Պատրիսիա Ռայթսոն

Պատրիսիա Ռայթսոն անգլ.՝ Patricia Wrightson
Ծնվել է	հունիսի 19, 1921(1921-06-19)
Ծննդավայր	Լիսմոր
Մահացել է	մարտի 15, 2010(2010-03-15)[…] (88 տարեկան)
Մահվան վայր	Լիսմոր
Քաղաքացիություն	Ավստրալիա
Մասնագիտություն	գրող, մոնտաժող և մանկագիր
Պարգևներ և մրցանակներ	Dromkeen Medal? և
Patricia Wrightson Վիքիպահեստում

Պատրիսիա Ռայթսոն (անգլ.՝ Patricia Wrightson, հունիսի 19, 1921(1921-06-19), Լիսմոր - մարտի 15, 2010(2010-03-15)^[…], Լիսմոր), ավստրալիացի մանկագիր։

Կենսագրություն

Ծնվել է Նոր Հարավային Ուելս նահանգի Լիսմոր գյուղաքաղաքում։ Մինչ Քվինսլենդում դպրոց ընդունվելը սովորել է հեռակա։ Երկրորդ համաշխարհային պատերազմի ժամանակ Պատրիսիան աշխատել է Սիդնեյի ռազմական գործարանում։ Ռայթսոնի գրական կարիերան սկսվել է, երբ Նոր Հարավային Ուելսի քաղաքներից մեկում որպես հիվանդանոցի ադմինիստրատոր է աշխատել։ 1955 թվականին լույս է տեսել նրա առաջին վեպը՝ «Օձի կորը» (The Crooked Snake)։ 1960 թվականին Ռայթսոնը տեղափոխվել է Սիդնեյ, որտեղ դարձել է նախ խմբագրի օգնական, ապա՝ Դպրոցական հանդեսի (որը կրթության պետական դեպարտամենտը անվճար տարածել է Նոր Հարավային Ուելսի բոլոր տարրական դպրոցներում) ամենամսյա գրական անթոլոգիայի խմբագիր։

Պատրիսիա Ռայթսոնի վաղ շրջանի ստեղծագործությունները քննադատները բնութագրել են որպես ռեալիստական, բայց 1970-ականների սկզբից նրա գործերում սկսել են գերիշխել Ավստրալիայի աբորիգենների բանահյուսության հետ կապված մոտիվները։ Ռայթսոնի ստեղծագործությունների բանաստեղծական լեզուն առավել բացահայտվել է նրա գլխավոր ստեղծագործության՝ «Երգ Վիրրունի մասին» եռագրության մեջ, որը ներառում էր «Սառույցը մոտենում է», «Ջրի մուգ փայլը» և «Քամու հետևում» («The Ice is Coming», «The Dark Bright Water», «Behind the Wind») գրքերը։ Եռագրությունը նվիրված է աբորիգեն Վիրունի կյանքին, որը ձգտում է երկիրը փրկել կործանումից։ Ռայթսոնի մյուս երկու գրքերն են «Մթնալուսին» և «Balyet»։ «Մթնալուսին»-ում, յուրատիպ հումորով համեմված, խոսք է գնում սպառնացող էկոլոգիական աղետի մասին, իսկ «Balyet»-ում գերիշխում է տխրությունը։

Պատրիսիա Ռայթսոնի ստեղծագործությունը լայն ճանաչում է ստացել Ավստրալիայում և ամբողջ աշխարհում, նրան շնորհվել են բազմաթիվ ազգային և միջազգային մրցանակներ, նրա ստեղծագործությունները թարգմանվել են 16 լեզուներով։ Դեռևս գրողի կենդանության օրոք՝ 1999 թվականին, Ավստրալիայում շնորհվել է գրական մրցանակ, որն անվանվել է նրա պատվին։

Պատրիսիա Ռայթսոնը մահացել է 2010 թվականի մարտի 15-ին Նոր Հարավային Ուելսի հոսպիտալում։

Մրցանակներ

• Բրիտանական կայսրության շքանշան (1977)
• Դիտմարի մրցանակ (1982)
• Dromkeen Medal (1984)
• Հանս Քրիստիան Անդերսենի անվան մրցանակ (1986)
• Ավստրալիայի տարվա լավագույն մանկական գիրք (1956, 1974, 1978, 1984)

Մատենագրություն (ընտրված)

• The Crooked Snake (1955)
• The Bunyip Hole (1958)
• The Rocks of Honey (1960)
• The Feather Star (1962)
• Down to Earth (1965)
• A Racecourse for Andy (1968)
• I Own the Racecourse! (1968).
• Beneath the Sun: an Australian collection for children (1972)
• An Older Kind of Magic (1972)
• The Nargun and The Stars (1973)
• Emu Stew: an illustrated collection of stories and poems for children (1976)
• The Human Experience of Fantasy (1978)
• Night Outside (1979)
• Journey Behind the Wind (1981)
• A Little Fear (1983)
• The Haunted Rivers (1983)
• Moon-dark (1987)
• The Song of Wirrun (1987)
  • «The Ice is Coming» (1977)
  • «The Dark Bright Water» (1978)
  • «Behind the Wind» (1981)
• Manmorker (1989)
• Balyet (1989).
• The Old, Old Ngarang (1989)
• The Sugar-gum Tree (1991)
• Shadows of Time (1994)
• Rattler’s Place (1997) (անգլ.՝ Aussie Bites շարքում)
• The Water Dragons (անգլ.՝ Aussie Bites շարքում).

Ծանոթագրություններ

Վիքիպահեստն ունի նյութեր, որոնք վերաբերում են «Պատրիսիա Ռայթսոն» հոդվածին։