Ջերգիզ Ժամհարյան

Վիքիպեդիայում կան հոդվածներ Ժամհարյան ազգանունով այլ մարդկանց մասին։

Ջերգիզ Ժամհարյան
Ծնվել է	սեպտեմբերի 7, 1903(1903-09-07)
Ծննդավայր	Բաղեշ, Բիթլիսի վիլայեթ, Օսմանյան կայսրություն
Մահացել է	սեպտեմբերի 22, 1984(1984-09-22) (81 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	Երևանի պետական համալսարան (1925) և Մոսկվայի Գերասիմովի անվան կինեմատոգրաֆիայի ինստիտուտ (1930)
Քաղաքացիություն	ԽՍՀՄ
Մասնագիտացում	կինոռեժիսոր և սցենարիստ
Պարգևներ

Ջերգիզ Խաչիկի Ժամհարյան (սեպտեմբերի 7, 1903(1903-09-07), Բաղեշ, Բիթլիսի վիլայեթ, Օսմանյան կայսրություն - սեպտեմբերի 22, 1984(1984-09-22), Երևան, Հայկական ԽՍՀ, ԽՍՀՄ), խորհրդային հայ ռեժիսոր, սցենարիստ, ՀԽՍՀ վաստակավոր արտիստ (1940)։

Կենսագրություն

Ջերգիզ Ժամհարյանը ծնվել է 1903 թվականին Բիթլիսում։ 1915 թվականին փրկվելով եղեռնից՝ փախել է Երևան։ 1922-1925 թվականներին սովորել է ԵՊՀ իրավաբանական ֆակուլտետում։ 1928 թվականից սկսում է աշխատել Հայֆիլմում որպես բեմադրիչ-ռեժիսոր։ 1930 թվականին ավարտում է ՎԳԻԿ-ի ռեժիսուրայի ֆակուլտետը։ 1936-1950 թվականներին աշխատում է Լենինականի (այժմ՝ Գյումրի), Կիրովականի (այժմ՝ Վանաձոր) դրամատիկական թատրոններում որպես ռեժիսոր։ 1950 թվականից եղել է Հայաստանի վավերագրական ֆիլմերի ստուդիայի ռեժիսոր։

Ֆիլմագրություն

Ռեժիսոր

Տարեթիվ	Ֆիլմ
1970	Էջմիածին
1969	Հանդիպում հայրենիքի հետ
1964	Իմ Հայաստանը
1956	Չարբախ գյուղի կոլխոզում
1954	Կուսակցության կոչով
1934	Երբ ծաղկում են այգիները
1933	Ավտոդոր
1932	Դեղաբույսեր
1930	Այղր լիճ
1930	Ո՞վ է մեղավոր

Սցենարիստ

Տարեթիվ	Ֆիլմ
1930	Ո՞վ է մեղավոր