝ | մարզիկ | |
| Երկիր՝ |  ԽՍՀՄ | |
| Ծննդյան ամսաթիվ՝ | 1906 դեկտեմբերի 26 | |
| Ծննդավայր՝ | Կամարիս, Երևանի գավառ, Երևանի նահանգ, Կովկասի փոխարքայություն, Ռուսական կայսրություն | |
| Մահվան ամսաթիվ՝ | օգոստոսի 24, 1978 (71 տարեկան) | |
| Մահվան վայր՝ | Երևան, Հայկական ԽՍՀ, ԽՍՀՄ | |
Պարգևներ    | ||
Ռուբեն Խաչատուրի Մանուկյան (դեկտեմբերի 26, 1906, Կամարիս, Երևանի գավառ, Երևանի նահանգ, Կովկասի փոխարքայություն, Ռուսական կայսրություն - օգոստոսի 24, 1978, Երևան, Հայկական ԽՍՀ, ԽՍՀՄ), հայ մարզիկ, ծանրորդ, ԽՍՀՄ սպորտի վաստակավոր վարպետ (1942 թվական), աշխարհի և ԽՍՀՄ ռեկորդակիր (1937 թվականին ձախ ձեռքով պոկում վարժությունից)։
Եղել է ծանրամարտի հանրապետական ֆեդերացիայի անդամ, համամիութենական կարգի մրցավար։
Մարզական նվաճումներ[խմբագրել | խմբագրել կոդը]
1935 թվականին՝ ծանրամարտի ԽՍՀՄ 12-րդ առաջնությունում կիսածանր քաշային Ռուբեն Մանուկյանը ձախ ձեռքով բարձրացրել է 86,6 կգ՝ 1,1 կիլոգրամով գերազանցելով տասը տարի շարունակ Յա. Սպարեին պատկանած համամիութենական ռեկորդը։ Վերջինս, որ ԽՍՀՄ-ում ծանրամարտ մարզաձևի առաջամարտիկներից էր, երկրի 11-ակի չեմպիոն, ցանկություն է հայտնել մարզելու Ռուբենին։ 1936 թվականին դեկտեմբերի 29-ին Ռուբենը բարելավել է ցուցանիշը, թարմացրել իր իսկ սահմանած ռեկորդը՝ հասցնելով 88,2 կիլոգրամի։
Նա իր առջև խնդիր է դրել սահմանել համաշխարհային ռեկորդ, գերազանցել գերմանացի ծանրամարտիկ, Հիտլերի և շատ ու շատ եվրոպացիների սիրելի մարզիկ Անտոն Հիթլի՝ դեռևս 1933 թվականին սահմանած ռեկորդը։ 1937 թվականի հունվարի 24-ին մերձմոսկովյան Պոդոլսկ քաղաքի մարզադահլիճում առաջին իսկ փորձից ձախ ձեռքով պոկել է 90,8 կգ և 0,8 կիլոգրամով գերազանցել Հիթլին (ի դեպ՝ մարզական այդ սխրանքի համար նա նվեր է ստացել Հառլեյ Դևիդսոն մակնիշի մոտոցիկլետ, որը միակն էր ոչ միայն Հայաստանում, այլև ամբողջ Խորհրդային Միությունում)։
1940 թվականին Ռուբենն իր իսկ ռեկորդը գերազանցել է գրեթե 6 կիլոգրամով։
1935-ից 1948 թվականների միջակայքում Ռուբեն Մանուկյանը ընդհանուր առմամբ սահմանել է 13 ռեկորդ, որոնցից ութը՝ համաշխարհային։ Ընդ որում՝ կիսածանր քաշային կարգում ձախ ձեռքով պոկում վարժությունում նրա սահմանած վերջին ռեկորդը՝ 96,6 կգ, մնացել է չգերազանցված և հավիտյան պատկանելու է նրան, քանի որ ծանրամարտի այդ վարժությունը հետագայում հանվել է ծանրորդների մրցումային ծրագրից՝ նկատի առնելով վնասվածք պատճառելու տեսակետից դրա վտանգավորության բարձր աստիճանը։
Պատկերասրահ[խմբագրել | խմբագրել կոդը]
Որդու՝ Ռոբերտի հետ
Իվան Պոդդուբնու հետ
Հանրապետության հրապարակում
Աշխարհի չեմպիոն, ծանրամարտիկ Գրիգորի Նովակի հետ
Արտաքին հղումներ[խմբագրել | խմբագրել կոդը]
- «Ով ով է. հայեր». կենսագրական հանրագիտարան (հայերեն). «Հայաստան» հրատարակչություն, 2-րդ հատոր, էջ 45, 2007 г. Երևան.
- Джамалян Л. Г. «Спортсмены Армении на международной арене» (на русском языке). Изд-во «Луйс», Ереван, 1987 г. стр. 123.
- Оганян П. М. «Рыцари железной игры» (на армянском языке). Изд-во «Айастан» Ереван, 1983 г. стр. 42-66.
- Черневич Г.Л «50 лет Динамо» (на русском языке). Изд-во «Физкультура и спорт», Москва, 1973 г. стр. 302.
- Карапетян Г. М. "Все золото мира (на рус. и арм. языках). Изд-во «Айастан», Ереван, 1987 г. стр. 46—47 (на армянском языке) и 1989 г. стр. 40—44 (на русском языке).
- Чарчоглян А. Е. «Физкультура и спорт в Армянской ССР» (на армянском языке). Арм. госуд. изд-во, Ереван, 1961 г., стр. 80,81.
- Черневич Г. Л. и Школьников Е. А. «Динамо энциклопедия». - Москва, ОЛМА-ПРЕСС, 2003 г. стр. 279
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 254)։ 
|