Պյոտր Ստեփանի Օսկանյան (1923, Վորոնեժ, ՌԽՖՍՀ, ԽՍՀՄ - սեպտեմբերի 2, 1988(1988-09-02), Մոսկվա, ԽՍՀՄ), Փառքի երեք աստիճանի շքանշանների ասպետ (10․8․1944, 12․11․1944, 31․5․1945), գվարդիայի եֆրեյտոր։ 1942 թվականի հուլիսին զորակոչվել էր կարմիր բանակ։ Հայրենական պատերազմի ժամանակ, որպես սակրավոր, մարտնչել էր Դոնի, Ստալինգրադի, Հարավային–արևմտյան, Ուկրաինայի․ 3-րդ և Բելառուսիայի 1-ին ռազմաճակատներում։ Փառքի շքանշանների արժանացել էր Արևմտյան Բուգի գետանցման ժամանակ և Լեհաստանի ազատագրման մարտերում ցուցաբերած խիզախության համար։ Պարգևատրվել էր նաև Կարմիր աստղի շքանշանով։