Ջեյմս Ալլեն
Ջեյմս Ալլեն | |
---|---|
Ծնվել է | նոյեմբերի 28, 1864[1] |
Ծննդավայր | Լեսթեր, Անգլիա, Մեծ Բրիտանիայի և Իռլանդիայի միացյալ թագավորություն |
Վախճանվել է | հունվարի 24, 1912[1] (47 տարեկան) |
Վախճանի վայր | Իլֆրակոմբ, Միացյալ Թագավորություն |
Մասնագիտություն | գրող |
Լեզու | անգլերեն |
Քաղաքացիություն | Մեծ Բրիտանիայի և Իռլանդիայի միացյալ թագավորություն |
Ուշագրավ աշխատանքներ | Ինչպես է մարդը մտածում |
James Allen (author) Վիքիպահեստում |
Ջեյմս Ալլեն (անգլ.՝ James Allen, նոյեմբերի 28, 1864[1], Լեսթեր, Անգլիա, Մեծ Բրիտանիայի և Իռլանդիայի միացյալ թագավորություն - հունվարի 24, 1912[1], Իլֆրակոմբ, Միացյալ Թագավորություն), բրիտանացի փիլիսոփա գրող, որը հայտնի էր իր ոգեշնչող գրքերով և բանաստեղծություններով և որպես ինքնակրթությամբ զբաղվող ստեղծագործողների շարժման նախաձեռնող։ Նրա ամենահայտնի աշխատությունը «Ինչպես է մարդը մտածում» գիրքն է, որը մեծաքանակ վաճառքի է հանվել 1903 թվականին՝ հրապարակվելուց հետո։ Այն ոգեշնչման աղբյուր է հանդիսացել ինքնակրթության միջոցով զարգացող հեղինակների համար։
Կենսագրություն[խմբագրել | խմբագրել կոդը]
Ծնվել է Անգլիայի Լեսթեր քաղաքում, աշխատավորի ընտանիքում։ Նա երկու եղբայներից ավագն էր։ Մայրը գրել, կարդալ չգիտեր։ Հայրը՝ Ուիլիամը, հյուսն էր։ 1879 թվականին կենտրոնական Անգլիայի տեքստիլ առևտրի սնանկացման պատճառով Ալլենի հայրը միայնակ մեկնել է Ամերիկա՝ աշխատանք գտնելու և ընտանիքի համար նոր տուն կառուցելու նպատակով։ Ժամանելուց երկու օր անց, Նյու Յորքի հիվանդանոցներից մեկում նա իր մահկանացուն էր կնքել, ըստ ենթադրության՝ կողոպուտի և սպանության արդյունքում։ Տասնհինգ տարեկանում, ընտանիքում առկա կենցաղային խնդիրների պատճառով, Ալլենը ստիպված էր թողնել դպրոցը և աշխատանք գտնել։
1890-ականներին Ալլենն աշխատում էր որպես մասնավոր քարտուղար և գրավաճառ բրիտանական մի քանի արտադրական ընկերություններում։ 1893 թվականին Ալլենը տեղափոխվում է Լոնդոն, իսկ այնուհետև՝ Հարավային Ուելս՝ վաստակելով ապրուստը լրագրությամբ և զեկույցներ գրելով։ Հարավային Ուելսում նա հանդիպում է Լուիզա Օրամին (Լիլի Լ. Ալլեն), որի հետ ամուսնանում է 1895 թվականին։ 1898 թվականին Ալլենը գտնում է մի զբաղմունք, որի միջոցով նա՝ որպես «Ոսկե դարի հերոս» ամսագրի գրող, կարող էր դրսևորել իր հոգևոր և սոցիալական հետաքրքրությունները։ Այդ ժամանակ Ալլենը թևակոխում է ստեղծագործական մի ժամանակաշրջան, և այնուհետև հրատարակում է իր առաջին գրքերը՝ «Աղքատությունից մինչև իշխանություն» (1901)։ 1902 թվականին Ալլենը սկսում է հրատարակել իր սեփական հոգևոր ամսագիրը՝ «Բանականության լույսը», որը հետագայում վերանվանվում է որպես «Դարաշրջան»։
1903 թվականին Ալլենը հրատարակել է իր երրորդ և ամենահայտնի` «Ինչպես է մարդը մտածում» գիրքը։ Մեծապես հիմնված լինելով Աստվածաշնչի Առակաց գրքի 23:7 հատվածի վրա՝ «Ինչպես մարդը մտածում է իր սրտում, նա էլ այդպիսին է», այս փոքրիկ աշխատությունն ի վերջո, ընթերցվում է ամբողջ աշխարհում և Ալլենին հետմահու հանրաճանաչություն է բերում՝՝ որպես ժամանակակից մտքի ոգեշնչման աղբյուր հանդիսացող առաջատար գործիչներից մեկը։
