Պիկվիկյան ակումբի հետմահու հուշերը

Վիքիպեդիայից՝ ազատ հանրագիտարանից

«Պիկվիկյան ակումբի հետմահու հուշերը» (1836 - 1837թթ.) Չարլզ Դիքենսի առաջին վեպն է, որը մեծ հռչակ է բերել գրողին։ Դիքենսը գրել է ուրախ և ունևոր մարդկանց մի ակումբի մասին։ Նրանք ճանապարհորդում են ամբողջ Անգլիայով և հետևում «մարդկային բնությանը»: Այդ կերպ գրողն իր վեպում արտացոլել է նաև հին Անգլիայի բարքերն ու մարդկային խառնվածքների բազմազանությունը։ Վեպը գրելու պատվերը Դիքենսը ստացել է Ուլյամ Հոլից։ Մտահղացումը շատ պարզ էր. գրել պատմություն զվարճալի ջենթլմենների մասին, որոնք պատկերված են Ռոբերտ Սեյմուրի կտավում։ Վեպի ավարտից մեկ օր առաջ գրած նամակում Դիքենսն ասում է. «Վերջապես ես ձեռնամուխ եղա Պիկվիկին, որին վիճակված է ընթերցողի առաջ ներկայանալ իր փառքի ու մեծության ողջ փայլով»։