Ջորջիանա Մոլոյ

Ջորջիանա Մոլոյ;
Ծնվել է	մայիսի 23, 1805
Ծննդավայր	Կամբերլենդ, Անգլիա, Մեծ Բրիտանիայի և Իռլանդիայի միացյալ թագավորություն
Մահացել է	ապրիլի 8, 1843 (37 տարեկան)
Մահվան վայր	Բասսելտոն
Քաղաքացիություն	Colony of Western Australia և Մեծ Բրիտանիայի և Իռլանդիայի միացյալ թագավորություն
Մայրենի լեզու	անգլերեն
Մասնագիտություն	բուսաբան և botanical collector
Ամուսին	John Molloy?
Ծնողներ	հայր՝ David Kennedy?
Երեխաներ	Amelia Georgiana Molloy?, Sabina Dunlop Molloy? և Mary Dorothea Molloy?
	Georgiana Molloy Վիքիպահեստում

Ջորջիանա Մոլոյ, ի ծնե՝ Քենեդի (անգլ.՝ Georgiana Molloy, մայիսի 23, 1805(1805-05-23)^[1], Կամբերլենդ, Անգլիա, Մեծ Բրիտանիայի և Իռլանդիայի միացյալ թագավորություն - ապրիլի 8, 1843(1843-04-08)^[1], Բասսելտոն), սիրողական բուսաբան, բույսեր հավաքող։

Կենսագրություն[խմբագրել | խմբագրել կոդը]

Ջորջիանա Քենեդին ծնվել է 1805 թվականի մայիսի 23-ին Կարլայլում՝ Քեմբերլենդ կոմսությունում^[2]։ Ընտանիքում կար հինգ երեխա։ Ջորջիանան այդ ժամանակվա աղջիկներին համար բնորոշ կրթություն է ստացել․ նա գաղափար ուներ գրականությունից, զբաղվում էր երաժշտությամբ, կարող էր նկարել, ասեղնագործել։ Բուսաբանություն չի սովորել, բայց սիրում էր բույսերը^[3]։

1829 թվականին Ջորջիանան ամուսնացել է կապիտան Ջոն Մոլոյի հետ, որը Օքսֆորդի համալսարանի շրջանավարտ էր և նապոլեոնյան պատերազմների վետերան, 24 տարի մեծ էր աղջկանից։ Ամուսնության կնքումից հետո ամուսնական զույգը արտագաղթել է Ավստրալիա, որտեղ Մալոյը պատրաստվում էր նոր կյանք սկսել որպես ֆերմեր։ Նրանք հաստատվել են Օգաստում՝ Բլեքվուդ գետի ակունքի մոտ։ Հաջորդող հինգ տարիների ընթացքում Ջորջիանան լույս աշխարհ է բերել 5 երեխա^[4]։ Տեղացիների կյանքի պայմանները ծանր էին․ Ջորջիանայի ավագ դուստրը մահացել է ծննդաբերության ժամանակ, տղաներից մեկը՝ մեկ տարի վեց ամսական հասակում^[2]։

Ջորջիանայի համար որպես սրտի մխիթարանք էր ծառայում նրա հին սիրած զբաղմունքը՝ ծաղիկների աճեցումը։ Նա իր հետ բերել էր եվրոպական բույսերի սերմեր, բայց շուտով սկսել է հետաքրքրվել տեղի բուսկան աշխարհի ուսումնասիրությամբ։ 1836 թվականին նրան գրել է բրիտանացի սիրողական բուսաբան Ջեյմս Մենգլսը, որը նրան խնդրել է իրեն ուղարկել ավստարլական բույսերի սերմեր^[2]։ Ջորջիանան հավաքել և ուղարկել է սերմեր և չորացված նմուշներ․ չիմանալով բույսերի անունները՝ նա դրանց կցել է նմուշներ՝ մանրամասն նկարագրությամբ։ Այսպես սկսվել է նրա և Մենգլսի նամակագրությունը, որը ապահովել է նրան ուղեցույցներով և անհրաժեշտ նյութերով, իսկ Ջորջիանան ուղարկել է նրան սերմեր և չորացված բույսեր, որոնք Մենգելսը իր հերթին փոխանցում էր բուսաբաններին և բուսաբանական այգիներին։ Ջորջիանայի ուղարկած բույսերից շատերը մինչ այդ ծանոթ չին բրիտանացի բուսաբաններին, բացի այդ, նա շատ մանրամասնորեն և զգուշորեն էր փաթեթավորում ուղարկվող նմուշները, նաև կցում էր դրանց մանրամասն նկարագրությունները^[4]։

