Պիետա (նկար, Վան Գոգ)
 | |
|---|---|
 | |
| տեսակ | գեղանկար և կրկնօրինակ |
| նկարիչ | Վինսենթ վան Գոգ[1] |
| տարի | 1889[2] |
| բարձրություն | 73 սանտիմետր |
| լայնություն | 60,5 սանտիմետր |
| ստեղծման վայր | Սեն Ռեմի դե Պրովանս[3] |
| ժանր | հոգևոր արվեստ |
| նյութ | յուղաներկ[1] և կտավ[1] |
| գտնվում է | Վան Գոգի թանգարան[2] |
| հավաքածու | Վան Գոգի թանգարան |
| հիմնական թեմա | Պիետա |
պատկերված են
| |
| http://www.vggallery.com/painting/p_0630.htm, https://vangoghworldwide.org/artwork/F630 կայք | |
Ծանոթագրություններ | |
 The Pietà (after Delacroix) (F630) Վիքիպահեստում | |
«Պիետա» (հոլ.՝ Pietà (naar Delacroix)), նիդերլանդացի հայտնի նկարիչ Վինսենթ վան Գոգի նկարը։ Արվել է Սեն Ռեմի դը Պրովանսում 1889 թվականի սեպտեմբերին։
Պատմություն[խմբագրել | խմբագրել կոդը]
Այս նկարը հիմնված է Էժեն Դելակրուայի նկարի վիմագրության վրա (1798—1803): «Պիետա» կտավում պատկերված է Մարիամ Աստվածածինը, որը սգում է Քրիստոսի մահը։ Փոքրիկ անհաջողությունը պատճառ է հանդիսացել այս աշխատանքի համար։ Վան Գոգը գրել է իր եղբորը՝ Թեոյին. «Դելակրուայի «Պիետա» նկարի վիմագրության ժամանակ մի քանի թերթեր ընկել են ներկի մեջ և յուղաներկը մի քիչ փչացել է։ Ես ահավոր վրդովված էի, և հիմա ես զբաղված եմ նրա նկարը նկարելով, որը դու կարող ես տեսնել»։ Այնուամենայնիվ, պահպանվել է նաև ներկի բծերով վնասված վիմագրությունը[4]։ Կրոնական թեմաներով աշխատանքները բացառություն են վան Գոգի նկարներում։ Կա նաև տարբերակ, որ հիվանդ ու «անհասկանալի» վան Գոգը այս կտավում համեմատել է իրեն տառապյալ Քրիստոսի հետ։ Նա այս թեմայով գրել է իր նամակներում. «Ես անտարբեր մարդ չեմ, և այս ընթացքում դաժանության ու Աստծուն ծառայելու մտքերը ժամանակ առ ժամանակ ինձ մխիթարում են բերում»։ Շատերը նաև շեշտում են կարմիր մորուքով վան Գոգի և «Պիետա» նկարում Քրիստոսի միջև արտաքին նմանությունը[5]։
Վան Գոգի «Պիետա» նկարն ամբողջովին համապատասխանում է Դելակրուայի ստեղծագործությանը։ Սակայն Վինսենթի ընտրած գունային գամման անհանգստացնող է, կապտադեղին։ Երանգների նման համադրությունը ցույց է տալիս նկարչի դեպրեսիան, դեպրեսիայի հակումը, խոցելիությունը։ Հենց այդ վիճակում, ամենայն հավանականությամբ, Վան Գոգը գտնվել է կյանքի վերջին տարիներին։ Նկարիչը «Պիետան» նկարել է ինքնասպանությունից մեկ տարի առաջ, սակայն հոգեկան անդառնալի փոփոխությունները երևացել են դեռևս այդ ժամանակ։ Վան Գոգի կյանքը ուսումնասիրողները մտածում են, որ նրա միակ կրոնական նկարում նա նկարել է իրեն՝ միայնակ, չհասկացվող և տառապող՝ նվիրելով իր կյանքը Աստծուն և արվեստին[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 https://rkd.nl/explore/images/53582
- ↑ 2,0 2,1 http://www.vangoghmuseum.nl/nl/collectie/s0168V1962
- ↑ http://www.vggallery.com/painting/p_0630.htm
- ↑ «Pietà (after Delacroix), 1889». Արխիվացված է օրիգինալից 2014 թ․ մայիսի 17-ին. Վերցված է 2018 թ․ փետրվարի 16-ին.
- ↑ 100 Шедевров из коллекции Музея Ван Гога.
- ↑ Пьета (Оплакивание Иисуса Христа)