Ռիխտերի փղիկ

Վիքիպեդիայից՝ ազատ հանրագիտարանից
Jump to navigation Jump to search
Ռիխտերի փղիկ
Գիտական դասակարգում
Թագավորություն Կենդանիներ
Բաժին Միջատներ
Ընտանիք Երկարակնճիթներ
Տեսակ Ռիխտերի փղիկ
Լատիներեն անվանում
Cyclobaris richteri


Ռիխտերի փղիկ (լատ.՝ Cyclobaris richteri), փղիկների կամ երկարակնճիթների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

Թույլ փայլով, բարակ բաց գույնի մազիկներով և կարմրագորշագույն մարմնով, 5-7 մմ երկարությամբ միջին չափի բզեզ է: Կնճիթը կարճ է և լայն, իսկ վերնաթևերը՝ լայն ձվաձև[1]:

Տարածվածություն[խմբագրել | խմբագրել կոդը]

Համարվում է Հայաստանի էնդեմիկ միջատ: Հայտնի է միայն Նուբարաշեն ավանի շրջակայքից (Երևան քաղաքի հարավարևելյան ծայրամաս)[1]:

Էկոլոգիա[խմբագրել | խմբագրել կոդը]

Ապրում է կարմիր ավազներով անապատներում, հանդիպում՝ վաղ գարնանը՝ մարտին և ապրիլի սկզբին քարերի տակ[1]:

Կենսաբանական առանձնահատկություններն անհայտ են:

Պահպանություն[խմբագրել | խմբագրել կոդը]

Սահմանափակ արեալով հազվագյուտ տեսակ է: Բնության պահպանության միջազգային միության Կարմիր ցուցակի չափորոշիչներով գնահատվում է որպես կրիտիկական վիճակում գտնվող տեսակ:

Հանդիպում են ծայրահեղ հազվադեպ և հայտնի են եզակի առանձնյակներ:

Սպառնացող վտանգներից են քաղաքակենտրոնացումը և հողերի գյուղատնտեսական յուրացումը:

Պահպանության միջոցառումներ չեն իրականացվում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6