1836 թվականին Օգաստեի շատ բնակիչներ սկսում են լքել այն՝ որոնելով ապրելու համար առավել նպաստավոր վայրեր։ 1839 թվականին հեռանում են նաև Մալոյները՝ տեղափոխվելով հարյուրավոր կիլոմետրեր դեպի հյուսիս^[2]։ Ջորջիանան ծանր էր տանում Օգաստեում գտնվող իր առաջին այգու հետ բաժանումը, բայց շուտով ստեղծում է երկրորդը՝ հայտնի դառնալով շրջակայքում և գրավելով բուսաբանների ուշադրությունը։ Նրան այցելել են մասնավորապես Ջեյմս Դրամոնդը՝ իռլանդիայի բուսաբանական այգու տնօրենը և գերմանացի բուսաբան Լյուդվիգ Փրայսը՝ Արևմտյան Ավստրալիա իր բուսաբանական արշավի ժամանակ։ Նա Մոլոյների մոտ հյուրընկալել է մի ամիս՝ այդ ընթացքում հարստացնելով իր հավաքածուն։ Ջորջիանա Մոլոյի անունը իրենց աշխատություններում հիշատակել այդ ժամանակների շատ բուսաբաններ, այդ թվում՝ Ջորջ Բենտամը իր «Flora Australiensis»-ում^[4]։

Ջորջիանա Մոլոյը մահացել է 1843 թվականի ապրիլի 8-ին՝ վեցերորդ երեխայի ծնվելուց որոշ ժամանակ անց^[4]։ Նրա պատվին է կոչվել բույսերի Boronia molloyae տեսակը^[4]։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Lundy D. R. The Peerage
↑ ^2,0 ^2,1 ^2,2 ^2,3 Australian Dictionary of Biography, 1967
↑ Ladies in the Laboratory III, 2010, էջ 38
↑ ^4,0 ^4,1 ^4,2 ^4,3 ^4,4 Ladies in the Laboratory III, 2010, էջ 39

Գրականություն[խմբագրել | խմբագրել կոդը]

Bernice Barry Georgiana Molloy: The Mind That Shines. — Picador Australia, 2016. — 352 p.
Mary R. S. Creese, Thomas M. Creese Ladies in the Laboratory III: South African, Australian, New Zealand, and Canadian Women in Science: Nineteenth and Early Twentieth Centuries. — Scarecrow Press, 2010. — P. 38—41.
Alexandra Hasluck Georgiana Molloy: Portrait with Background. — Fremantle Press, 2017. — 352 p.
Alexandra Hasluck Molloy, Georgiana (1805–1843) // Australian Dictionary of Biography. — 1967. — Vol. 2.

Վիքիպահեստն ունի նյութեր, որոնք վերաբերում են «Ջորջիանա Մոլոյ» հոդվածին։

[_b4939df56062751e-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Lundy D. R. The Peerage

[Australian_Dictionary_of_Biography—1967——-2] 2,0 ^2,1 ^2,2 ^2,3 Australian Dictionary of Biography, 1967

[Ladies_in_the_Laboratory_III—2010——38-3] Ladies in the Laboratory III, 2010, էջ 38

[Ladies_in_the_Laboratory_III—2010——39-4] 4,0 ^4,1 ^4,2 ^4,3 ^4,4 Ladies in the Laboratory III, 2010, էջ 39

[1]

[2]

[3]

[4]