Գրքի փոքր լսարանը հնարավորություն ընձեռեց Ալլենին թողնել իր քարտուղարի աշխատանքը և հետամուտ լինել գրելուն և խմբագրման կարիերային։ 1903 թվականին Ալլենների ընտանիքը տեղափոխվում է Իլֆրակոմբ քաղաք, որտեղ Ալլենն անցկացնում է իր կյանքի մնացած մասը։ Շարունակելով հրատարակել «Դարաշրջանը», ամեն տարի նա գրում էր ավելի քան մեկ գիրք, մինչև իր մահը՝ 1912 թվականը։ Այնտեղ ստեղծագործում է ինը տարի՝ ստեղծելով 19 աշխատություն։
1912 թվականին, Ալլենի մահից հետո նրա կինը շարունակում է հրատարակել ամսագիրը «Դարաշրջան» անվամբ։ Լիլի Ալլենը ամփոփեց ամուսնու գրական առաքելությունը՝ նրա հետմահու հրատարակված ձեռագրերից մեկի՝ «Երջանկության և հաջողության հիմնաքարերը» աշխատության նախաբանում, գրելով «Նա երբեք չի գրել տեսություններ կամ չի գրել հանուն գրելու. սակայն նա գրել է այն ժամանակ, երբ ասելիք է ունեցել, և երբ նա ապրել է այդ ամենն իր կյանքում, և իմացել է, որ դա լավ է։ Այսպիսով նա գրել է փաստեր, որոնք նա ապացուցել է գործնականում»[2]։
Գրականություն[խմբագրել | խմբագրել կոդը]
- From Poverty to Power; or, The Realization of Prosperity and Peace (1901) [Contains The Path to Prosperity and The Way of Peace.]
- All These Things Added (1903) [Contains Entering the Kingdom and The Heavenly Life.]
- As a Man Thinketh (1903)[3]
- Through the Gate of Good; or, Christ and Conduct (1903)
- Byways of Blessedness (1904)
- Out from the Heart (1904) [Sequel to "As a Man Thinketh"]
- Poems of Peace, including the lyrical-dramatic poem Eolaus (1907)
- The Life Triumphant: Mastering the Heart and Mind (1908)
- Morning and Evening Thoughts (1909)
- The Mastery of Destiny (1909)
- Above Life’s Turmoil (1910)
- From Passion to Peace (1910)
- Eight Pillars of Prosperity (1911)
- Man: King of Mind, Body and Circumstance (1911) Traduit en Français
- Light on Life’s Difficulties (1912)
- Foundation Stones to Happiness and Success (1913)
- James Allen’s Book of Meditations for Every Day in the Year (1913) [Collection of earlier texts, compiled by his wife Lily L. Allen]
- Meditations; A Year Book (1913) [US version of James Allen's Book of Meditations for Every Day in the Year]
- Men and Systems (1914)
- The Shining Gateway (1915)
- The Divine Companion (1919)
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Babelio (ֆր.) — 2007.
- ↑ "James Allen: A Life in Brief" by Mitch Horowitz, from As a Man Thinketh: Keepsake Edition (Tarcher/Penguin 2009)
- ↑ Announcement of "new book entitled, As a Man Thinketh" as it appears in the July 1903 Edition of The Light of Reason [1] Արխիվացված 2019-04-20 Wayback Machine
Արտաքին հղումներ[խմբագրել | խմբագրել կոդը]
- The James Allen Library — Complete collection of works by James Allen including many issues of his journal, The Light of Reason Արխիվացված 2021-02-26 Wayback Machine
- The James Allen Free Library
- All of James Allen's books
- Ջեյմս Ալլենի գործերը Գուտենբերգ նախագծում
- An Illustrated Biography by John L Woodcock at JAI.ORG.UK
Վիքիպահեստն ունի նյութեր, որոնք վերաբերում են «Ջեյմս Ալլեն» հոդվածին։ |
|